Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 19:28 - Vengo (Babungo)

²⁸ Yiŋkii kɨ mè, tɨ́ Yeso kɨɨ laa yi mètə vənu vi vənshə, kɨ nii gì laa, «Fwi nyaa yɔŋ.» Nɨniŋ, ŋkə fàynə nə nu faŋ ŋkə lùu taa ŋwaꞌlə Nwi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 19:28 ပူးပေါင်းရင်းမြစ်များ

Lukas 12:50

Mə ndɔ ghaa fi muu mə Nwi məmɔ́ꞌ. Nu kɔ́ dɔŋsə mə laa mə gə mètə nu muu kɔ́.

Lukas 18:31

Yeso kɨ nii ndì vɨɨ vi njɔsə-bɔɔ nə, ghɔ vɨ vəŋ shəŋtə. Ŋwə gi tɨ́ vəŋ laa, «Viŋ zɔ! Nsiŋ koꞌ gə Jerusalem ndwə. Nsiŋ taa ziꞌ shɔ, vənu vənshə faŋ nshiisə-ŋii sɔghɔ nə nyɔꞌ taa ŋwaꞌlə Nwi kɔ̀ŋ Wuu yinsəŋ Nwi, taa faynə, gay maa ŋwə.

Lukas 22:37

Mə naysə tɨ́ viŋ laa, nu ŋkɨə faŋ vɨ nə nyɔ̀ꞌ taa ŋwaꞌlə Nwi, taa ghaa gay maa mə. Nu kɔ́ faŋ vɨ nə nyɔ̀ꞌ buꞌ mə nə, lùu laa, «Vɨ nuŋsə wə ghɔ́ taa ŋwaa vəyɨ-kəbwə.» Yinsəŋ, yigi yɔ́ taa faynə maa mə.»

Lukas 9:31

Vəŋ jwi kɨ nɨndwaꞌlə, məley Nwi lùu maa vəŋ. Vəŋ gisə tɨ́ Yeso kɔ̀ŋ jɨɨ njyə faŋ ŋwə ndɔ metə vəfaꞌ vi, ku ntɨꞌ Jerusalem.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 13:1

Shi zwisə Pasa nəə kəə kuꞌ, Yeso kɨɨ laa yighee yi maa məndɔ fɨ shɨ nsi, gə̀ yɨ Tii wi kùꞌnə. Ŋwə nə kàw vɨɨ vi faŋ vəŋ nə lùu taa mbi. Ŋwə nə kàw vəŋ mètə, də̀ ŋkawnə yi tɨ́ vəŋ tɨ́ nee:

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 17:4

Mə nə də̀ yikwalə yə taa mbi nyə̀, fàꞌ faꞌ ŋgwə faŋ a nə tɔ̀ŋ mə laa mə faꞌ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 18:4

Vəŋ ziꞌ yifi, Yeso fuu fɨ taa yindɨɨ yɔ́, tɨ́ ŋwə nə kɔꞌ kɨɨ nə vənu vənshə faŋ mbə kəə gay maa ŋwə. Ŋwə fuu, bìtə tɨ́ vəŋ laa, «Viŋ kəə ndə?»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 19:24

Vəŋ gi vəŋ vəŋ laa, «Kɨ nsiŋ setə me, nsiŋ tuŋ beꞌ shɔ, yè wə ntɨə faŋ ŋwə taa zɨ.» Ŋkə nə gày nɨniŋ maa məfaynə nə nu ŋkɨə faŋ ŋkə lùu taa ŋwaꞌlə Nwi laa, «Vəŋ nə gàtə njwi saŋ vəŋ vəŋ, tùŋ beꞌ maa njwi nyaa yimɔꞌ.» Luu sheꞌ faŋ vəsogeꞌ vɔ́ nə yɨ̀.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 19:30

Yeso swiŋ məluꞌ mbɔ́, ndɔ̀ gì laa, «Ŋkə mè,» mɔ̀ꞌ me wi way muꞌ, kɨ nii yiku.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 19:36

Nu kɔ́ nə gày maa məfaynə maa nu ŋkɨə faŋ vɨ nə nyɔ̀ꞌ taa ŋwaꞌlə Nwi ŋkee fɨshi laa, «Vɨ ndɔ kee bɨꞌ tuu wutə ŋwaa ki me.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 4:34

Yeso gi tɨ́ vəŋ laa, «Fazɨ kaŋ lùu laa mə kɨ yɨsə nu wə ntɨə faŋ ŋwə nə tɔ̀ŋ mə nə, baa nə laa mə metə vəfaꞌ vi.

Akts 13:29

Nɨniŋ, vəŋ yɨ vənu vənshə faŋ vɨ nə ŋwàꞌlə buꞌ ŋwə taa ŋwaꞌlə Nwi. Vɨ kɨ nii sùꞌsə ŋwə fɨ mbɨɨ tɨ ŋkɨꞌsə, nùŋ ŋwə taa swi.