Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 16:22 - Vengo (Babungo)

²² Sheꞌ nee, viŋ lùu ndwə lɨluŋ. Luu nə, fwi siŋ ndɔ kɨ ŋaytə faŋ mə ndɔ baa jwi ye viŋ. Nɨniŋ, tuu wə kee lùu shɔ, tɨ́ kaꞌ ŋwə baa fì məŋaytə wiŋ fɨ ghɔ viŋ me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 16:22 ပူးပေါင်းရင်းမြစ်များ

Matiu 28:8

Vəŋ ndɔ fɨ shuu swi yɔ́ titi, nə məfee, baa nə məŋaytə yaŋ, nyɨŋ gə̀ nàysə tɨ́ vɨɨ məzwetə nu Yeso.

Lukas 10:42

Luu sheꞌ nu kəmuꞌ faŋ ŋkə lùu nu kwalə. Ŋkə lùu laa wə kɨ zɔ yigisə Nwi. Gə fɨ maa Meri, ŋwə shoꞌ kwiŋ jəənə, kaꞌ wə kee fì fɨ ghɔ ŋwə me.»

Lukas 16:25

Abraham gi tɨ́ ŋwə laa, «Ŋwiŋ ŋwaa, lumə faŋ a yaa zɨ vətɔ və vəjəəvə maa yighee njyə faŋ a nəə kɨ bii bwey shɨ nsi. Gə fɨ maa Lasarɔs, ŋwə nəə ye ŋɨꞌ. Lùu ndwə vɨ boolə ŋwə feenə, a ye luu ŋɨꞌ.

Lukas 19:26

Ŋwə gi laa, «Mə naysə tɨ́ viŋ laa, wə tɨ̀ me wə faŋ ŋwə kìi, vɨ ndɔ kuꞌsə tɨ́ ŋwə. Gə fɨ maa wə ntɨə faŋ ŋwə kee yikii me, ŋkɨə faŋ ŋwə kìi, vɨ ndɔ fi fɨ ghɔ ŋwə.

Lukas 24:41

Vəŋ ŋaytə dɨdɨꞌ, shuu vəŋ yɔŋ. Luu nə, məŋaytə vəŋ ghɔ́ fəŋ vəŋ maa məbiŋ laa lùu ŋwə. Nɨniŋ, ŋwə bitə tɨ́ vəŋ laa fazɨ ghɔ vəŋ feenə mu?

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 14:1

Yeso baa gì tɨ́ vəŋ laa, «Kɨ fwi siŋ kɨ lɔꞌ me! Viŋ nuŋ fwi siŋ maa Nwi, nə maa mə!

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 14:19

Goꞌ wee-fɨkɨꞌ, mbi nyə̀ kee baa yè mə me; taa kɨ ye sheꞌ viŋ ye mə. Viŋ taa ye laa mə bwey. Nɨniŋ, viŋ taa bwey nɨzi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 14:27

Mə gə, mèꞌtə məduꞌ-nyɔŋ tɨ́ viŋ. Mə taa kɔ məduꞌ-nyɔŋ tɨ́ viŋ. Mə kee kɔ tɨ́ viŋ faŋ mbi kɔ nə me. Kɨ fwi siŋ lɔꞌ me, nduŋ kee kɨ sɨɨ viŋ me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 16:16

Yeso baa gì tɨ́ vəŋ laa, «Goꞌ sheꞌ wee-fɨkɨꞌ, viŋ kee baa yè mə me, ŋkə baa betə sheꞌ tɨtiꞌ nee, viŋ baa ye mə.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 16:20

Viŋ zɔ! Mə naysə tɨ́ viŋ yinsəŋ laa, viŋ ndɔ gwia, kɨ shɨŋsə. Luu nə, mbi kɨ ŋaytə. Viŋ kɨ lɨluŋ, luu nə, məluŋ wiŋ ndɔ kiasə gù məŋaytə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 16:6

Məluŋ lwàŋ taa fwisə viŋ, faŋ mə naysə̀ vənu və̀ tɨ́ viŋ nə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 21:7

Wuu məzwetə nu Yeso ŋgwə faŋ Yeso nə kàw ŋwə shɔ̀ɔ nə, gi tɨ́ Pita laa, «Luu tɨta ŋwaa-nsiŋ.» Faŋ Pita nə zɔ̀ yigi yɔ́, laa luu tɨta Yeso nə, ŋwə mɔꞌ njwi yi faŋ ŋwə nii shoꞌ maa faꞌ, sàwnə shə̀ŋ taa muu, gə shəŋ ŋkɨə faŋ Yeso nə luu shɔ nə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 4:14

