Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 15:10 - Vengo (Babungo)

¹⁰ Kaꞌ viŋ goꞌsə taa ŋkawnə nyaa faŋ viŋ nuŋsə ntɨsə saŋ, sheꞌ faŋ nshɨ-tɔ ŋwaa nə nùŋsə ntɨsə Tii ŋwaa, buu gòꞌsə taa ŋkawnə yi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 15:10 ပူးပေါင်းရင်းမြစ်များ

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 10:18

Ŋkə kee lùu laa wə ndɔ baꞌsə məbwey fɨ ghɔ mə nə wutə ki me. Ndɔ biŋ mə biŋ yiku ŋgɨɨ-mə. Mə kìi wutə maa məbiŋ yiku, baa nə wutə maa məywey fɨ shɨ yiku. Nə kɔ̀ Tii ŋwaa kɔ ntɨ nyə̀ nə wutə kɔ́ shee.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 12:49

Lùu nɨniŋ buꞌ laa mə nəə kee gisə sheꞌ nə nshɨ-tɔ ŋwaa me. Tii ŋwaa faŋ ŋwə nə tɔ̀ŋ mə, nə tɨ̀ mə nə nu ŋkɨə faŋ mə taa kɨ naysə, baa nə yigi njyə faŋ mə taa kɨ gisə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 14:15

Yeso baa gì laa, «Kɨ luu viŋ kaw mə, buu viŋ taa zɔnə ntɨsə saŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 14:21

Wə ntɨə faŋ ŋwə kɨɨ nə ntɨsə saŋ, nùŋsə taa fwi ŋwə, kɨ toꞌ maa ntɨsə sɔ́, buu lùu wə faŋ ŋwə kaw mə. Wə ntɨə faŋ ŋwə kaw mə tɨ́ nee, buu Tii ŋwaa baa luu kaw ŋwə. Nshɨ-tɔ ŋwaa kaw ŋwə nɨzi, yɨ laa ŋwə taa ye mə maa yinsəŋ.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 14:23

Yeso gi tɨ́ ŋwə laa, «Wə ntɨə faŋ ŋwə kaw mə, ŋwə taa kɨ nuŋsə yigisə nyaa nɨzi, Tii ŋwaa taa kaw ŋwə, yia Tii ŋwaa taa kɨ shi yia vɨ vəŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 14:31

Mə yɨ sheꞌ nu ŋkɨə faŋ Tii ŋwaa gì laa mə yɨ, tɨ́ kaꞌ mbi nyə̀ kɨɨ laa mə kaw Tii ŋwaa. - Ŋkə kuꞌ. Viŋ ndɔ, nsiŋ gə!»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 17:4

Mə nə də̀ yikwalə yə taa mbi nyə̀, fàꞌ faꞌ ŋgwə faŋ a nə tɔ̀ŋ mə laa mə faꞌ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 4:34

Yeso gi tɨ́ vəŋ laa, «Fazɨ kaŋ lùu laa mə kɨ yɨsə nu wə ntɨə faŋ ŋwə nə tɔ̀ŋ mə nə, baa nə laa mə metə vəfaꞌ vi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:29

Mə lùu yia wə ntɨə faŋ ŋwə nə tɔ̀ŋ mə. Ŋwə lùu yiba jɨŋ mə, kee meꞌtə mə nɨnɔŋ me, buꞌ laa mə yɨsə sheꞌ vənu mbɨə faŋ mbə bàw tɨ́ ŋwə ghee nshə.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:55

faŋ viŋ kee bee kɨɨ nə ŋwə me. Kɨɨ sheꞌ mə nə ŋwə. Mə nii toꞌ gì laa mə kee kɨɨ nə ŋwə me, buu mə sɨ̀ɨ ba, buu mə luu sheꞌ yaa viŋ vɨɨ təba. Luu nə, mə naysə tɨ́ viŋ laa mə kɨɨ nə ŋwə. Mə baa zɔnə ŋwə, nuŋsə yigisə yi.

