Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 15:16 - Vengo (Babungo)

¹⁶ Nə kee shòꞌ viŋ shòꞌ mə laa mə luu tii wiŋ me, nə shòꞌ mə shòꞌ viŋ laa viŋ luu vɨɨ məzwetə nu kaŋ, mə baa shoꞌ viŋ laa viŋ kɨ toꞌ fàꞌ maa yizii nyaa, vənu vəjəəvə fuu fɨ fuŋ, kee mè me. Nɨniŋ, kaꞌ viŋ ndwàŋ fa fɨ ghɔ tɨta Nwi maa yizii nyaa, ŋwə kɔ̀ tɨ́ viŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 15:16 ပူးပေါင်းရင်းမြစ်များ

Matiu 21:22

Fa tɨ̀ me fa faŋ viŋ bitə fɨ ghɔ Nwi taa məshɔꞌtə wiŋ, viŋ taa kii, faŋ viŋ nùŋ fwi siŋ maa Nwi.»

Matiu 7:7

«Viŋ kɨ bitə, buu vɨ taa kɔ tɨ́ viŋ. Viŋ kɨ kəə, buu viŋ taa ye. Viŋ kɨ buꞌtə, buu Nwi taa ŋaꞌsə tɨ́ viŋ.

Lukas 6:13

Fu kɨ lee, ŋwə tii vɨɨ məzwetə nu ki, vəŋ jwi yɨ ŋwə, ŋwə shoꞌ vɨɨ njɔsə-bɔɔ fɨ taa ŋwaa vəŋ, tii vəŋ nə vɨɨ ntɔŋ vi nɨzi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 13:18

Mə kee gisə nɨniŋ kɔ̀ŋ viŋ vənshə me, mə kɔꞌ kɨɨ nə vɨɨ mbɨə faŋ mə shòꞌ vəŋ laa lùu vɨɨ vaŋ. Ŋkə lùu nɨniŋ laa nu ŋkɨə faŋ ŋkə lùu taa ŋwaꞌlə Nwi faynə, laa «Wə ntɨə faŋ yia vɨ vəŋ zɨ bee kəmuꞌ, kiasə gù wuu mbeenə ŋwaa.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 15:19

Viŋ nii toꞌ lùu vaŋ taa mbi, buu mbi kàw vaŋ vi. Luu nə, viŋ kee lùu vaŋ mbi nyə̀ me, buꞌ laa mə nə shòꞌ viŋ fɨ taa mbi laa viŋ luu vaŋ vaŋ. Mbi kɨ nii bee viŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 15:5

Mə lùu tɨ taŋ, viŋ luu təntaŋ ti. Wə ntɨə faŋ ŋwə lùu taa fwi mə, mə lùu taa fwi ŋwə. Wə ghɔ́ kɨ nii kwaanə vətaŋ vəyaŋ. Kaꞌ wə kee yɨ̀ nu me, tɨ̀ lɨꞌ laa mə lùu fɨ yiba jɨŋ ŋwə me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:70

Yeso gi tɨ́ vəŋ laa, «Maa nə luu nshɨ-tɔ ŋwaa, faŋ mə nə shòꞌ viŋ njɔsə-bɔɔ nə. Luu nə, wə muꞌ fɨ taa ŋwaa viŋ lùu wuu zwitə bwə.»

Akts 1:24

shɔꞌtə Nwi, gì laa, «Tɨta Nwi, faŋ a kɨ̀ɨ nə fwisə vɨɨ, də wə ntɨə faŋ a shoꞌ fɨ taa ŋwaa vɨɨ və̀ vəbɔɔ tɨ́ yia,

Akts 1:8

Luu nə, viŋ ndɔ kii wutə Nwi faŋ Zwitə Ley Nwi jwì maa viŋ, viŋ kɨ nii lùu vɨɨ məfɨꞌtə nu kaŋ ntɨꞌ Jerusalem nə taa ntɨꞌsə Judia sənshə, nə fɨ shɨ Samaria nə maa vəshəŋ vənshə, gə ziꞌ tɨ́ vəndwə və shɨ nsi.»

Akts 10:41

Luu nə, ŋwə nə kee fùu sɨ vɨɨ vənshə me, fuu sheꞌ sɨ yia, buꞌ laa yia lùu vɨɨ mbɨə faŋ Nwi nə shoꞌ laa yia ye ŋwə nə sɨ. Ŋwə nə fùu fɨ shɨ yiku, yia vɨ vəŋ zɨ, ndɔ nu.

Akts 22:14

Ŋwə gi laa, «Nwi vətɨɨ vaŋ-nsiŋ shòꞌ ghɔ, laa a kɨɨ nə nu ŋkɨə faŋ ŋkə lùu taa ŋkɨɨ Nwi, baa nə laa a ye wuu Nwi ŋgwə faŋ nu ki lùu kəloomə, baa zɔ̀ nu faŋ ŋkə fuu fɨ shuu ŋwə.

