Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 16:1 - Vengo (Babungo)

¹ Mə naysə vənu vɔ́ tɨ́ viŋ, laa kɨ viŋ meꞌtə nu kaŋ me, faŋ vɨɨ taa tey kɨ kɔ ŋɨꞌ tɨ́ viŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 16:1 ပူးပေါင်းရင်းမြစ်များ

Matiu 11:6

Mənɔŋ-bwaŋnə tɨ́ wə ntɨə faŋ ŋwə kee tùŋ ghuu ki maa mə me.»

Matiu 13:21

Luu nə, ghay ghi kee ŋìi taa fwi ŋwə me. Ŋwə lùu wə faŋ ŋwə yasə kwiinə. Bètə sheꞌ tɨtiꞌ nee, ŋɨꞌ ŋii maa ŋwə, tɨꞌnə me vɨ shoꞌ ghuu ghi, ŋwə kɨ nii nyɨ̀ŋ fɨ maa nu Nwi.

Matiu 13:57

Vəŋ gi nɨniŋ, fwi vəŋ shə maa ŋwə. Yeso gi tɨ́ vəŋ laa, «Vɨ yaa kɨ shiasə nshiiŋii-sɔghɔ sheꞌ ntɨꞌ vəŋ, baa nə fu vəŋ, kee shiasə ŋwə shəŋ day me.»

Matiu 24:10

Nɨniŋ, vɨɨ vəyaŋ fɨ taa ŋwaa viŋ suꞌtə ghuu vəŋ fɨ yiba jɨŋ mə. Vɨɨ mɔ́ꞌ kɨ bɨsə təzii tə vɨɨ mɔ́ꞌ. Vɨɨ mɔ́ꞌ kɨ bee vɨɨ mɔ́ꞌ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 15:11

Mə naysə nu kɔ́ tɨ́ viŋ, tɨ́ kaꞌ məŋaytə lwaŋ taa fwisə viŋ, sheꞌ faŋ ŋwə lwàŋ taa fwi mə. Bàw məŋaytə wiŋ lwaŋ taa fwisə viŋ bə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 16:4

Mə naysə nu ŋɨꞌ kɔ́ tɨ́ viŋ laa, ŋkə taa gay, viŋ kɨ lumə laa mə nə nàysə tɨ́ viŋ laa ŋkə ndɔ gay nɨniŋ.» Yeso baa gì tɨ́ vəŋ laa, «Mə nə kee nàysə vənu vɔ́ tɨ́ viŋ shù fɨ nə faŋ nsiŋ nə tey kɨ duꞌ me, faŋ nsiŋ nəə shi mɔ́ꞌ nə.

Roma 14:21

Ŋkə bàw maa məmeꞌtə maa məkwə mbasə, baa nə maa mənu məluꞌ, tɨꞌnə me yɨ̀ nu mɔ́ꞌ faŋ ŋkə taa bɨ tɨ́ weenshu wə, ŋwə gu shɔ.

Filipi 1:10

Mə shɔꞌtə Nwi tɔ viŋ nɨniŋ, tɨ́ kaꞌ viŋ shòꞌ nu ŋkɨə faŋ luu nu jəə fɨ maa vənu vənshə. Nɨniŋ, viŋ ndɔ luu ŋkee vɨɨ ley faŋ vənu vəvəŋ lùu vəloomə maa shi ŋkɨə faŋ Kristo ndɔ baa bəŋ jwi taa mbi nə.

1 Pita 2:8

Nɨniŋ, nyə baa gù ŋoꞌ faŋ vɨɨ mətwey nu Nwi tumə ghuu shɔ, yighɔsə faŋ nyə taa yɨsə laa vɨɨ kɨ gukə shɔ. Vəŋ tumə ghuu vəŋ shɔ, buꞌ laa vəŋ twèy nu Nwi. Lùu nu ŋkɨə faŋ Nwi nə nùŋ tɨ́ vəŋ.