Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 17:12 - Vengo (Babungo)

¹² Yighee njyə faŋ mə yaa luu yia vɨ vəŋ, mə nəə shiinə vəŋ, vəŋ goꞌsə maa yizii yə, faŋ a nə kɔ̀ shee nə. Mə nəə ndeynə vəŋ, tuu wə fɨ vəŋ muꞌ kee ndì me, tɨ̀ lɨꞌ sheꞌ wuu ndwaŋ wì, faŋ nə luu wuu ndi fɨ maa vənzi. Nɨniŋ laa nu ŋkɨə faŋ ŋkə lùu taa ŋwaꞌlə Nwi faynə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 17:12 ပူးပေါင်းရင်းမြစ်များ

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 13:18

Mə kee gisə nɨniŋ kɔ̀ŋ viŋ vənshə me, mə kɔꞌ kɨɨ nə vɨɨ mbɨə faŋ mə shòꞌ vəŋ laa lùu vɨɨ vaŋ. Ŋkə lùu nɨniŋ laa nu ŋkɨə faŋ ŋkə lùu taa ŋwaꞌlə Nwi faynə, laa «Wə ntɨə faŋ yia vɨ vəŋ zɨ bee kəmuꞌ, kiasə gù wuu mbeenə ŋwaa.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 17:6

Mə nə lèsə ŋiꞌ yizii yə tɨ́ vɨɨ mbɨə faŋ a nə ndì vəŋ fɨ taa mbi nyə̀, kɔ̀ tɨ́ mə nə. Vɨɨ vɔ́ nə luu vɨɨ və, a kɔ vəŋ shee, vəŋ jia nu kə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 18:9

Ŋwə nə gì nɨniŋ laa nu ŋkɨə faŋ ŋwə nə nàysə yighee vɨsɨ faynə, laa kɨ tuu wə muꞌ fɨ taa ŋwaa vɨɨ vi faŋ Nwi nə kɔ̀ tɨ́ yi nə, ndi me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:37

Vɨɨ mbɨə faŋ Tii ŋwaa kɔ laa lùu vɨɨ vaŋ, vɨɨ vɔ́ vənshə taa kɨ jwi yɨ mə. Wə tɨ̀ me wə faŋ ŋwə jwi yɨ mə, mə kee taa jɔŋ ŋwə me.

Akts 1:25

tɨ́ kɨ kaꞌ ŋwə ndì shəŋ faꞌ ŋkɨə yaa wuu ntɔŋ Yeso, faŋ Judas nə mèꞌtə maa məgə maa ŋkii shəŋ faŋ ŋkə kùꞌnə tɨ́ ŋwə.»

Filipi 2:9

Ŋwə nə yɨ̀ nɨniŋ, buu Nwi kɔ yikwalə tɨ́ ŋwə faŋ nyə shɔ̀ɔ ki, baa shù yizii maa ŋwə faŋ nyə kwàlə shɔ̀ɔ təzii tənshə.

2 Tesalonika 2:3

Kɨ viŋ biŋ laa wə bweꞌsə viŋ nə tuu nu kəmuꞌ me! Kaꞌ shi kɔ́ kee ta kùꞌnə me. Viŋ kɔꞌ kɨɨ laa vənu vəmɔ́ꞌvə ndɔ ghaa gay ŋkəə, buu kaꞌ shi kɔ́ taa kuꞌ. Vənu vɔ́ lùu laa vɨɨ ndɔ meꞌ nu Nwi. Wuu mətwey ntɨsə Nwi, wee ndwaŋ, fuu taa mbi ntee.

Hibru 2:13

Ŋwə nə baa gì laa, «Mə taa nuŋ fwi nyaa sheꞌ maa Nwi,» baa gì laa, «Ye mə nə, yia vaŋ vaŋ faŋ Nwi nə kɔ̀ shee nə.»

1 Jɔn 2:19

Vɨɨ mbeenə Kristo vɔ́ nə fùu fɨ taa ŋwaa nsiŋ. Luu nə, vəŋ nə kee bee lùu vɨɨ vaŋ-nsiŋ me. Vəŋ nəə toꞌ luu vɨɨ vaŋ-nsiŋ, buu vəŋ nə gòꞌ nsiŋ vɨ vəŋ. Luu nə, vəŋ fuu nɨniŋ laa nsiŋ kɨɨ ntee laa vəŋ vənshə kee lùu vɨɨ vaŋ-nsiŋ me.

Reveleyshən 19:12

Sɨ ghi luu yaa wisə biinə. Ŋwə bee təsɔꞌ tə vəfwàŋ tɔ ŋwə təyaŋ, vɨ nyɔꞌ yizii yi shɔ faŋ kaꞌ tuu wə kee kɨɨ me, kɨɨ sheꞌ ŋwə.