Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 19:17 - Vengo (Babungo)

¹⁷ Vəŋ gə nɨniŋ, Yeso shaꞌ fəŋkɔꞌ fə ŋkɨꞌsə fi ŋgɨɨ-ŋwə, ndɔ̀ gə̀ nɨniŋ maa shəŋ mɔ́ꞌ faŋ vɨ tii nə shəŋ ghutə tɔ wə. Yizii shəŋ kɔ́ maa ghaŋ Hibru nə luu Golgota.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 19:17 ပူးပေါင်းရင်းမြစ်များ

Matiu 10:38

Wə ntɨə faŋ ŋwə kee bìŋ maa məshaꞌ fəŋkɔꞌ fə ŋkɨꞌsə fi, kɨ beꞌsə mə (ŋkee maa shəŋ ŋɨꞌ) me, buu ŋwə kee kùꞌnə shee me.

Matiu 16:24

Yeso kɨ nii gì tɨ́ vɨɨ məzwetə nu ki laa, «Wə kəə kɨ beꞌsə mə, ŋwə twèy nu ŋwaa ki, bìŋ maa məshaꞌ fəŋkɔꞌ fə ŋkɨꞌsə fi, bèꞌsə mə.

Matiu 27:37

Ŋwaꞌlə nsɔꞌ wi faŋ vɨ nə nyɔ̀ꞌ tɔ fəŋkɔꞌ fə ŋkɨꞌsə fi luu laa, «Lùu Yeso, fwàŋ vɨɨ Jus nə.»

Mark 10:21

Yeso ndeynə ŋwə, kàw ŋwə, gì tɨ́ ŋwə laa, «A bəə sheꞌ nu kəmuꞌ. Nu kɔ́ lùu laa, a gə fìŋtə vətɔ və vənshə, kɔ̀ ka ghɔ́ nshə tɨ́ mbəəsə, jwì bèꞌsə mə, buu a ndɔ kii vətɔ vəyaŋ shɨ Nwi.»

Mark 15:26

Ŋwaꞌlə nsɔꞌ yi faŋ vɨ nə nyɔ̀ꞌ fuu fəŋkɔꞌ fə ŋkɨꞌsə fi nə luu laa «Fwàŋ vɨɨ Jus.»

Mark 15:32

Bàw wə ntɨə faŋ ŋwə gì laa yi lùu wuu məbweysə ŋwaa-nsiŋ, fwàŋ vɨɨ Isirayl, siꞌ fɨ fuu fəŋkɔꞌ fə ŋkɨꞌsə ndwə, tɨ́ kaꞌ nsiŋ yè, ndɔ̀ bìŋ ŋwə.» Ŋkee vɨɨ mbɨə faŋ vɨ nii bèy ŋwə ghɔ vɨ vəŋ mɔ́ꞌ nə, ndasə ŋwə nɨzi.

Mark 8:34

Yeso kɨ nii baa tìi nwaa vɨɨ vəyaŋ faŋ vəŋ nə bàytə yifi, ghɔ vɨ vɨɨ məzwetə nu ki, laa vəŋ shəŋtə jwi yɨ ŋwə. Ŋwə kɨ nii gì tɨ́ vəŋ laa, «Wə ntɨə faŋ ŋwə kəə jwì fɨ yiba jɨŋ mə, bàw ŋwə twey nu ŋwaa ki, bìŋ maa məshaꞌ fəŋkɔꞌ fə ŋkɨꞌsə fi, bèꞌsə mə (ŋkee maa shəŋ ŋɨꞌ).

Lukas 14:27

Wə kɨ luu kee kɨ shaꞌ fəŋkɔꞌ fə ŋkɨꞌsə fi, (kɨ beꞌsə mə ŋkee maa shəŋ ŋɨꞌ,) buu kee lùu wuu məzwetə nu kaŋ me.

Lukas 23:26

Vɨ kɨ nii ndì Yeso, gə̀ nə ŋwə, kɨ gə nɨniŋ, jìa wə mɔ́ꞌ faŋ ŋwə nə ndɔ̀ fɨ taa biisə. Wə ghɔ́ nə luu wuu Kirene, yizii yi lùu Saymon. Vɨ koꞌsə fəŋkɔꞌ fə ŋkɨꞌsə mbəꞌ Saymon ghɔ́, laa ŋwə biꞌ, kɨ beꞌsə Yeso.

Lukas 23:33

Vəŋ kɨ ziꞌ maa shəŋ ŋkɨə faŋ vɨ tii nə shəŋ ghutə tɔ wə, vɨ bey Yeso fuu fəŋkɔꞌ fə ŋkɨꞌsə yifi, bèy vəyɨ-vəbwəvə vɔ́ shɔ nɨzi, wuu mɔ́ꞌ maa kwiŋ Yeso maꞌnə, wuu mɔ́ꞌ maa kwiŋ ŋkwii.

Lukas 23:38

Vəŋ nə gì nɨniŋ, buꞌ laa vɨ nə nyɔꞌ ŋwaꞌlə mɔ́ꞌ, bèy tɔ fəŋkɔꞌ fə ŋkɨꞌsə laa, «Luu fwàŋ vɨɨ Jus nə.»

Lukas 9:23

Yeso baa gì tɨ́ vɨɨ vənshə laa, «Wə kɨ luu kəə kɨ beꞌsə mə, bàw ŋwə shaꞌ fəŋkɔꞌ fə ŋkɨꞌsə fi shi shi, beꞌsə mə (ŋkee maa shəŋ ŋkɨə faŋ kaꞌ vɨ zwi ŋwə shɔ nə).

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 19:13

Pilate zɔ nu kɔ́, fùusə Yeso fu, dùꞌnə fuu ŋkaw məshia nsɔꞌ maa shəŋ ŋkɨə faŋ vɨ nəə tii nə taa shiŋii ŋoꞌsə. Yizii shəŋ kɔ́ yimɔ́ꞌ luu laa Gabata maa ghaŋ Hibru.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:2

Wee-fɨ-yibɨɨ muu nə luu shɔ ntɨꞌ Jerusalem shuu jɨɨ njyə faŋ vɨ nəə tii nə shuu jɨɨ bisə-njɨɨ. Vɨ nəə tii yibɨɨ yɔ́ nə Betsata maa ghaŋ Hibru. Maa shəŋ kɔ́ vəshəŋ vəndɨŋ shɔ tee, shuu muu yɔ́.

Akts 7:58

jia ŋwə, gə̀ nə ŋwə yiba, tùmə ŋwə nə ŋoꞌsə. Vɨɨ mbɨə faŋ vəŋ nə zɔ̀ nu kɔ́ taa ŋii nsɔꞌ, nuŋsə njwisə vəŋ ghuu wuu zawə mɔ́ꞌ, yizii yi luu Sɔɔl,