Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 19:30 - Vengo (Babungo)

³⁰ Yeso swiŋ məluꞌ mbɔ́, ndɔ̀ gì laa, «Ŋkə mè,» mɔ̀ꞌ me wi way muꞌ, kɨ nii yiku.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 19:30 ပူးပေါင်းရင်းမြစ်များ

Matiu 20:28

Fɔnə Wuu yinsəŋ Nwi nə kee jwì laa vɨɨ kɨ faꞌ tɨ́ ŋwə me. Ŋwə nə bee kii jwi maa məfaꞌ tɨ́ vɨɨ, kɔ̀ ŋwaa wi tɨ́ yiku maa məbweysə vɨɨ vəyaŋ.»

Matiu 27:50

Yeso baa kii yumə ŋkee nəŋay, zwitə ki kɨ nii yime, ŋwə ku.

Matiu 3:15

Yeso bəŋsə tɨ́ ŋwə laa, «Meꞌtə ŋkə lùu nɨniŋ ndwə. Bàw ŋkə luu nɨniŋ laa sɨ kɨ yɨsə vənu vənshə faŋ Nwi kàw.» Nɨniŋ, Jɔn biŋ, mèꞌtə ŋwə.

Mark 15:37

Yeso baa yùmə nəŋay, kɨ nii yishɨnə.

Lukas 22:37

Mə naysə tɨ́ viŋ laa, nu ŋkɨə faŋ vɨ nə nyɔ̀ꞌ taa ŋwaꞌlə Nwi, taa ghaa gay maa mə. Nu kɔ́ faŋ vɨ nə nyɔ̀ꞌ buꞌ mə nə, lùu laa, «Vɨ nuŋsə wə ghɔ́ taa ŋwaa vəyɨ-kəbwə.» Yinsəŋ, yigi yɔ́ taa faynə maa mə.»

Lukas 23:46

Yeso yumə nəŋay laa, «Tɨta, mə kɔ zwitə kaŋ taa ghɔ ghɔ.» Ŋwə gi nɨniŋ, kɨ nii yiku.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 10:11

«Mə lùu yaa nshii bisə yijəə. Nshii bisə yijəə yaa kɨ ku tɔ bisə si.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 10:18

Ŋkə kee lùu laa wə ndɔ baꞌsə məbwey fɨ ghɔ mə nə wutə ki me. Ndɔ biŋ mə biŋ yiku ŋgɨɨ-mə. Mə kìi wutə maa məbiŋ yiku, baa nə wutə maa məywey fɨ shɨ yiku. Nə kɔ̀ Tii ŋwaa kɔ ntɨ nyə̀ nə wutə kɔ́ shee.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 17:4

Mə nə də̀ yikwalə yə taa mbi nyə̀, fàꞌ faꞌ ŋgwə faŋ a nə tɔ̀ŋ mə laa mə faꞌ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 19:28

Yiŋkii kɨ mè, tɨ́ Yeso kɨɨ laa yi mètə vənu vi vənshə, kɨ nii gì laa, «Fwi nyaa yɔŋ.» Nɨniŋ, ŋkə fàynə nə nu faŋ ŋkə lùu taa ŋwaꞌlə Nwi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 4:34

Yeso gi tɨ́ vəŋ laa, «Fazɨ kaŋ lùu laa mə kɨ yɨsə nu wə ntɨə faŋ ŋwə nə tɔ̀ŋ mə nə, baa nə laa mə metə vəfaꞌ vi.

Roma 10:4

Vəndwə və ntɨsə Nwi lùu Yeso Kristo faŋ ŋwə yɨsə laa nu wə kiasə lòomə, buꞌ faŋ ŋwə nùŋ fwi yi maa ŋwə.

Roma 3:25

Nwi nə nuŋsə ŋwə laa ŋwə tu mənshi mi, kù tɔ vɨɨ, gù vəkɔ və Nwi nɨniŋ, yɨsə vəŋ faynə gu fa kəmuꞌ, ghɔ vɨ Nwi, faŋ vəŋ taa nuŋsə fwisə vəŋ maa vəkɔ və Nwi vɔ́. Maa yighee vɨsɨ, Nwi nə jìa fwi yi, kee ta kwàŋ nsɔꞌ tɔ vɨɨ me.

1 Kɔrintian 5:7

Nɨniŋ ghɔ́, viŋ fuusə nu bwə fɨ taa ŋwaa viŋ. Viŋ kee fuusə me, buu ŋkə taa saynə taa ŋwaa viŋ, sheꞌ yuu fənsɨŋ sàynə taa bee nə. Viŋ fuusə nu bwə kɔ́, yuu dùꞌ vəley. Maa yinsəŋ, viŋ duꞌtə viŋ luu vəley, buꞌ laa Yeso nə kù tɔ nsiŋ, sɔ̀ yibɨsə nyaa-nsiŋ. Ŋwə lùu tɨ́ nsiŋ yaa bi-njɨɨ njyə faŋ vɨ yaa kɨ kɔ Nwi shɔ maa ndey shi Pasa.

Filipi 2:8

Yighee njyə faŋ ŋwə nə luu wə nə, ŋwə baa sùꞌsə ŋwaa wi nsi, bìŋ yiku, ŋkee yiku vɨɨ bwənə, faŋ vɨ nə bèy ŋwə fuu fəŋkɔꞌ fə ŋkɨꞌsə.

Hibru 12:2

Bàw nsiŋ tə sɨ sheꞌ maa Yeso faŋ ŋwə nə ŋaꞌsə jɨɨ tɨ́ nsiŋ, tɨ́ kaꞌ nsiŋ nùŋ fwi saŋ-nsiŋ maa ŋwə. Ŋwə baa luu gaŋtə nsiŋ, tɨ́ kaꞌ nsiŋ kɨ gə nə vɨsɨ, kɨ bɨbiŋ nu ki, zìꞌ maa vəndwə. Ŋwə nə bìŋ maa məku ŋkee yiku tɔ dɨɨ fuu fəŋkɔꞌ fə ŋkɨꞌsə, kee shə̀ŋ maa nu tɔ dɨɨ kɔ́ me. Ŋwə nə tə̀ sɨ laa yi ndɔ kii məŋaytə ŋgwə faŋ Nwi nùŋsə tɨ́ ŋwə nə. Nɨniŋ, ŋwə dùꞌ fuu ŋkaw yifwàŋ maa kwiŋ maꞌnə Nwi ndwə.

Hibru 9:22

Yinsəŋ, maa jɨɨ ntɨsə sɔ́, vətɔ kee gòꞌ vəyaŋ faŋ vɨ kee ndì mənshi, sɔ̀ shɔ, tɨ́ kaꞌ mbə lèy tɨ́ Nwi me. Jɨɨ yiday kee lùu shɔ, tɨ́ kaꞌ Nwi ndenə nu bwə me, tɨ̀ lɨꞌ laa mənshi shəŋ nsi me.