Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 17:25 - Vengo (Babungo)

²⁵ Tɨta, tɨɨ vənu və loomə, mbi kee kɨɨ nə ghɔ me, kɨɨ sheꞌ mə nə ghɔ. Gə fɨ maa vɨɨ vaŋ vɔ́, vəŋ kɔꞌ kɨɨ laa nə tɔ̀ŋ ghɔ tɔ̀ŋ mə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 17:25 ပူးပေါင်းရင်းမြစ်များ

Matiu 11:27

Ŋwə nə baa gì laa lee, «Tii ŋwaa nùŋsə vənu vənshə ghɔ mə. Tuu wə kee kɨɨ nə Wee Nwi me, kɨɨ sheꞌ tɨta Nwi kɨ̀ɨ nə ŋwə. Gə fɨ maa tɨta Nwi, tuu wə kee kɨ̀ɨ nə ŋwə me, kɨɨ sheꞌ ŋwiŋ wi kɨ̀ɨ nə ŋwə, nə wə ntɨə faŋ Wee Nwi ghɔ́ kàw maa məbɨ tɨ́ ŋwə.»

Matiu 16:16

Saymon Pita gi laa, «A luu Kristo, baa luu Wee Nwi yinsəŋ.»

Lukas 10:22

Ŋwə baa gì tɨ́ vəŋ laa, «Tii ŋwaa nùŋ vənu vənshə taa ghɔ mə. Wə kee lùu shɔ faŋ ŋwə kɨɨ nə Wee Nwi me, kɨɨ sheꞌ tɨta Nwi. Kaꞌ wə kee kɨ̀ɨ faŋ tɨta Nwi lùu me, tɨ̀ lɨꞌ sheꞌ Wee Nwi ghɔ́, nə wə ntɨə faŋ Wee Nwi ghɔ́ kàw maa məbɨ tɨ́ ŋwə me.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:18

Tuu wə nə kee ta yè Nwi nə yisɨ me, tɨ̀ lɨꞌ sheꞌ yigɨꞌ Wee Nwi, faŋ ŋwə lùu yɨ fwi tɨta Nwi. Ŋwə jwi də̀ tɨ́ nsiŋ faŋ Nwi lùu.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 10:15

Luu sheꞌ faŋ Tii ŋwaa kɨ̀ɨ nə mə; mə baa kɨ̀ɨ nə Tii ŋwaa. Nɨniŋ, mə bìŋ maa məku tɔ bisə saŋ maa məbweysə nsə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 15:21

Vənu vəbwəvə faŋ vɨ ndɔ yɨsə maa viŋ, vɨ yɨ̀ buꞌ yizii nyaa, buꞌ laa vəŋ kee kɨɨ nə wə ntɨə faŋ ŋwə nə tɔ̀ŋ mə taa mbi nyə̀ me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 16:27

buꞌ laa nshɨ-tɔ Tii ŋwaa kaw viŋ. Ŋwə kaw viŋ, buꞌ faŋ viŋ kaw mə, baa biŋ laa mə nə ndɔ̀ fɨ yɨ ŋwə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 16:3

Vəŋ taa yɨ̀sə vənu vɔ́, buꞌ laa vəŋ kee kɨɨ nə Tii ŋwaa me, kee kɨɨ nə mə me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 16:30

Yia kɔꞌ kɨɨ ndwə laa a kɨɨ nə vənu vənshə, nu kee ghɔꞌ ghɔ me. A kɨ̀ɨ nə vənu faŋ wə kəə bitə tɨ́ ghɔ. Nɨniŋ, yia biŋ laa a nə ndɔ̀ fɨ ghɔ Nwi.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 17:11

Mə kee baa lùu taa mbi me, luu nə, vɨɨ vaŋ vɔ́ goꞌ taa mbi, faŋ mə jɨjwi yɨ ghɔ nə. Tɨta faŋ a bàw shɨlə, kɨ kɨꞌ vəŋ, vəŋ goꞌ maa yizii yə, faŋ a nə kɔ̀ shee nə, laa vəŋ luu fa kəmuꞌ, sheꞌ faŋ nsoo lùu fa kəmuꞌ nə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 17:18

Mə tɔŋ vəŋ taa mbi, sheꞌ faŋ a nə tɔ̀ŋ mə taa mbi nə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 17:21

Nɨniŋ laa vəŋ vənshə luu nə fa kəmuꞌ, sheꞌ faŋ nsoo, tɨta, lùu fa kəmuꞌ. Mbɨꞌtə yə luu mbɨꞌtə nyaa, mbɨꞌtə nyaa luu mbɨꞌtə yə. Nɨniŋ, nsiŋ vɨ vəŋ ndɔ luu nə fa kəmuꞌ nɨzi, tɨ́ kaꞌ mbi biŋ, baa kɨɨ laa nə tɔ̀ŋ ghɔ tɔ̀ŋ mə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 17:23