Gə fɨ maa wə ntɨə faŋ mə kɔ muu mə vəlwaŋ mbɔ́ tɨ́ ŋwə, ŋwə nu, kaꞌ twey-muu ndɔ kee baa ywey ŋwə me. Muu mbɨə faŋ mə kɔ̀ tɨ́ ŋwə nə, kiasə gù koꞌ-fɨ-nsi taa fwi ŋwə, muu fuu fɨ fuŋ, yɨ̀sə ŋwə kii məbwey vəlwaŋ faŋ ŋwə gòꞌsə yighee muꞌ.»

Akts 13:52

Gə fɨ maa vɨɨ mbɨə faŋ vəŋ nə bìŋ nu Kristo (ntɨꞌ Antiɔk), Zwitə Ley Nwi nə məŋaytə lwaŋ taa fwisə vəŋ.

Akts 16:25

Kɨ luu nɨndɨɨ mbi, Pɔɔl ghɔ Silas shɔꞌtə Nwi taa ŋii mfiŋ, ndɔ zwaa nyaysə. Vɨɨ ŋii mfiŋ nə ywiitə, zɔ fɨ ghɔ vəŋ.

Akts 2:46

Shi shi vəŋ gə taa ŋii Nwi yikwalə nə fwi yimuꞌ, ndɔ bɨꞌtə bee taa ndɔꞌ vəŋ, zɨ fazɨ nə məŋaytə, baa nə fwi yiley,

Akts 5:41

Vɨɨ ntɔŋ Yeso vɔ́ ndɔ fɨ vɨsɨ vəŋ, kɨ ŋaytə dɨdɨꞌ laa Nwi ndì vəŋ laa vəŋ kùꞌnə maa məye ŋɨꞌ buꞌ yizii Yeso.

2 Kɔrintian 6:10

Faŋ yia kɔlə kìi məluŋ, yia kɨ ŋɨŋaytə. Faŋ yia kɔlə lùu mbəəsə, yɨsə vɨɨ vəyaŋ gu mfuꞌsə maa vənu vənshə. Faŋ yia kɔlə kee kìi fa me, yia kìi vətɔ vənshə.

2 Tesalonika 2:16

Nshɨ-tɔ tɨta ŋwaa-nsiŋ Yeso Kristo nə tɨta Nwi faŋ ŋwə nə kàw nsiŋ, kèe gəŋ saŋ-nsiŋ, bàwsə fwi saŋ-nsiŋ, nsə kuꞌnə yighee muꞌ nə, yɨsə nsiŋ kɨ kɨꞌ ŋkee nu jəə.

Hibru 10:34

Viŋ nəə ye ŋɨꞌ, viŋ vɨ vɨɨ ŋii mfiŋ, faŋ vɨ nə kwàŋ vəŋ mfiŋ buꞌ nu Nwi nə. Viŋ nə jìa fwi nə məŋaytə faŋ vɨɨ sa vətɔ viŋ, buꞌ laa viŋ lùu vɨɨ Nwi nə. Viŋ nə yɨ̀ nɨniŋ, buꞌ faŋ viŋ nəə kɔꞌ kɨɨ laa viŋ kìi vətɔ faŋ mbə shɔ̀ɔ yimbii, faŋ mbə ndɔ goꞌsə yighee muꞌ.

Hibru 6:18

Nɨniŋ nə, Nwi də̀ maa jɨɨsə səbɔɔ laa ŋkɔꞌnə yi lùu yinsəŋ. Kaꞌ Nwi kee sɨ̀ɨ ba shɔ me. Ŋkɔꞌnə Nwi yɔ́ nə məlɨꞌtə ghɔ́ kɔ̀ wutə tɨ́ nsiŋ, tɨ́ kaꞌ nsiŋ jìa fwi nɨzi, kɨ tə sɨ maa nu ŋkɨə faŋ Nwi kɔ̀ꞌnə tɨ́ nsiŋ nə.

1 Pita 1:8

Viŋ nə kee ta yè Yeso me, luu nə, kɨ kaw ŋwə, kee yè ŋwə me, kɨ nuŋ fwi siŋ maa ŋwə. Viŋ bəŋsə ŋwə, kɨꞌ ŋwə nə məŋaytə, ŋaytə shɔɔ ki, faŋ kaꞌ wə kee fɨ̀ꞌtə nə shuu wi me.