Akts 9:15

Tɨta Yeso baa gì tɨ́ ŋwə laa, «Gə shɔ, buꞌ laa mə shòꞌ wə ghɔ́, laa ŋwə luu wuu faꞌ ŋwaa, fɨꞌtə nu yizii kaŋ tɨ́ vɨɨ tətɔŋ fu, nə tɨ́ vəfwàŋ nə tɨ́ vɨɨ Isirayl.

Roma 1:13

Vaŋ-nshwi vaŋ, bàw viŋ kɔꞌ kɨɨ laa mə kɔꞌnə ghee ghee maa məjwi yè viŋ. Luu nə, vənu vəmɔ́ꞌ kɨ bɨbuulə ghee nshə, kɔ tɔ və-ndee. Mə kəə jwi yɨ viŋ laa mə ndɔ yɨsə faꞌ Nwi faŋ mə faꞌ taa ŋwaa viŋ, fuu jəə sɨ Nwi, sheꞌ faŋ mə yɨsə taa ŋwaa vɨɨ fɨ taa məshɨ mənshə.

Roma 1:5

faŋ ŋwə kee gəŋ saŋ-nsiŋ, nùŋ mə maa vɨɨ ntɔŋ vi, laa mə gə faꞌ taa məshɨ mənshə, yɨsə vɨɨ tətɔŋ fu nuŋ fwisə vəŋ maa ŋwə, kɨ zɔnə ŋwə, bəŋsə yizii yi.

Roma 15:4

Nɨniŋ, vənu vənshə faŋ vɨɨ ywaŋ-vɨsɨ nə nyɔ̀ꞌ nə, vəŋ nə ŋwàꞌlə laa nsiŋ kɨ zwetə fɨ fuŋ. Baa nə laa nsiŋ kɨ jiatə yiŋwaa nyaa-nsiŋ, baa zwisə fwi saŋ-nsiŋ nɨzi, kɨꞌ məbwey vəlwaŋ fɨ ghɔ Nwi.

Roma 9:21

Maa kaꞌ mbɔŋ vəntɨɨ ndì shɔꞌ, bɔ̀ŋ ntɨɨ shɔ faŋ vɨɨ taa kɨ yɨsə vənu vəkwalə shɔ, baa kɨ ndi sheꞌ mfɨŋ shɔꞌ yɔ́, bɔ̀ŋ ntɨɨ shɔ faŋ vɨ taa kɨ kwaŋ vətɔ vəbwəvə taa tey yi.

1 Kɔrintian 10:11

Vənu mbɨə faŋ mbə nə gày maa vɨɨ vɔ́ yighee vɨsɨ nə, lùu shwenə tɨ́ vɨɨ laa vəŋ kɨ tɔfə. Vɨ nə nyɔ̀ꞌ taa ŋwaꞌlə maa məyɨ laa nsiŋ kɨ̀ɨ fɨ ntaŋ, faŋ nsiŋ shì maa yighee nyə̀ faŋ vəndwə və mbi lùu nshənə.

Galatia 1:15

Luu nə, Nwi nə shòꞌ mə, buu vɨ ndɔ kɨ dùꞌ bì mə. Nwi tii mə fɨ taa gəŋsə Nwi, laa mə beꞌsə ŋwə.

Efesɔs 2:10

Nsiŋ lùu fa faŋ nə bɔ̀ŋ Nwi. Ŋwə bɔ̀ŋ nsiŋ buꞌ Yeso Kristo, laa nsiŋ kɨ yɨsə vənu vəjəəvə mbɨə faŋ ŋwə nə nùŋsə shù fɨ maa yighee vɨsɨ, laa nsiŋ ndɔ kɨ toꞌ ghuu yitoꞌ kaŋ-nsiŋ maa jɨɨ yɔ́ nə.

Kɔlɔsii 1:23

buꞌ faŋ viŋ kɨ tɨtweꞌ bìŋ Nwi, nùŋ fwi siŋ sheꞌ maa nu Nwi, tɨ̀ŋnə weꞌ, tə̀ sɨ sheꞌ maa vənu mbɨə faŋ viŋ zɔ̀ fɨ taa nu Nwi. Luu sheꞌ nu Nwi kɔ́ faŋ vɨ fɨꞌtə tɨ́ vɨɨ vənshə, ŋkə saynə shɨ nsi kənshə. Mə Pɔɔl nə gù wuu faꞌ nu Nwi kɔ́, laa mə kɨ fɨꞌtə nu Nwi kɔ́ tɨ́ vɨɨ.

