Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 17:17 - Vengo (Babungo)

¹⁷ Yɨsə vəŋ luu vɨɨ və, baa bàw, buꞌ faŋ vəŋ ye nu ŋkɨə faŋ ŋkə lùu yinsəŋ. Də yigisə yə də nu ŋkɨə faŋ lùu nu yinsəŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 17:17 ပူးပေါင်းရင်းမြစ်များ

Lukas 8:11

Viŋ zɔ! Ŋiꞌ yigisə tii yɔ́ lùu tɨ́ nee: Ŋgwisə say ghinə ghɔ́ faŋ vɨ mɔ̀ꞌ nə, luu yigisə Nwi. Nsi yɔ́ faŋ vɨ mɔ̀ꞌ ŋə shɔ nə, lùu vɨɨ.

Lukas 8:15

Gə fɨ maa say ŋgɨə faŋ ŋə fìŋkə taa shɔꞌ jəə nə, lùu yaa nu vɨɨ mbɨə faŋ vəŋ zɔ̀ yigisə Nwi, jìa jəə taa fwisə vəŋ, twèꞌ shɔ, kɨ yɨsə vənu vəjəəvə.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 15:3

Gə̀ fɨ maa viŋ, viŋ lùu yaa təntaŋ tɔ́ faŋ vɨ duꞌtə vɨ yɔꞌ, tɨ́ kaꞌ viŋ kɨ kwaanə jəə. Yigisə njyə faŋ mə nə gì tɨ́ viŋ, yɨsə làa viŋ ley.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 17:19

Mə kɔ ŋwaa ŋwaa tɨ́ ghɔ nshə, laa mə baw shɨlə buꞌ vəŋ, tɨ́ kaꞌ vəŋ baa luu kɔ yiŋwaa yivəŋ tɨ́ ghɔ, bàw shɨlə, buꞌ faŋ vəŋ kɨɨ nə nu ŋkɨə faŋ lùu nu yinsəŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:32

Nɨniŋ, viŋ taa kɨɨ nə nu ŋkɨə faŋ ŋkə luu nu yinsəŋ. Nu yinsəŋ kɔ́ yɨ viŋ kee baa lùu vəbuꞌ me.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:40

Luu nə, viŋ kəə zwi mə, faŋ mə lùu wə faŋ mə gisə nu yinsəŋ tɨ́ viŋ, faŋ mə nə zɔ̀ fɨ ghɔ Nwi. Abraham nəə kee yɨsə kəŋ nu ghɔ́ me.

Akts 15:9

Nwi nə kee seesə nsiŋ vɨ vəŋ me, sɔ̀ fwisə vəŋ, nsə ley, faŋ vəŋ nə nùŋ fwisə vəŋ maa Kristo nə.

2 Kɔrintian 3:18

Nɨniŋ, nsiŋ vənshə kee baa kìi njwi yɔ́ yikəꞌ nsiŋ me. Mɔꞌmbi, faŋ ŋwə bàw shɨlə nə, bee yikəꞌ nsiŋ, nsiŋ kiasə gù yuu ŋkɨꞌnə yi, bàw, gə̀ vɨsɨ vɨsɨ, buꞌ laa yɨ̀sə Zwitə Mɔꞌmbi nɨniŋ. Nɨniŋ, nsiŋ lùu yaa ŋwaꞌlə məye sɨ faŋ vɨɨ ye məbaw Nwi fɨ fuŋ.

Efesɔs 4:21

Viŋ nə kee zɔ̀ nu Kristo yimu? Maa vɨ nə dèesə viŋ nə nu kɔ́? Maa viŋ kɨɨ nə nu yinsəŋ Yeso,

Efesɔs 5:26

Nɨniŋ laa ŋwə yɨ̀sə vəŋ ley tɨ́ Nwi. Ŋwə nə sɔ̀ yibɨsə vəŋ fɨ maa vəŋ, faŋ ŋwə nə kɔ̀ yigisə Nwi nə muu mə Nwi tɨ́ vəŋ.

2 Tesalonika 2:13

Vaŋ-nshwi via, fwi sia dɔŋsə yia laa yia kɨ bwaŋ Nwi ghee nshə buꞌ viŋ, faŋ Mɔꞌmbi kàw viŋ nə, buꞌ laa Nwi nə shòꞌ viŋ shù fɨshi, laa viŋ ndɔ baw shɨlə, gə̀ nə vɨsɨ. Yɨsə Zwitə Nwi laa viŋ baw, gə̀ nə vɨsɨ nə, baa nùŋ fwi maa nu yinsəŋ.

Jeyms 1:21

Nɨniŋ, viŋ meꞌ vənu vəbwəvə vənshə nə vənu mbɨə faŋ mbə fuu fɨ taa njyoꞌ yibwə, bìŋ yigi njyə faŋ Nwi bìa taa fwi siŋ, bìŋ nə fwi yizutə, tɨ́ kaꞌ nyə bweysə fwi siŋ nɨzi.