Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 18:4 - Vengo (Babungo)

⁴ Vəŋ ziꞌ yifi, Yeso fuu fɨ taa yindɨɨ yɔ́, tɨ́ ŋwə nə kɔꞌ kɨɨ nə vənu vənshə faŋ mbə kəə gay maa ŋwə. Ŋwə fuu, bìtə tɨ́ vəŋ laa, «Viŋ kəə ndə?»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 18:4 ပူးပေါင်းရင်းမြစ်များ

Matiu 16:21

Shù fɨ maa yighee yɔ́, Yeso tey kɨ naysə tɨ́ vɨɨ məzwetə nu ki laa, nu ki lùu laa yi gə Jerusalem, yè ŋɨꞌ yiyaŋ fɨ ghɔ vəshɨꞌ, nə vɨɨ kwalə məfeꞌ Nwi nə vɨɨ mədeesə ŋwaꞌlə Nwi, vəŋ zwi yi. Vəshi kɨ ziꞌ vətia, yi ywey fɨ shɨ yiku.

Matiu 26:2

«Bàw viŋ kɨɨ laa gòꞌ vəshi vəbɔɔ, shi zwisə Pasa kùꞌ. Ndɔ luu maa yighee yɔ́, vɨ ndi Wuu yinsəŋ Nwi, bèy ŋwə fuu fəŋkɔꞌ fə ŋkɨꞌsə, ŋwə ku.»

Matiu 26:21

Faŋ vəŋ nəə zɨ nɨniŋ nə, ŋwə gi tɨ́ vəŋ laa, «Viŋ zɔ! Mə naysə tɨ́ viŋ yinsəŋ laa wə muꞌ fɨ taa ŋwaa viŋ taa fiŋ mə.»

Matiu 26:31

Faŋ vəŋ nəə toꞌ nɨniŋ, Yeso gi tɨ́ vɨɨ məzwetə nu ki laa, «Viŋ vənshə taa suꞌtə ghuu ghiŋ fɨ yiba jɨŋ mə sheꞌ vətuꞌ ndee, sheꞌ faŋ vɨ nə nyɔ̀ꞌ taa ŋwaꞌlə Nwi laa, Nwi taa zwi nshii bisə, bisə sɔ́ saykə.

Lukas 24:44

kɨ nii gì tɨ́ vəŋ laa, «Maa yigisə nyaa, faŋ mə nə gì tɨ́ viŋ, faŋ nsiŋ nə luu mɔ́ꞌ nə, lùu laa vənu vənshə faŋ mbə lùu taa ŋwaꞌlə ntɨsə Mose, nə taa vəŋwaꞌlə və nshiisə-ŋii sɔghɔ, nə taa ŋwaꞌlə Sam, kɔ̀ŋ mə, ndɔ gay vənshə.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 13:1

Shi zwisə Pasa nəə kəə kuꞌ, Yeso kɨɨ laa yighee yi maa məndɔ fɨ shɨ nsi, gə̀ yɨ Tii wi kùꞌnə. Ŋwə nə kàw vɨɨ vi faŋ vəŋ nə lùu taa mbi. Ŋwə nə kàw vəŋ mètə, də̀ ŋkawnə yi tɨ́ vəŋ tɨ́ nee:

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 13:11

Ŋwə nə gì nɨniŋ, buꞌ laa ŋwə nəə kɔꞌ kɨɨ nə wə ntɨə faŋ ŋwə taa fiŋ ŋwə. Lùu ŋiꞌ nu ŋkɨə faŋ ŋwə nə gì laa vəŋ kee lèy vənshə me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 18:5

Vəŋ bəŋsə tɨ́ ŋwə laa vəŋ kəə Yeso, wuu Nazaret wì. Yeso gi tɨ́ vəŋ laa, «Ye mə nə.» Judas, wuu məfiŋ Yeso ghɔ́, nə tɨ̀ŋnə ghɔ vɨ vəŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 18:7

Yeso baa kɨ bitə tɨ́ vəŋ laa vəŋ kəə ndə? Vəŋ baa gi laa vəŋ kəə Yeso, wuu Nazaret wì.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 19:28

Yiŋkii kɨ mè, tɨ́ Yeso kɨɨ laa yi mètə vənu vi vənshə, kɨ nii gì laa, «Fwi nyaa yɔŋ.» Nɨniŋ, ŋkə fàynə nə nu faŋ ŋkə lùu taa ŋwaꞌlə Nwi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:64

Luu nə, vɨɨ vəmɔ́ꞌ fɨ taa ŋwaa viŋ kee bìŋ yigisə nyaa me.» Yeso nə gì nɨniŋ buꞌ laa, shù fɨ maa vənzi ŋwə nəə kɔꞌ kɨɨ nə vɨɨ mbɨə faŋ vəŋ kee biŋ yigi yi me, nə wə ntɨə faŋ ŋwə ndɔ fiŋ ŋwə nə.

Akts 2:28

A də̀ fɔꞌ shee faŋ lùu fɔꞌ məbwey. A taa yɨ laa fwi nyaa lwaŋ nə məŋaytə ghee nshə faŋ mə lùu yɨ ghɔ.»

1 Pita 4:1

Faŋ Kristo nə bìŋ ŋɨꞌ nə ŋwaa wi nə, bàw viŋ ndi njyoꞌ yijəə yi yɔ́, tɨ́ kaꞌ viŋ biŋ ŋɨꞌ nɨzi, buꞌ laa wə ntɨə faŋ ŋwə bìŋ ŋɨꞌ mbɨɨ ŋwaa ŋwə, mèꞌ vənu vəbwəvə,