1 Kɔrintian 7:19

Faŋ vɨ sɨɨtə wə, tɨꞌnə me kee sɨ̀ɨtə me, nsɔꞌ kee lùu shɔ me. Nu ŋkɨə faŋ luu ŋkee nu, lùu laa wə kɨ nuŋsə ntɨsə Nwi.

1 Tesalonika 4:1

Vaŋ-nshwi vaŋ, yia fàynə vənu vɔ́ laa viŋ kɨ toꞌ ghuu yitoꞌ kiŋ, ŋkə kuꞌnə tɨ́ Nwi. Maa viŋ nə duꞌtə viŋ zɔ fɨ ghɔ yia, faŋ ŋkə kùꞌnə maa mətoꞌ vɨsɨ Nwi; viŋ baa luu tòꞌ nɨniŋ. Nɨniŋ, yia buꞌ ghɔ tɨ́ viŋ, tɨsə viŋ maa yizii tɨta Yeso, laa viŋ kɨ toꞌ nɨniŋ, gə̀ vɨsɨ vɨsɨ.

Hibru 7:26

Ŋwə luu ŋkee wuu ley, kee kìi nu bwə me, tɨꞌnə me kìi wee-ndoꞌ maa ŋwə me. Ŋwə kee kìi nu ghɔ vɨɨ bwənə me. Nwi nùŋsə ŋwə ŋkee taa yizɔ, laa ŋwə duꞌ yɨ Nwi. Nɨniŋ, ŋwə kùꞌnə tɨ́ kaꞌ ŋwə lùu wuu kwalə məfeꞌ Nwi tɨ́ nsiŋ.

2 Pita 2:21

Ŋkə nə bàw tɨ́ vəŋ laa kɨ vəŋ fɔŋ bɨ kɨ̀ɨ nə jɨɨ faŋ lùu jɨɨ yiloomə me, fɨ ghɔ vəŋ kɨ̀ɨ nə jɨɨ yɔ́, baa bəŋ kìasə ŋwaa vəŋ, mèꞌtə ntɨsə Nwi, kee baa kɨ beꞌsə ntɨsə sɔ́ faŋ vɨ nə fɨ̀ꞌtə tɨ́ vəŋ nə me.

1 Jɔn 2:3

Nu ŋkɨə tɨ́ kɨ kaꞌ nsiŋ kɨɨ laa nsiŋ kɨ̀ɨ nə Nwi yinsəŋ, lùu laa, nsiŋ kɨ luu nuŋsə ntɨsə Nwi, buu nsiŋ kɨ̀ɨ nə Nwi yinsəŋ.

1 Jɔn 2:5

Wə ntɨə faŋ ŋwə biŋ nu Nwi, buu ŋwə kaw Nwi nə fwi yi yinshə; ŋkawnə yi maa Nwi lùu yiloomə. Nu ŋkɨə faŋ kaꞌ nsiŋ kɨɨ laa nsiŋ shi ghɔ Nwi, lùu laa,

1 Jɔn 2:6

Wə ntɨə faŋ ŋwə toꞌ ghuu yitoꞌ ki sheꞌ faŋ Yeso Kristo nəə toꞌ, buu kaꞌ wə ghɔ́ gì laa yi shi ghɔ Nwi.

1 Jɔn 5:3

Nu ŋkɨə faŋ nsiŋ kaw Nwi shɔ, lùu faŋ nsiŋ nuŋsə ntɨsə si. Ntɨsə Nwi kee lùu səweꞌ tɨ́ nsiŋ me,

Reveleyshən 22:14

Mənɔŋ-bwaŋnə tɨ́ vɨɨ mbɨə faŋ vəŋ sɔ̀ njwisə vəŋ, nsə ley, tɨ́ kaꞌ vəŋ kìi wutə maa məkwə fɨ maa vətaŋ tɨ və məbwey, baa nə maa məshɔɔ fɨ shuu ŋkɔꞌ, ŋìi taa shɨ yɔ́.