Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 14:20 - Vengo (Babungo)

²⁰ Maa yighee yɔ́, viŋ taa kɨɨ laa, mə lùu taa fwi Tii ŋwaa, viŋ lùu taa fwi mə, mə lùu taa fwi viŋ nɨzi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 14:20 ပူးပေါင်းရင်းမြစ်များ

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 10:38

Luu nə, mə kɨ luu kɨ faꞌ faꞌ Tii ŋwaa, bàw viŋ biŋ. Viŋ kee kɔlə bìŋ mə maa nu ŋkɨə faŋ mə gì me, kaꞌ viŋ bìŋ mə buꞌ nu ŋkɨə faŋ mə yɨ̀sə, tɨ́ kaꞌ ŋkə taa lèy tɨ́ viŋ, laa Tii ŋwaa lùu fɨ yiba jɨŋ mə, mə lùu fɨ yiba jɨŋ Tii ŋwaa.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 14:10

A kee yibiŋ laa yia tɨta Nwi lùu fa kəmuꞌ yimu? Laa mə lùu taa fwi Tii ŋwaa, Tii ŋwaa luu taa fwi mə yimu? Vənu mbɨə faŋ mə gisə, mə kee gisə nə wutə kaŋ me, luu tɨta Nwi faŋ ŋwə lùu taa fwi mə, faŋ ŋwə faꞌ vənu mbɨə faŋ mə yɨsə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 14:11

Bàw viŋ biŋ laa yia tɨta Nwi lùu fa kəmuꞌ, laa ŋwə lùu taa fwi mə, mə luu taa fwi ŋwə. Viŋ kɨ luu kee biŋ yigisə nyaa me, bàw viŋ biŋ buꞌ vənu mbɨə faŋ mə yɨsə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 16:23

Ndɔ luu maa shi kɔ́, viŋ kee baa bitə tuu nu shee me. Viŋ zɔ! Mə naysə tɨ́ viŋ yinsəŋ laa, fa tɨ̀ me fa faŋ viŋ taa ndwaŋ fɨ ghɔ Tii ŋwaa maa yizii nyaa, ŋwə taa kɔ tɨ́ viŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 16:26

Ndɔ luu maa shi kɔ́, viŋ ndwaŋ vətɔ fɨ ghɔ Tii ŋwaa maa yizii nyaa. Mə kee gi laa mə ndɔ buꞌ ghɔ tɨ́ Tii ŋwaa tɔ viŋ me,

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 17:11

Mə kee baa lùu taa mbi me, luu nə, vɨɨ vaŋ vɔ́ goꞌ taa mbi, faŋ mə jɨjwi yɨ ghɔ nə. Tɨta faŋ a bàw shɨlə, kɨ kɨꞌ vəŋ, vəŋ goꞌ maa yizii yə, faŋ a nə kɔ̀ shee nə, laa vəŋ luu fa kəmuꞌ, sheꞌ faŋ nsoo lùu fa kəmuꞌ nə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 17:26

Mə nə yɨsə vəŋ kɨɨ nə yizii yə; mə ndɔ baa kɨ twelə nu yizii yə tɨ́ vəŋ. Nɨniŋ, ŋkawnə yə faŋ a nə kàw mə nə, lùu taa fwisə vəŋ; nshɨ-tɔ ŋwaa lùu taa fwisə vəŋ nɨzi.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 17:7

Vəŋ kɨ̀ɨ ndwə laa vənu vənshə faŋ a nə kɔ̀ shee, mbə ndɔ fɨ ghɔ ghɔ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:56

Wə tɨ̀ me wə faŋ ŋwə kwə mbasə ŋwaa ŋwaa, nù mənshi maa, buu ŋwə gòꞌsə yia ŋwə yighee muꞌ; mə gòꞌsə taa fwi ŋwə nɨzi.

Roma 16:7

Viŋ shɔꞌtə Andronikɔs nə Junias, faŋ lùu vɨɨ shɨ vaŋ nə, yia vɨ vəŋ nə luu taa ŋii mfiŋ mɔ́ꞌ. Vəŋ lùu vɨɨ kwalə fɨ taa ŋwaa vɨɨ ntɔŋ Kristo, baa lùu vənshɔɔ vɨsɨ vaŋ maa nu Kristo.

Roma 8:1

Nɨniŋ, vɨɨ mbɨə faŋ vəŋ fàynə ghɔ vɨ Yeso Kristo, kaꞌ vəŋ kee ndɔ baa gu nsɔꞌ ndì me.

1 Kɔrintian 1:30

Luu buꞌ Nwi, faŋ viŋ gù fa kəmuꞌ viŋ vɨ Yeso Kristo. Nə yɨsə Nwi laa nu Kristo gu nu tɔ-ley tɨ́ nsiŋ. Luu sheꞌ buꞌ Yeso faŋ Nwi ndɨ̀ nsiŋ yaa vɨɨ faŋ vənu vəvəŋ lùu vəloomə. Yɨsə ŋwə buu nsiŋ lùu vɨɨ ley Nwi. Ŋwə bweysə nsiŋ fɨ ghɔ vənu vəbwəvə.

