Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 16:32 - Vengo (Babungo)

³² Viŋ kɔꞌ kɨɨ laa yighee taa kuꞌ, nyə duꞌtə nyə kuꞌ, faŋ viŋ taa nyɨŋkə vənshə, wə kɨ gə fu ŋwə, wə kɨ gə fu ŋwə. Viŋ taa meꞌtə mə nɨnɔŋ. Luu nə, mə kee taa luu nɨnɔŋ me, buꞌ laa yia Tii ŋwaa lùu mɔ́ꞌ ghee nshə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 16:32 ပူးပေါင်းရင်းမြစ်များ

Matiu 26:31

Faŋ vəŋ nəə toꞌ nɨniŋ, Yeso gi tɨ́ vɨɨ məzwetə nu ki laa, «Viŋ vənshə taa suꞌtə ghuu ghiŋ fɨ yiba jɨŋ mə sheꞌ vətuꞌ ndee, sheꞌ faŋ vɨ nə nyɔ̀ꞌ taa ŋwaꞌlə Nwi laa, Nwi taa zwi nshii bisə, bisə sɔ́ saykə.

Matiu 26:56

Luu nə, vənu vənshə gay nɨniŋ laa yigisə Nwi faŋ nshiisə-ŋii sɔghɔ nə nyɔ̀ꞌ nə, faynə.» Ŋwə nə gì nɨniŋ, vɨɨ məzwetə nu ki vənshə meꞌtə ŋwə, nyɨ̀ŋkə.

Mark 14:27

Vəŋ ziꞌ yifi, Yeso gi tɨ́ vəŋ laa, «Viŋ vənshə taa suꞌtə ghuu ghiŋ fɨ yiba mə, yuu vɨ nə nyɔ̀ꞌ taa ŋwaꞌlə Nwi laa, Nwi ndɔ zwi wuu məshii bisə, bisə saykə.

Mark 14:50

Vɨɨ vɔ́ kɨ nii gə̀ nə ŋwə. Vɨɨ məzwetə nu ki meꞌtə ŋwə, nyɨ̀ŋkə vənshə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 12:23

Faŋ Yeso nə zɔ laa vɨɨ Griik kəə ye ŋwə nə, ŋwə kɨɨ laa yighee yi kɨkuꞌ. Ŋwə gi tɨ́ vəŋ laa, «Yighee kɨ kuꞌ faŋ vɨɨ vənshə taa ye yikwalə Wuu yinsəŋ Nwi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 16:2

Yighee jɨjwi faŋ vəŋ taa jɔŋ viŋ fɨ taa ŋii məshəŋtə Nwi. Yighee jɨjwi faŋ wə tɨ̀ me wə faŋ ŋwə ndɔ zwi viŋ, kɨ bɨꞌtə laa yi faꞌ faꞌ jəə tɨ́ Nwi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 16:25

Yeso baa gì tɨ́ vɨɨ məzwetə nu ki laa, «Mə nəə gisə vənu vɔ́ tɨ́ viŋ maa ghaŋ tii. Yighee ndɔ kuꞌ, faŋ mə kee ndɔ baa kɨ gisə tɨ́ viŋ maa yigisə tii me, twelə vənu kɔ̀ŋ tɨta Nwi tɨ́ viŋ ntee, ley ley.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 16:31

Yeso bəŋsə tɨ́ vəŋ laa, «Viŋ bìŋ ŋkee yinsəŋ mu?

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 19:27

baa kɨ nii bə̀ŋsə gì tɨ́ wuu məzwetə nu ki ghɔ́ laa, «Ye nshu wə nə.» Shù fɨ maa shi kɔ́, wuu məzwetə nu Yeso ghɔ́ ndi nshu Yeso, gə nə ŋwə shiŋii.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 20:10

Vɨɨ məzwetə nu Yeso vɔ́ baa bə̀ŋ gə̀ shiŋii.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 4:21

Yeso gi tɨ́ ŋwə laa, «Ye mɔɔ, yaa, zɔ nu ŋkɨə faŋ mə nàysə tɨ́ ghɔ! Yighee ndɔ kɨ jwi faŋ wə ndɔ kee baa shɔꞌtə Nwi fuu baŋ nyə̀ me, tɨꞌnə me taa Jerusalem me!

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 4:23

Yighee ndɔ kuꞌ faŋ vɨɨ ndɔ kɨ shɔꞌtə Nwi maa jɨɨ yijəə, kɨ shɔꞌtə Nwi nə nu ŋkɨə faŋ Zwitə Nwi kwàŋ taa fwisə vəŋ, shɔꞌtə ŋwə ŋkee maa yinsəŋ, fɔnə vəŋ zɔnə ŋwə nɨzi. Yinsəŋ, yighee yɔ́ duꞌtə nyə kuꞌ ndwə. Nwi kəə vɨɨ faŋ vəŋ shɔꞌtə ŋwə tɨ́ nee.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:25

Viŋ zɔ! Mə gì tɨ́ viŋ yinsəŋ laa, yighee kɨkuꞌ, kaꞌ mə gì laa nyə duꞌtə nyə kùꞌ, faŋ vəŋku-kɨ-duꞌ taa zɔ gɨ Wee Nwi. Nɨniŋ, vəŋku və vɨɨ mbɨə faŋ vəŋ zɔ̀ gɨ Wee Nwi yɔ́, taa ywey fɨ shɨ yiku.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:28

Kɨ shuu wiŋ yɔŋ maa vənu vɔ́ me. Yighee kɨkuꞌ faŋ vɨɨ vənshə faŋ vəŋ kukə̀ taa zɔ gɨ Wuu yinsəŋ Nwi ghɔ́.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:16

Kɨ luu laa mə shia nsɔꞌ, mə shia yiloomə buꞌ laa mə kee lùu nɨnɔŋ me; mə lùu yia wə ntɨə faŋ ŋwə nə tɔ̀ŋ mə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:29

Mə lùu yia wə ntɨə faŋ ŋwə nə tɔ̀ŋ mə. Ŋwə lùu yiba jɨŋ mə, kee meꞌtə mə nɨnɔŋ me, buꞌ laa mə yɨsə sheꞌ vənu mbɨə faŋ mbə bàw tɨ́ ŋwə ghee nshə.»

Akts 21:6

buu kɔ bwey-jəə. Yia kɨ nii ŋìi taa bay, vəŋ bəŋ gə shiŋii.

Akts 8:1

Sɔɔl ghɔ́ nə biŋ laa vɨ zwì Stefen. Shù fɨ maa shi kɔ́, vɨ tey kɨ yɨnə vɨɨ məbiŋ Kristo ntɨꞌ Jerusalem ŋkee dɨdɨꞌ. Vəŋ vənshə saykə taa shɨ Judia nə taa shɨ Samaria, kɨ nii gòꞌ sheꞌ vɨɨ ntɔŋ Kristo ntɨꞌ Jerusalem.