Kɔlɔsii 1:6

Ntɔŋ yijəə Nwi yɔ́ zìꞌ maa vəshəŋ vənshə fɨ shɨ nsi, nyə yɨsə vɨɨ kwiinə nshinə vəŋ, kii nshinə yijəə. Viŋ nɨzi zɔ̀ fɨ fuŋ, nyə yɨ viŋ yɨsə vənu vəjəəvə, zì fɨ maa yighee njyə faŋ viŋ nə fɔŋ zɔ̀ yigi yɔ́, faŋ ŋkə nə lèy tɨ́ viŋ, viŋ kɨɨ jəə faŋ Nwi tu mənɔŋ-bwaŋnə wi tɔ viŋ.

1 Timoti 2:7

Ŋwə nə nùŋsə mə nɨzi maa nu kɔ́, laa mə luu wuu məfɨꞌtə nu kɔ́, baa lùu wuu ntɔŋ Kristo, deesə nu Nwi tɨ́ vɨɨ tətɔŋ fu faŋ vəŋ kee kɨ̀ɨ nə Nwi me, laa vəŋ nuŋ fwi vəŋ maa Kristo, kɨ̀ɨ nə nu yinsəŋ. Mə gi ŋkee nu yinsəŋ, kee ndi ghaŋ me, laa nshɨ-tɔ Nwi nə tɔ̀ŋ mə maa ntɔŋ yɔ́.

2 Timoti 1:11

Nwi nùŋsə mə laa mə kɨ fɨꞌtə ntɔŋ yijəə yɔ́, baa lùu wuu ntɔŋ Kristo, deesə nu ki tɨ́ vɨɨ.

2 Timoti 2:2

Fi yigi njyə faŋ a nə zɔ̀ fɨ ghɔ mə, faŋ mə nəə fɨꞌtə nu Kristo vɨsɨ vɨɨ vəyaŋ nə, ndì nùŋsə tɨ́ vɨɨ yinsəŋ, faŋ vəŋ kùꞌnə tɨ́ kaꞌ vəŋ ndɔ baa kɨ deesə tɨ́ vɨɨ mɔ́ꞌ.

Taytəs 1:5

Ŋiꞌ nu ŋkɨə faŋ mə nə mèꞌtə ghɔ shɨ Kriit, lùu laa a bɔŋsə vənu mbɨə faŋ mbə nə gòꞌ nə, nùŋsə vɨɨ taa taa nshəŋtə vɨɨ Nwi ntɨꞌsə ntɨꞌsə, faŋ mə nə gì tɨ́ ghɔ nə.

Hibru 11:4

Abel, wee Adam, nə nùŋ fwi yi maa Nwi, buu vəkɔ vi baw tɨ́ Nwi, shɔ̀ɔ mbə Kayin, weenshu wi. Nwi nə ndi ŋwə yaa wuu loomə, buꞌ laa ŋwə nə nùŋ fwi yi maa Nwi. Nwi nə yɨsə laa ŋkə lùu kəley tɨ́ nsiŋ, buꞌ faŋ Nwi nə fì vətɔ mbɨə faŋ Abel nə kɔ nə. Luu sheꞌ buꞌ məbiŋ Abel, laa nsiŋ kɨ bii zɔ̀ yigisə yi, faŋ ŋwə kɔlə ku nə.

Jeyms 3:18

Vɨɨ vɔ́ faŋ vəŋ jwi nə mənɔŋ-bwaŋnə nə, yɨsə laa vɨɨ duꞌ nə mənɔŋ-bwaŋnə, ndɔ ye laa jəə fuu fɨ taa vəfaꞌ vəvəŋ, sheꞌ yaa vətɔ yaa kɨ ta fɨ maa ŋgwisə vətɔ vɔ́ faŋ vɨ nə bìa taa nsi.

1 Pita 3:15

Viŋ kɨ bəŋsə sheꞌ tɨta Kristo fɨ taa fwisə viŋ, nùŋ ŋwə laa lùu tɨɨ ŋii wiŋ. Viŋ jia fwi siŋ ghee nshə maa məbəŋsə nu faŋ vɨɨ bitə tɨ́ viŋ kɔ̀ŋ nu məkɨꞌ məbwey vəlwaŋ, faŋ viŋ nùŋ fwi siŋ shɔ nə.

1 Pita 3:2

Kaꞌ vəŋ kwìinə fwisə vəŋ buꞌ faŋ vəŋ yè nshinə yiŋ faŋ nyə lùu yiley, baa ye laa viŋ fee Nwi.

1 Jɔn 4:10

Nɨniŋ ghɔ́, ŋiꞌ nu ŋkɨə faŋ nsiŋ vɨ Nwi kawnə, kee lùu laa zì nsiŋ kɨ kaw Nwi me, lùu laa, nə tèy Nwi kɨ kaw nsiŋ, tɔ̀ŋ ŋwiŋ wi laa ŋwə jwi, sɔ̀ yibɨsə nyaa-nsiŋ.

1 Jɔn 4:19

Gə fɨ maa nsiŋ, maa Nwi nə kàw nsiŋ ŋkəə, buu nsiŋ kaw ŋwə nɨzi.