2 Kɔrintian 12:2

Mə kɨ̀ɨ nə wə mɔ́ꞌ faŋ ŋwə lùu fa kəmuꞌ ghɔ Yeso, shɔ̀ɔ ŋuꞌsə ndwə njɔsə-yishwe, faŋ Nwi nə ndi ŋwə, shàꞌsə koꞌ ŋkee taa yizɔ. Kɨ ŋkə nə gày kɨkə, mə kee yikɨɨ me. Kɨ ŋkə nə luu nshɨ-tɔ wə ghɔ́, tɨꞌnə me sheꞌ zwitə ki, buu mə kee yikɨɨ me, kɨɨ sheꞌ Nwi.

2 Kɔrintian 13:5

Nɨniŋ, bàw viŋ kwaꞌtə nu kiŋ laa fwi yiŋ lùu ghɔ Kristo mu? Viŋ fɨꞌnə nu kiŋ maa nshɨ-tɔ wiŋ. Maa viŋ kɨɨ nə yiŋwaa laa Yeso lùu taa fwisə viŋ? Ŋwə nii toꞌ kee lùu shɔ me, buu nu kiŋ kee yikuꞌnə me.

2 Kɔrintian 5:17

Nɨniŋ, wə kɨ luu kìi nu kəmuꞌ ghɔ Kristo, Nwi nàysə ŋwə, ŋwə gu fa fi, vənu vəmwavə vi ndì, gù vəfi.

2 Kɔrintian 5:19

Nwi nə luu taa ŋwaa Kristo, mètə nsɔꞌ vɨɨ fɨ mbi ghɔ vɨ vəŋ, kee bə̀ŋsə nu bwə vəŋ tɨ́ vəŋ me. Nwi nuŋsə yia laa yia kɨ gisə nu məmetə nsɔꞌ tɨ́ vɨɨ.

Galatia 2:20

Nɨniŋ, kaꞌ mə gì laa vɨ nə bèy yia ŋwə mɔ́ꞌ. Mə kɨ luu bwèy, məbwey ŋwaa kee baa lùu ŋwaanə me; məbwey ŋwaa lùu ŋgwə Yeso Kristo faŋ ŋwə lùu taa ŋwaa mə. Məbwey ŋgwə faŋ mə kìi ŋwə taa mbi nyə̀ ndwə nə, mə shi buꞌ laa mə nùŋsə fwi nyaa maa Kristo, Wee Nwi, faŋ ŋwə kaw mə, ndìsə məbwey wi buꞌ mə nə.

Efesɔs 2:10

Nsiŋ lùu fa faŋ nə bɔ̀ŋ Nwi. Ŋwə bɔ̀ŋ nsiŋ buꞌ Yeso Kristo, laa nsiŋ kɨ yɨsə vənu vəjəəvə mbɨə faŋ ŋwə nə nùŋsə shù fɨ maa yighee vɨsɨ, laa nsiŋ ndɔ kɨ toꞌ ghuu yitoꞌ kaŋ-nsiŋ maa jɨɨ yɔ́ nə.

Kɔlɔsii 1:19

Nə luu nɨniŋ taa ŋkɨɨ Nwi, laa vənu vənshə luu sheꞌ taa ŋwaa Yeso.

Kɔlɔsii 1:27

Ŋkə nə bàw tɨ́ Nwi laa Nwi yɨsə laa vɨɨ vi kɨɨ faŋ yigi yɔ́ dùꞌ, baa kwàlə shɔ̀ɔ. Nyə kìi sey kwalə tɨ́ vɨɨ məshɨ məshɨ. Nu kwalə kɔ́ lùu laa Kristo shi taa fwisə viŋ. Nɨniŋ, viŋ kɨ nii tə̀ sɨ maa vəkeynə və Nwi faŋ mbə kwalə shɔ̀ɔ.

Kɔlɔsii 2:9

Viŋ kɔꞌ kɨɨ laa nshɨ-tɔ Nwi nə wutə ki kənshə lùu taa ŋwaa Kristo.

1 Jɔn 4:12

Viŋ kɔꞌ kɨɨ laa, tuu wə nə kee ta yè Nwi nə yisɨ me. Luu nə, nsiŋ kɨ luu kɨ kaw nə yiŋwaa nyaa-nsiŋ, buu Nwi taa gòꞌ taa fwisə nsiŋ, ŋkawnə yi lwaŋ taa fwisə nsiŋ. Nsiŋ kɨ nii kàw ŋwə nə vɨɨ nə fwi nyaa-nsiŋ yinshə.