Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 19:4 - Vengo (Babungo)

⁴ Pilate baa fùu jwi shəŋ ŋkɨə faŋ vɨɨ Jus nə luu shɔ nə, gì tɨ́ vəŋ laa, «Viŋ zɔ, mə taa fuusə wə ŋwə̀, laa viŋ kɨɨ yinsəŋ laa mə kee yè bɨkə wi me.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 19:4 ပူးပေါင်းရင်းမြစ်များ

Matiu 27:19

Kɨ luu maa yighee yɔ́, faŋ goməna nə dùꞌ fuu ŋkaw məshia nsɔꞌ nə, zu wi tɔŋ ntɔŋ tɨ́ ŋwə laa, kɨ ŋwə kwaŋ ghɔ maa nu nsɔꞌ wuu ley wì me, laa nu ki nii ghaysə yi dɨdɨꞌ ndee taa njyəə.

Matiu 27:24

Faŋ Pilate nə ye laa nu kee fùu fɨ maa yigisə yi me, baa ye laa yumə koꞌ yaŋ dɨdɨꞌ, ŋwə bitə muu, sɔ̀ ghɔ yi shɔ vɨsɨ nwaa vɨɨ vɔ́, gì laa, «Viŋ ye, mə kee kìi nu kɔ̀ŋ nu mənshi mə wə ŋwə̀ me, mə lùu məmbuꞌ, luu ŋkiŋ nu.»

Matiu 27:4

gì laa, «Mə yɨ̀ nu bwə faŋ mə nə fìŋ wuu məmbuꞌ nə.» Vəŋ gi laa, «Kee lùu nu kia me. Luu ŋkɨɨ nu.»

Matiu 27:54

Tɨɨ vəsogeꞌ ghɔ vɨ vɨɨ vi faŋ vəŋ nə dùꞌ, kɨ ndeynə Yeso nə, ye mənəꞌnə nsi ghɔ́, baa nə vənu vənshə faŋ mbə nə gày, vəŋ fee dɨdɨꞌ, gì laa, «Ŋkee yinsəŋ, nə luu ŋkee Wee Nwi nə.»

Lukas 23:4

Goməna Pilate gi tɨ́ vɨɨ kwalə məfeꞌ Nwi nə vɨɨ mbɨə faŋ vəŋ nə bàytə yifi laa yi kee yè nu faŋ wə ŋwə̀ gù me.

Lukas 23:41

Nsoo lùu taa nsɔꞌ yiloomə, buꞌ laa nsoo nə yɨ̀ nu bwə, buu vɨ kɨ shia nsɔꞌ nyə̀ tɔ nsoo. Gə fɨ maa wə ŋwə̀, ŋwə kee yɨ̀ tuu nu gu me.»

Lukas 23:47

Faŋ tɨɨ vəsogeꞌ nə yè nu ŋkɨə faŋ ŋkə gày, ŋwə bəŋsə Nwi, gì laa, «Yinsəŋ, wə ŋwə̀ nə luu wuu loomə.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 18:33

Pilate bəŋ baa ŋìi taa ŋii ntoꞌ, tìi Yeso laa ŋwə jwi. Yeso jwi, ŋwə bitə tɨ́ Yeso laa, «A luu fwàŋ vɨɨ Jus mu?»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 18:38

Pilate gi tɨ́ ŋwə laa, «Nu yinsəŋ sii lùu kə?» Ŋwə gi nɨniŋ, baa fùu fu, gə̀ yè vɨɨ Jus, gì tɨ́ vəŋ laa, «Mə kee ye tuu nu kəmuꞌ faŋ wə ŋwə̀ gù me.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 19:6

Vɨɨ kwalə məfeꞌ Nwi ghɔ vɨ vɨɨ faꞌ vəŋ ye Yeso, yùmə laa, «Vɨ bey ŋwə fuu fəŋkɔꞌ fə ŋkɨꞌsə! Vɨ bey ŋwə fuu fəŋkɔꞌ fə ŋkɨꞌsə!» Pilate gi tɨ́ vəŋ laa, «Viŋ ndi ŋwə ŋgɨɨ-viŋ, gə̀ bèy ŋwə fuu fəŋkɔꞌ fə ŋkɨꞌsə. Gə fɨ maa mə, mə kee yè nu bwə ki me.»

2 Kɔrintian 5:21

Nwi nə yɨ̀sə laa wə ntɨə faŋ ŋwə nə kee kɨ̀ɨ nə nu bwə me, biꞌ yibɨsə nyaa-nsiŋ, tɨ́ kaꞌ nsiŋ lùu vɨɨ loomə vɨsɨ Nwi.

Hibru 7:26

Ŋwə luu ŋkee wuu ley, kee kìi nu bwə me, tɨꞌnə me kìi wee-ndoꞌ maa ŋwə me. Ŋwə kee kìi nu ghɔ vɨɨ bwənə me. Nwi nùŋsə ŋwə ŋkee taa yizɔ, laa ŋwə duꞌ yɨ Nwi. Nɨniŋ, ŋwə kùꞌnə tɨ́ kaꞌ ŋwə lùu wuu kwalə məfeꞌ Nwi tɨ́ nsiŋ.

1 Pita 1:19

Ŋwə nə shùꞌ fwi siŋ sheꞌ nə mənshi mi, faŋ lùu fa bwey. Kristo nə lùu yaa bi-njɨɨ, faŋ vɨ yaa kɨ sɨɨ, kɔ Nwi shɔ, tɨ́ kaꞌ Nwi ndènə yibɨsə vɨɨ. Nɨniŋ, ŋwə nə kù tɔ nsiŋ faŋ tuu wee-ndoꞌ, tɨꞌnə me wee-shəŋ fəŋ, nə kee lùu maa ŋwə me.

1 Pita 2:22

Ŋwə nə kee yɨ tuu nu bwə nə ŋwaa ŋgwinə me, wə kee ta zɔ̀ yigisə təba fɨ shuu ŋwə me.

1 Pita 3:18

Kristo nə kù yighee muꞌ buꞌ vənu vəbwəvə faŋ vɨɨ yɨ̀sə. Ŋkee wə ntɨə faŋ vənu vi lùu vəloomə, kù tɔ vɨɨ faŋ vənu vəvəŋ kee lùu vəloomə me, laa ŋwə kiasə nsiŋ, kɔ̀ tɨ́ Nwi. Vɨ nə zwì mbasə ŋwaa wi, luu nə, zwitə ki bwey.

1 Jɔn 3:5

Viŋ kɔꞌ kɨɨ laa, Yeso Kristo yaa fùu ntee laa ŋwə sɔ vənu vəbwəvə fɨ maa vɨɨ, faŋ tuu nu bwə nə kee lùu maa ŋwə me.