Nu kaŋ lùu taa fwi vəŋ, nu kə lùu taa fwi mə, tɨ́ kaꞌ vəŋ lùu nə fa kəmuꞌ, ŋkə baw mètə. Nɨniŋ, mbi ye, ndɔ kɨɨ laa, nə tɔ̀ŋ ghɔ tɔ̀ŋ mə, baa nə laa a kaw vəŋ sheꞌ faŋ a kaw mə nə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 17:3

Məbwey ghɔ́ faŋ ŋwə gòꞌsə yighee muꞌ nə, lùu faŋ vɨ kɨɨ nə ghɔ, faŋ a lùu Nwi yinsəŋ nɨnɔŋ, baa kɨ̀ɨ nə mə, Yeso Kristo, faŋ a nə tɔ̀ŋ mə nə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 17:8

Lùu nɨniŋ buꞌ laa mə nə nàysə yigisə yə, faŋ a nə kwàŋ taa fwi mə, tɨ́ vəŋ, vəŋ biŋ, kɨ̀ɨ yinsəŋ laa mə nə ndɔ̀ fɨ yɨ ghɔ, baa biŋ laa nə tɔ̀ŋ ghɔ tɔ̀ŋ mə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:17

Nwi nə kee tɔ̀ŋ ŋwiŋ wi shɨ nsi, laa ŋwə ndisə vɨɨ shɨ nsi me. Ŋwə nə tɔ̀ŋ ŋwiŋ wi maa məbweysə vɨɨ, laa vɨɨ bwey buꞌ ŋwə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:19

Faŋ vəŋ tòꞌ fɨ taa muu yaa vəkilomita tee, yè Yeso faŋ ŋwə toꞌ fɨ fuu muu, toꞌ jwi yɨ vəŋ, vəŋ fee ŋkee dɨdɨꞌ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 7:29

Mə kɔꞌ kɨɨ nə ŋwə, buꞌ laa mə ndɔ̀ fɨ yɨ ŋwə; tɔ̀ŋ ŋwə tɔ̀ŋ mə.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:19

Vəŋ bitə tɨ́ ŋwə laa, «Tii wə bə?» Yeso bəŋsə tɨ́ vəŋ laa, «Viŋ kee kɨɨ nə mə me, kee kɨɨ nə Tii ŋwaa me. Viŋ toꞌ kɨɨ nə mə, buu viŋ kɨ̀ɨ nə Tii ŋwaa nɨzi.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:55

faŋ viŋ kee bee kɨɨ nə ŋwə me. Kɨɨ sheꞌ mə nə ŋwə. Mə nii toꞌ gì laa mə kee kɨɨ nə ŋwə me, buu mə sɨ̀ɨ ba, buu mə luu sheꞌ yaa viŋ vɨɨ təba. Luu nə, mə naysə tɨ́ viŋ laa mə kɨɨ nə ŋwə. Mə baa zɔnə ŋwə, nuŋsə yigisə yi.

Akts 17:23

Mə yaa toꞌ fɨ taa shɨ viŋ, yè vəshəŋ mbɨə faŋ viŋ bəŋsə vənwi viŋ shɔ nə. Shəŋ məkɔ Nwi mɔ́ꞌ lùu shɔ faŋ vɨ nyɔ̀ꞌ fuu yi laa, «Tɨ́ Nwi ŋgwə faŋ vɨ kee kɨ̀ɨ nə ŋwə me.» Nwi ŋgwə faŋ viŋ kee kɨ̀ɨ nə ŋwə nə me, luu ŋwə faŋ mə fɨꞌtə nu ki tɨ́ viŋ ndwə.

Akts 26:18

Mə taa tɔŋ ghɔ tɨ́ vɨɨ tɔmə day laa a taa ŋaꞌsə sɨ vəŋ, vəŋ fuu fɨ taa mfiŋsə, ŋìi taa məley Nwi. A fuusə vəŋ fɨ ghɔ wutə zwitə bwə, kwaŋ vəŋ taa wutə Nwi, laa məbiŋ vəŋ yɨsə vənu vəbwəvə vəŋ ndi, vəŋ ndɔ fi shəŋ vəŋ taa ŋwaa vaŋ ley Nwi, faŋ vəŋ nùŋ fwisə vəŋ maa mə.»

Roma 1:28

Nwi mèꞌtə vəŋ laa yitɔ yivəŋ kùkə, buꞌ laa vəŋ nə kee biŋ jia nu ŋkɨə faŋ vəŋ nə kɨɨ kɔ̀ŋ Nwi fɨ taa fwisə vəŋ me. Nɨniŋ, vəŋ yɨsə vənu vənshə faŋ mbə kee yikuꞌnə me.

Roma 3:11

Wuu tɔfə kee lùu shɔ me. Wə faŋ ŋwə kəə Nwi, kee lùu shɔ me.

