Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 19:11 - Vengo (Babungo)

¹¹ Yeso bəŋsə tɨ́ ŋwə laa, «Nə toꞌ maa kɔ Nwi kɔ̀ wutə kɔ́ tɨ́ ghɔ me, buu kaꞌ a kee kìi wutə tɔ mə me. Nɨniŋ, nu bwə wə ntɨə faŋ ŋwə nii kɔ̀ mə tɨ́ ghɔ nə, shɔɔ ŋkɨə faŋ yɨ̀ ghɔ.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 19:11 ပူးပေါင်းရင်းမြစ်များ

Matiu 26:65

Wuu kwalə məfeꞌ Nwi ghɔ́ zɔ, sètə njwi si, gì laa, «Ŋwə ndà Nwi. Nsiŋ sii baa kəə vɨɨ məgi nu tɔ ŋwə tɨ́ kə? Maa viŋ zɔ̀ faŋ ŋwə ndà Nwi.

Matiu 27:2

Vəŋ ka ŋwə, ndì ŋwə, tɔ̀ŋ ŋwə tɨ́ goməna Pilate.

Matiu 6:13

Kɨ ghɔ biŋ yia ŋii məmɔŋ maa məyɨ nu bwə me. Gaŋtə yia fɨ ghɔ vənu vəbwəvə. [Wutə məsɔꞌ vɨɨ nə wutə məyɨ vənu vənshə, nə feenə, kii sheꞌ ghɔ, tɨta Nwi. Ŋkə goꞌsə yighee muꞌ. Amen.]

Mark 14:44

tɨ́ wuu məfiŋ Yeso nə naysə shwenə tɨ́ vəŋ laa wə ntɨə faŋ yi taa gə shɔ̀ꞌtə ŋwə, nyɔ̀ŋ fəə ghi, buu lùu Yeso. Nɨniŋ laa vəŋ jia ŋwə, gə̀ nə ŋwə fɨ taa yitɔfə.

Lukas 22:53

Maa nsiŋ yaa luu mɔ́ꞌ taa ŋii Nwi yikwalə vəshi vənshə, viŋ kee kɔ̀ŋ mə nə ghɔ me. Luu nə, lùu yighee yiŋ ndwə, nə wutə taa mfiŋsə.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 18:13

ndì ŋwə, ghɔ vɨ vəŋ bɨ gə ye Anas, buꞌ laa Anas ghɔ́ nə luu shi Kayafas, tɨɨ zu Kayafas, faŋ nə luu wuu kwalə məfeꞌ Nwi maa ŋuꞌ yɔ́.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 18:3

Nɨniŋ, Judas ndi vəsogeꞌ nə vɨɨ faꞌ fɨ taa ŋii Nwi yikwalə faŋ nə tɔ̀ŋ vɨɨ kwalə məfeꞌ Nwi nə vɨɨ Farisii tɔ̀ŋ vəŋ. Judas ghɔ vɨ vɨɨ vɔ́ gə maa shəŋ kɔ́ nə təkiꞌ nə vətɔ və yighaw.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 19:10

Nɨniŋ, Pilate gi tɨ́ ŋwə laa, «Sii yɨ̀ kə a kee kɔ bəŋsə shee me? A kee kɨɨ laa mə kìi wutə tɨ́ kaꞌ mə meꞌtə ghɔ yimu? Mə baa kìi wutə tɨ́ kaꞌ mə bey ghɔ fuu fəŋkɔꞌ fə ŋkɨꞌsə.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:27

Jɔn bəŋsə tɨ́ vəŋ laa, «Kaꞌ wə kee fì fa, maa laa Nwi kɔ̀ tɨ́ ŋwə fɨ yizɔ me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 7:30

Buꞌ yigi nyə̀, vɨɨ kwalə vɨɨ Jus nə kəə jɨɨ, jìa Yeso. Luu nə, wə kee lùu shɔ, kɔŋ ŋwə nə ghɔ me, buꞌ laa yighee yi nə kee ta yikuꞌ me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 9:41

Ŋwə bəŋsə tɨ́ vəŋ laa, «Viŋ nii toꞌ biŋ laa sɨ ghiŋ fɨ, buu nu bwə kee lùu maa viŋ me. Luu nə, viŋ gì laa, viŋ yɨyenə. Nɨniŋ, nu bwə gòꞌsə maa viŋ.»

Akts 2:23

Nwi nə duꞌtə Nwi nuŋsə taa ŋkɨɨ Nwi laa, vɨ kɔ̀ Yeso tɨ́ viŋ, viŋ yɨ laa vɨɨ faŋ vəŋ kee kɨɨ nə ntɨsə Nwi me, bey ŋwə fuu fəŋkɔꞌ fə ŋkɨꞌsə, zwi ŋwə shɔ.

Akts 3:13

Viŋ zɔ! Nwi vətɨɨ via Abraham nə Isak baa nə Jeykob, nəə bəŋsə wuu faꞌ wi Yeso. Luu ŋwə faŋ viŋ nə kɔ̀ tɨ́ goməna Pilate, baa twey ŋwə sɨ Pilate, faŋ ŋwə nə kəə meꞌtə ŋwə, ŋwə gə.

Akts 4:28

Vəŋ yɨ̀sə vənu vənshə faŋ a nə nùŋsə maa wutə kə nə ŋkɨɨ yə laa ŋkə ndɔ gay.

Roma 11:36

Vətɔ vənshə ndɔ fɨ ghɔ Nwi, shi mbi buꞌ ŋwə, ndɔ baa kɨ bəŋ gə sheꞌ ghɔ ŋwə. Nsiŋ kɨ bəŋsə ŋwə maa vəshi və mbi vənshə. Ŋkə lùu nɨniŋ.

Roma 13:1

Bàw vɨɨ vənshə kɨ zɔnə vɨɨ mbɨə faŋ vəŋ sɔꞌ shɨ, buꞌ laa vɨɨ məsɔꞌ shɨ kee sɔꞌ nə wutə vəŋ, maa laa gì Nwi me. Nùŋsə Nwi nùŋsə vɨɨ məsɔꞌ shɨ faŋ vəŋ lùu taa mbi.

Jeyms 1:17

Vətɔ vəjəəvə vənshə faŋ vɨ kɔ tɨ́ viŋ, nə vəkeynə viŋ vənshə faŋ mbə bàw, ndɔ fɨ yizɔ fɨ ghɔ Nwi faŋ ŋwə lùu tɨɨ təkiꞌ fɨ yizɔ. Nshɨ-tɔ Nwi kee yaa kɨ kiasə me, kee kwiinə me, yaa shɨshwi yaa kiasə, ndɨŋ gu, vədɨꞌ fə̀ŋ me.

Jeyms 4:17

Nɨniŋ, wə kɨ luu kɨɨ maa məyɨsə nu jəə, kee kɨ yɨsə me, buu ŋwə yɨ nu bwə.