Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 17:22 - Vengo (Babungo)

²² Yikwalə njyə faŋ a nə kɔ̀ shee nə, mə baa luu kɔ tɨ́ vəŋ, laa vəŋ luu nə fa kəmuꞌ faŋ nsoo lùu nə fa kəmuꞌ nə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 17:22 ပူးပေါင်းရင်းမြစ်များ

Mark 6:7

Yeso kɨ nii tìi vɨɨ ntɔŋ vi njɔsə-bɔɔ yɨ ŋwə, tey kɨ gaasə vəŋ vəbɔɔ vəbɔɔ, tɔŋ vəŋ maa ntɔŋ Nwi, kɔ̀ wutə tɨ́ vəŋ, tɨ́ kɨ kaꞌ vəŋ kɨ fuusə vəzwitə vəbwəvə fɨ maa vɨɨ.

Lukas 22:30

Viŋ ndɔ zɨ maa shəŋ ŋkɨə faŋ mə zɨ shɔ taa yifwàŋ Nwi, ndɔ duꞌ fuu vəkenə, kɨ sɔꞌ məshɨ mə Isirayl njɔsə-bɔɔ nə.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:14

Yigi yɔ́ nə kìasə gù wə, shi taa ŋwaa nsiŋ. Yia ye feenə wi, faŋ tɨta Nwi nə kɔ̀ tɨ́ ŋwə, buꞌ laa ŋwə lùu yigɨꞌ Wee Nwi. Ŋwə kee gəŋsə vɨɨ dɨdɨꞌ, ndɔ lùu wuu yinsəŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:16

Ŋwə nəə kee gəŋ saŋ-nsiŋ ghee ghee, buꞌ laa gəŋsə lwàŋ taa fwi ŋwə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 14:20

Maa yighee yɔ́, viŋ taa kɨɨ laa, mə lùu taa fwi Tii ŋwaa, viŋ lùu taa fwi mə, mə lùu taa fwi viŋ nɨzi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 17:24

Tɨta, mə kəə laa vɨɨ mbɨə faŋ a nə kɔ̀ shee nə, ndɔ lùu yia vɨ vəŋ mɔ́ꞌ maa shəŋ ŋkɨə faŋ mə ndɔ lùu shɔ, laa vəŋ ndɔ ye yikwalə njyə faŋ a nə kɔ̀ shee, buꞌ laa a nə kàw mə shù fɨ maa yighee njyə faŋ mbi nyə̀ nə kee ta lùu shɔ me.

Akts 5:41

Vɨɨ ntɔŋ Yeso vɔ́ ndɔ fɨ vɨsɨ vəŋ, kɨ ŋaytə dɨdɨꞌ laa Nwi ndì vəŋ laa vəŋ kùꞌnə maa məye ŋɨꞌ buꞌ yizii Yeso.

Roma 8:30

Vɨɨ mbɨə faŋ ŋwə nə nùŋsə vəŋ nɨniŋ fɨshi nə, ŋwə kɨ nii tìi vəŋ nɨzi, laa vəŋ gù vɨɨ vi. Vɨɨ mbɨə faŋ ŋwə tìi vəŋ nɨniŋ nə, ŋwə kìasə nu vəŋ, ŋkə loomə. Vɨɨ mbɨə faŋ ŋwə kiasə nu vəŋ, ŋkə loomə nə, ŋwə yɨ̀sə vəŋ baw shɨlə.

2 Kɔrintian 3:18

Nɨniŋ, nsiŋ vənshə kee baa kìi njwi yɔ́ yikəꞌ nsiŋ me. Mɔꞌmbi, faŋ ŋwə bàw shɨlə nə, bee yikəꞌ nsiŋ, nsiŋ kiasə gù yuu ŋkɨꞌnə yi, bàw, gə̀ vɨsɨ vɨsɨ, buꞌ laa yɨ̀sə Zwitə Mɔꞌmbi nɨniŋ. Nɨniŋ, nsiŋ lùu yaa ŋwaꞌlə məye sɨ faŋ vɨɨ ye məbaw Nwi fɨ fuŋ.

