Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 16:19 - Vengo (Babungo)

¹⁹ Yeso nəə kɔꞌ kɨɨ laa vəŋ kəə bitə ŋiꞌ yigi yɔ́ tɨ́ yi, ŋwə gi tɨ́ vəŋ laa, «Viŋ gɨgisə kɔ̀ŋ yigi yɔ́ mu? Maa mə nii nàysə tɨ́ viŋ laa wee-fɨkɨꞌ nee, viŋ kee baa yè mə me, taa baa betə fɨkɨꞌ, viŋ baa ye mə. Viŋ kee kɨɨ nə ŋiꞌ yigi kɔ́ yimu?

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 16:19 ပူးပေါင်းရင်းမြစ်များ

Matiu 6:8

Nɨniŋ, kɨ viŋ fɨnə vəŋ me. Nwi, Tii wiŋ, kɔꞌ kɨɨ nə nu ŋkɨə faŋ ŋkə bəə fɨ ghɔ viŋ maa yighee njyə faŋ viŋ kee bee ta ndwàŋ tɨ́ ŋwə me.

Matiu 9:4

Yeso kɨɨ nə nu ŋkɨə faŋ vəŋ nəə bɨꞌtə fɨ taa fwisə vəŋ nə, gì tɨ́ vəŋ laa, «Viŋ sii kitə nu bwə fɨ taa fwisə viŋ buꞌ kə?

Mark 9:32

Vəŋ kee kɨɨ jia ŋiꞌ yigi yɔ́ me, fèe fɨ bitə tɨ́ ŋwə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 13:33

Vaŋ vaŋ, yighee kee baa gòꞌ ntaŋ, faŋ mə taa mèꞌtə viŋ me. Viŋ taa kɨ kəə mə, luu nə, shəŋ ŋkɨə faŋ mə gə shɔ, kaꞌ viŋ kee gə̀ shɔ me, yuu mə nə duꞌtə mə naysə tɨ́ vɨɨ Jus nə. Mə baa luu naysə nu kɔ́ tɨ́ viŋ ndwə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 14:19

Goꞌ wee-fɨkɨꞌ, mbi nyə̀ kee baa yè mə me; taa kɨ ye sheꞌ viŋ ye mə. Viŋ taa ye laa mə bwey. Nɨniŋ, viŋ taa bwey nɨzi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 16:16

Yeso baa gì tɨ́ vəŋ laa, «Goꞌ sheꞌ wee-fɨkɨꞌ, viŋ kee baa yè mə me, ŋkə baa betə sheꞌ tɨtiꞌ nee, viŋ baa ye mə.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 16:18

Vəŋ baa gì laa, «Ŋiꞌ wee-fɨkɨꞌ nee, faŋ ŋwə nii gì nə, ŋkə sii də̀ laa kə.» Yigi yɔ́ kee lùu yiley tɨ́ vəŋ me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 16:23

Ndɔ luu maa shi kɔ́, viŋ kee baa bitə tuu nu shee me. Viŋ zɔ! Mə naysə tɨ́ viŋ yinsəŋ laa, fa tɨ̀ me fa faŋ viŋ taa ndwaŋ fɨ ghɔ Tii ŋwaa maa yizii nyaa, ŋwə taa kɔ tɨ́ viŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 16:26

Ndɔ luu maa shi kɔ́, viŋ ndwaŋ vətɔ fɨ ghɔ Tii ŋwaa maa yizii nyaa. Mə kee gi laa mə ndɔ buꞌ ghɔ tɨ́ Tii ŋwaa tɔ viŋ me,

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 16:30

Yia kɔꞌ kɨɨ ndwə laa a kɨɨ nə vənu vənshə, nu kee ghɔꞌ ghɔ me. A kɨ̀ɨ nə vənu faŋ wə kəə bitə tɨ́ ghɔ. Nɨniŋ, yia biŋ laa a nə ndɔ̀ fɨ ghɔ Nwi.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 21:17

ndɔ̀ bàa kɨ bìtə tɨ́ ŋwə lwesə ghee tia laa, «Saymon, wee Jɔn, a kàw mə mu?» Ŋkə za Pita, buꞌ faŋ Yeso bìtə tɨ́ ŋwə ghee tia laa ŋwə kàw yi mu. Ŋwə gi tɨ́ Yeso laa, «Tɨta, a kɔꞌ kɨɨ nə vənu vənshə. A kɔꞌ kɨɨ laa mə kàw ghɔ.» Yeso gi tɨ́ ŋwə laa, «Kɨ kɨꞌ bisə-njɨɨ saŋ!

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:61

Yeso kɨɨ fɨ taa fwi ŋwə laa vɨɨ məzwetə nu ki lɨlulə kɔ̀ŋ yigisə yi, ŋwə gi tɨ́ vəŋ laa, «Yigisə nyaa yɨ fwi siŋ za mu?

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 7:33

Faŋ vɨɨ faꞌ vɔ́ nə jwi, Yeso gi laa, «Nsiŋ taa baa shi betə sheꞌ tɨtiꞌ, buu mə bəŋ gə̀ yɨ Tii ŋwaa faŋ ŋwə nə tɔ̀ŋ mə nə.

Hibru 4:13

Fa kee lùu shɔ taa ŋwaa vətɔ faŋ Nwi nə bɔ̀ŋ, faŋ kaꞌ Nwi kee ye me. Vənu vənshə faŋ wə yɨsə, lùu ntee yikəꞌ Nwi, Nwi ye. Nsiŋ ndɔ tɨŋnə vɨsɨ ŋwə shi mɔ́ꞌ, fì tɔ kaŋ-nsiŋ buꞌ vənu vənshə faŋ nsiŋ nə yɨsə nə.

Reveleyshən 2:23

Mə taa zwilə vaŋ vi. Nɨniŋ laa vəməshəŋtə və vɨɨ Nwi vənshə taa kɨɨ laa mə lùu wə ntɨə faŋ mə kɨɨ nə mbɨꞌtə vɨɨ, baa nə nu ŋkɨə faŋ vəŋ kəə. Mə taa ndɔꞌ wə tɨ̀ me wə sheꞌ maa nu ŋkɨə faŋ ŋwə nə yɨ̀sə.