Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 18:28 - Vengo (Babungo)

²⁸ Kɨ luu ŋkee taa wee-leefu, vɨ fuusə Yeso fɨ fu Kayafas, gə̀ nə ŋwə fu goməna. Luu nə, vɨɨ Jus vɔ́ kee ŋìi taa ŋii nsɔꞌsə me, buꞌ laa goməna nə kee lùu wuu Jus me. Nuŋsə vəŋ nə luu laa wə kɨ luu ŋìi taa ŋii wə faŋ kee luu wuu Jus me, buu ŋwə kee baa lùu wuu ley me. Kaꞌ ŋwə kee baa zɨ fazɨ Pasa me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 18:28 ပူးပေါင်းရင်းမြစ်များ

Matiu 27:27

Vəsogeꞌ və goməna kɨ nii ndì Yeso, ŋìi nə ŋwə ntoꞌ goməna, tìi nwaa vəsogeꞌ vənshə, vəŋ faynə, kia ŋwə,

Mark 15:16

Vəsogeꞌ kɨ nii ndì Yeso, gə̀ nə ŋwə, ŋìi ntoꞌ goməna, faŋ vɨ nəə tii ntoꞌ yɔ́ nə Praytorion, tìi vəsogeꞌ vənshə fɨ taa ntoꞌ goməna. Vəŋ faynə, tey kɨ taw ŋwə,

Lukas 22:66

Fu kɨ lee, vəshɨꞌ fɨ taa shɨ, ghɔ vɨ vɨɨ kwalə məfeꞌ Nwi, nə vɨɨ mədeesə ŋwaꞌlə Nwi, baytə shəŋ muꞌ, gì vɨ jwi nə Yeso taa ŋii məshia nsɔꞌ vəŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 11:55

Yighee Pasa vɨɨ Jus kɨ kuꞌ, vɨɨ vəyaŋ fɨ maa vəshəŋ vənshə ndɔ koꞌ gə ntɨꞌ Jerusalem maa məlootə yiŋwaa vəŋ, buu shi Pasa taa kuꞌ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 18:13

ndì ŋwə, ghɔ vɨ vəŋ bɨ gə ye Anas, buꞌ laa Anas ghɔ́ nə luu shi Kayafas, tɨɨ zu Kayafas, faŋ nə luu wuu kwalə məfeꞌ Nwi maa ŋuꞌ yɔ́.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 18:15

Saymon Pita ghɔ wuu məzwetə nu Yeso mɔ́ꞌ beꞌsə Yeso. Wuu məzwetə ghɔ́ nə luu wə faŋ Anas, wuu kwalə məfeꞌ Nwi, nə kɨ̀ɨ nə ŋwə. Nɨniŋ, ŋwə gə ŋìi ntoꞌ Anas faŋ vɨ nəə kɨ bii tii ŋwə nə wuu kwalə məfeꞌ Nwi nə, yighee njyə faŋ vɨ nə ŋìi nə Yeso shɔ nə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 18:33

Pilate bəŋ baa ŋìi taa ŋii ntoꞌ, tìi Yeso laa ŋwə jwi. Yeso jwi, ŋwə bitə tɨ́ Yeso laa, «A luu fwàŋ vɨɨ Jus mu?»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 18:39

Ŋwə nə gì nɨniŋ, baa gì laa, «Maa viŋ yaa kɨ bitə wuu ŋii mfiŋ muꞌ fɨ ghɔ mə, laa mə meꞌtə ŋwə, ŋwə gə maa shi Pasa. Nɨniŋ, viŋ kəə laa mə fuusə fwàŋ vɨɨ Jus ŋwə̀, kɔ̀ tɨ́ viŋ mu?»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 19:11

Yeso bəŋsə tɨ́ ŋwə laa, «Nə toꞌ maa kɔ Nwi kɔ̀ wutə kɔ́ tɨ́ ghɔ me, buu kaꞌ a kee kìi wutə tɔ mə me. Nɨniŋ, nu bwə wə ntɨə faŋ ŋwə nii kɔ̀ mə tɨ́ ghɔ nə, shɔɔ ŋkɨə faŋ yɨ̀ ghɔ.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 19:14

Shi ŋkɨə faŋ nu kɔ́ nə gày nə, nə luu maa shi ŋkɨə faŋ fu taa ndɔ lee lùu shi zwisə, maa yighee Pasa. Nə luu maa vəshɨshwi ntɔfə nshia-ndoo-mbisɨ. Pilate gi tɨ́ vɨɨ Jus vɔ́ laa, «Viŋ ye fwàŋ wiŋ ghɔ́.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 19:9

bə̀ŋ ŋìi taa ŋii ntoꞌ ghɔ Yeso, bìtə tɨ́ Yeso laa ŋwə sii ndɔ̀ fɨ fə? Yeso kee bəŋsə nu tɨ́ ŋwə me.

Akts 10:28

Ŋwə gi tɨ́ vəŋ laa, «Maa viŋ kɨɨ laa vɨ twèy tɨ́ vɨɨ Jus ŋkee nəŋay, laa kɨ vəŋ kɨ zɨnə, tɨꞌnə me, kɨ shɔɔnə ghɔ vɨ vɨɨ faŋ lùu vɨɨ tɔmə day me. Luu nə, Nwi də̀ shee laa, kɨ mə tii wə laa ŋwə lùu wuu bwə, tɨꞌnə me laa ŋwə kee lùu ley vɨsɨ Nwi me.

Akts 10:32

Nɨniŋ, tɔŋ ntɔŋ ntɨꞌ Jɔpa, tìi Saymon faŋ vɨ tii ŋwə nə Pita nə, laa ŋwə jwi. Ŋwə shi taa ŋii Saymon, wuu məbaysə gɔsə fɨ yɨ mamuu.»

Akts 11:3

gì tɨ́ ŋwə laa, «Sii yɨ̀ kə a yaa ŋii taa ŋii tənswia, kɨ zɨ viŋ vɨ vəŋ?»

Akts 3:13

Viŋ zɔ! Nwi vətɨɨ via Abraham nə Isak baa nə Jeykob, nəə bəŋsə wuu faꞌ wi Yeso. Luu ŋwə faŋ viŋ nə kɔ̀ tɨ́ goməna Pilate, baa twey ŋwə sɨ Pilate, faŋ ŋwə nə kəə meꞌtə ŋwə, ŋwə gə.

Akts 4:27

Yinsəŋ, fwàŋ Herod nə goməna Pɔntiɔs Pilate faynə ntɨꞌ nyə̀ ghɔ vɨ vɨɨ tətɔŋ fu, nə vɨɨ Isirayl maa məka yighaw tɔ Yeso, wuu faꞌ ley wə, faŋ a shòꞌ.