2 Kɔrintian 5:20

Nɨniŋ, yia lùu vɨɨ ntɔŋ Kristo. Nwi tɨsə vɨɨ, shɔɔ fɨ ghɔ yia. Yia buꞌ ghɔ tɨ́ vɨɨ maa yizii Kristo, gisə laa, «Viŋ biŋ, Nwi metə nsɔꞌ viŋ vɨ vəŋ!»

2 Kɔrintian 6:1

Faŋ yia gaŋtə maa faꞌ Nwi nə, yia tɨsə viŋ laa viŋ ndɨɨnə laa gəŋsə Nwi, faŋ Nwi kèe gəŋ saŋ-nsiŋ nə, kee gù nu dayday tɨ́ viŋ me.

Efesɔs 2:20

Viŋ lùu ŋii Nwi, faŋ vɨ bɔ̀ŋ viŋ fuu vɨɨ ntɔŋ Kristo nə nshiisə-ŋii sɔghɔ. Vɨɨ ntɔŋ Kristo vɔ́ lùu shɨŋii kɔ́. Yeso Kristo luu ŋoꞌ mfay ŋii yɔ́.

Filipi 1:29

Lùu nɨniŋ buꞌ laa Nwi key viŋ nə jɨɨ maa mənuŋ fwi siŋ maa Kristo, key viŋ nə nu məye ŋɨꞌ buꞌ nu Kristo nɨzi.

Kɔlɔsii 1:24

Fwi nyaa lùu nə məŋaytə faŋ mə kɔlə ye ŋɨꞌ ndwə nə. Ŋɨꞌ njyə faŋ mə ye nə, mə ye buꞌ viŋ. Nyə kuꞌsə maa ŋɨꞌ njyə faŋ Kristo nə ye maa yighee vɨsɨ nə. Faŋ mə ye ŋɨꞌ taa ŋwaa mə nə, mə ye buꞌ ŋwaa Yeso Kristo, faŋ luu nshəŋtə vɨɨ Kristo nə, laa mə kɨ metə faꞌ Kristo shɔ.

1 Jɔn 1:3

Nu ŋkɨə faŋ yia yè baa zɔ, yia baa luu fɨꞌtə tɨ́ viŋ, tɨ́ kɨ kaꞌ nsiŋ faynə luu fa kəmuꞌ, nsiŋ vɨ tɨta Nwi baa nə ŋwiŋ wi Yeso Kristo.

1 Jɔn 3:24

Wə ntɨə faŋ ŋwə jia ntɨsə Nwi nùŋsə, buu ghɔ Nwi gòꞌ fa kəmuꞌ. Nwi nɨzi baa luu gòꞌ taa fwi ŋwə. Nu ŋkɨə faŋ kaꞌ nsiŋ kɨ̀ɨ fɨ fuŋ laa Nwi gòꞌ taa fwisə nsiŋ, luu buꞌ Zwitə Ley Nwi faŋ Nwi nə kɔ̀ tɨ́ nsiŋ nə.

1 Jɔn 4:17

Kɨ luu nu kaŋ-nsiŋ fɨ shɨ nsi luu sheꞌ faŋ ŋkə Yeso nə lùu, buu kɨ kaꞌ nsiŋ kàw Nwi nə fwi nyaa-nsiŋ yinshə, buu kɨ kaꞌ nsiŋ ndɔ jia fwi saŋ-nsiŋ maa shi məshia nsɔꞌ.

Reveleyshən 21:14

Vɨ bɔ̀ŋ mfaysə ŋkɔꞌ yɔ́ nə ŋoꞌsə njɔsə-bɔɔ, faŋ vɨ nyɔ̀ꞌ təzii tə vɨɨ ntɔŋ bi-njɨɨ yɔ́ mbɨɨ yi.