Roma 3:26

Nɨniŋ, ŋwə də̀ nu ŋkɨə faŋ ŋkə lùu kəloomə tɨ́ vɨɨ maa yighee ndwə, shìa nsɔꞌ maa vənu vəbwəvə mbɨə faŋ vɨɨ nəə yɨsə nə. Nɨniŋ, ŋwə də̀ jɨɨ nu loomə tɨ́ nsiŋ, faŋ nu ki lùu kəloomə, faŋ ŋwə kɔlə yɨsə laa nu wə ntɨə faŋ ŋwə nùŋ fwi yi maa Yeso, fùu kəloomə nɨzi.

1 Kɔrintian 1:21

Maa yighee njyə faŋ Nwi nə də̀ yitɔfə yi tɨ́ vɨɨ fɨ taa mbi nyə̀, vəŋ nə kee bee kɨ̀ɨ nə Nwi fɨ taa tɔ-ley vəŋ me. Nɨniŋ, fwi Nwi nə bàw maa məbweysə vɨɨ mbɨə faŋ vəŋ nùŋ fwisə vəŋ maa Yeso Kristo buꞌ faŋ vəŋ zɔ̀ nu Nwi kɔ́, faŋ ŋkə lùu yaa yigisə vəmfaw nə.

1 Kɔrintian 15:34

Kɨ viŋ baa kɨ yɨsə vənu vəmfaw me. Viŋ bee kii meꞌtə məyɨ vənu vəbwəvə, yuu ŋkə kuꞌnə tɨ́ nsiŋ. Mə ye laa vɨɨ mɔ́ꞌ fɨ taa ŋwaa viŋ kee kɨ̀ɨ nə Nwi tuu tɨtiꞌ me. Mə gì tɨ́ nee, lùu nu tɔ dɨɨ tɨ́ viŋ.

2 Kɔrintian 4:4

Tɨɨ vəzwitə vəbwəvə faŋ ŋwə sɔꞌ mbi nyə̀, kìasə fwisə vɨɨ vɔ́, laa mbɨꞌtə vəŋ kee ley me, vəŋ kee nùŋ fwisə vəŋ maa Kristo me. Ŋwə yɨ̀ nɨniŋ laa kɨ vəŋ ye məley nu Nwi me, kee kɨ zɔ ntɔŋ yijəə Nwi kɔ̀ŋ Kristo faŋ ŋwə bàw shɔ̀ɔ, baa fɨnə Nwi me.

2 Tesalonika 1:8

Ŋwə ndɔ jwi nə wisə faŋ ŋwə kɨɨ laa wuŋ-wuŋ, bə̀ŋsə bwə tɨ́ vɨɨ mbɨə faŋ vəŋ kee kɨɨ nə Nwi me, baa nə tɨ́ vɨɨ mbɨə faŋ vəŋ kee biŋ ntɔŋ Nwi buꞌ tɨta ŋwaa-nsiŋ Yeso me, kee zɔnə ŋwə me.

Hibru 8:11

Wə kee ndɔ baa lùu shɔ, tɨ wuu shɨ wi, tɨꞌnə me wuu ŋiinə wi me, laa ŋwə kɨ zwetə nu Nwi me. Lùu nɨniŋ buꞌ laa vɨɨ vənshə ndɔ kɨɨ nə mə. Vaŋmbwaa ghɔ vɨɨ taanə vənshə ndɔ kɨɨ nə mə.

1 Jɔn 1:9

Nsiŋ kɨ luu bìŋ nu bwə kaŋ-nsiŋ, buu Nwi taa kɨ ndenə nu bwə kaŋ-nsiŋ, baa sɔ̀ vənu vəbwəvə fɨ maa nsiŋ, buꞌ laa Nwi lùu wuu yinsəŋ, yɨsə sheꞌ vənu vəloomə.

Reveleyshən 13:8

Vɨɨ vənshə fɨ taa mbi faŋ vɨ kee nyɔ̀ꞌ təzii təvəŋ taa ŋwaꞌlə məbwey vəlwaŋ me, bəŋsə nyaa yɔ́. Ŋwaꞌlə məbwey vəlwaŋ ghɔ́ lùu ŋgwə wee-bi-njɨɨ yɔ́, faŋ vɨ nə zwì ŋwə nə. Vɨ nə nyɔ̀ꞌ təzii tə vɨɨ vi taa ŋwaꞌlə ghɔ́ shù fɨ faŋ Nwi nə bɔ̀ŋ mbi.

Reveleyshən 16:5

Mə kɨ nii zɔ nshiiŋii Nwi njyə faŋ ŋwə sɔꞌ muu nə, gi laa, «A luu ŋkee wuu loomə, mɔɔ Nwi, faŋ a nə luu shɔ yighee vɨsɨ, baa lùu shɔ ndwə. A bàw shɨlə, buꞌ faŋ a shìa nu kɔ́ nee.