Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 14:16 - Vengo (Babungo)

¹⁶ Mə ndɔ buꞌ ghɔ tɨ́ Tii ŋwaa, ŋwə taa kɔ wuu məgaŋtə tɨ́ viŋ faŋ lùu Zwitə Ley. Ŋwə goꞌsə taa ŋwaa viŋ yighee muꞌ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 14:16 ပူးပေါင်းရင်းမြစ်များ

Matiu 28:20

deesə vəŋ maa mənuŋsə vənu vənshə faŋ mə yaa nàysə tɨ́ viŋ nə. Viŋ kɨ lumə laa mə taa luu yɨ viŋ ghee nshə, gə ziꞌ maa vəndwə və mbi.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 14:14

Viŋ ndwaŋ fa maa yizii nyaa, buu mə taa kɔ tɨ́ viŋ.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 14:18

Nɨniŋ, mə kee mèꞌ viŋ laa viŋ luu vaŋ vəti me; mə ndɔ baa jwi ye viŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 14:26

Wuu məgaŋtə faŋ luu Zwitə Ley faŋ Nwi ndɔ tɔŋ tɨ́ viŋ buꞌ mə, ndɔ twelə vənu vənshə tɨ́ viŋ, baa lùmə vənu vənshə tɨ́ viŋ faŋ mə nə nàysə tɨ́ viŋ nə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 15:26

Luu nə, viŋ kɨ lumə laa wuu məgaŋtə jɨjwi. Yighee njyə faŋ mə taa gə̀ yɨ Tii ŋwaa, mə taa tɔŋ ŋwə, ŋwə jwi tɨ́ viŋ. Lùu Zwitə Ley Nwi faŋ ŋkə ndɔ fɨ ghɔ Tii ŋwaa, lùu ŋkə faŋ ŋkə ndɔ də nu yinsəŋ tɨ́ vɨɨ. Ŋkə ndɔ yɨsə vɨɨ kɨɨ nə yinsəŋ nyaa.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 16:22

Sheꞌ nee, viŋ lùu ndwə lɨluŋ. Luu nə, fwi siŋ ndɔ kɨ ŋaytə faŋ mə ndɔ baa jwi ye viŋ. Nɨniŋ, tuu wə kee lùu shɔ, tɨ́ kaꞌ ŋwə baa fì məŋaytə wiŋ fɨ ghɔ viŋ me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 17:15

Mə kee buꞌ ghɔ tɨ́ ghɔ laa a baꞌsə vəŋ fɨ taa mbi me. Mə buꞌ ghɔ tɨ́ ghɔ laa a kɨ shiinə vəŋ fɨ ghɔ nu bwə, nə fɨ ghɔ tɨɨ vəzwitə vəbwəvə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 17:20

Mə kee buꞌ ghɔ sheꞌ tɔ vɨɨ mbɨə faŋ vəŋ lùu vɨɨ vaŋ ndwə me. Mə buꞌ ghɔ nɨzi tɔ vɨɨ mbɨə faŋ vəŋ ndɔ zɔ nu kaŋ fɨ ghɔ vəŋ, nùŋ fwisə vəŋ maa mə nɨzi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 4:14

Gə fɨ maa wə ntɨə faŋ mə kɔ muu mə vəlwaŋ mbɔ́ tɨ́ ŋwə, ŋwə nu, kaꞌ twey-muu ndɔ kee baa ywey ŋwə me. Muu mbɨə faŋ mə kɔ̀ tɨ́ ŋwə nə, kiasə gù koꞌ-fɨ-nsi taa fwi ŋwə, muu fuu fɨ fuŋ, yɨ̀sə ŋwə kii məbwey vəlwaŋ faŋ ŋwə gòꞌsə yighee muꞌ.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 7:39

Yeso nə gì yigi yɔ́ kɔ̀ŋ Zwitə Ley Nwi faŋ ŋkə ndɔ ŋii maa vɨɨ mbɨə faŋ vəŋ nùŋ fwisə vəŋ maa Nwi. Maa yighee yɔ́ vɨɨ nə kee ta kìi Zwitə Ley kɔ́ me, buꞌ laa Nwi nə kee ta kòꞌsə ndaw Yeso taa shəŋ yifwàŋ Nwi me.

Akts 1:4

Maa yighee yɔ́ Yeso ghɔ vɨ vɨɨ məzwetə nu ki baytə shəŋ muꞌ, Yeso gi tɨ́ vəŋ laa, kɨ vəŋ fuu fɨ ntɨꞌ Jerusalem me, baa nə laa vəŋ duꞌ shɔ, kɨ kɨꞌ sheꞌ Zwitə Ley Nwi, faŋ tɨta Nwi nə kɔ̀ꞌnə tɨ́ vəŋ, faŋ yi nə nàysə tɨ́ vəŋ nə.

Akts 13:52

Gə fɨ maa vɨɨ mbɨə faŋ vəŋ nə bìŋ nu Kristo (ntɨꞌ Antiɔk), Zwitə Ley Nwi nə məŋaytə lwaŋ taa fwisə vəŋ.

Akts 9:31

Nɨniŋ ghɔ́, vɨɨ məbiŋ Kristo fɨ taa məshɨ mə Judia nə Galilii nə Samaria mənshə nə dùꞌ bwaŋnə, baa toꞌ maa ghuu yitoꞌ tɨta Yeso, fee Mɔꞌmbi. Zwitə Ley Nwi yɨsə vɨɨ vəmɔ́ꞌvə baa kùꞌsə nwaa vəŋ.

Roma 14:17

Ŋiꞌ nu yifwàŋ Nwi kee lùu nu məzɨ fa, baa nə nu mənu fa me. Nu yifwàŋ Nwi lùu nu faŋ Zwitə Ley Nwi ŋìi taa fwi wə, kìasə nu ki, ŋkə loomə, fwi yi zutə, lwàŋ nə məŋaytə.

Roma 15:13

Nwi faŋ ŋwə yɨsə vɨɨ kɨꞌ məbwey vəlwaŋ, kwàŋ məŋaytə nə məduꞌ-nyɔŋ taa fwisə viŋ, ŋwə lwaŋ, buꞌ faŋ viŋ nùŋ fwi siŋ maa ŋwə nə. Zwitə Ley Nwi baa luu kɔ̀ wutə tɨ́ viŋ, tɨ́ kaꞌ viŋ kɨ kɨꞌ məbwey ghɔ́ nə fwi yiŋ yinshə.

Roma 5:5

Faŋ nsiŋ kɨꞌ nu kwalə fɨ ghɔ Nwi, buu nsiŋ kee ndɔ ndi tɔ dɨɨ shɔ me, buꞌ laa Nwi nə kwàŋ Zwitə Ley ki taa fwisə nsiŋ, ŋkə lwaŋ, yɨ laa nsiŋ zɔ faŋ Nwi kàw nsiŋ.

Roma 8:34

Sii kaꞌ shia ndə shia nsɔꞌ tɔ vəŋ? Yeso Kristo nə kù tɔ nsiŋ, baa yɨ̀sə nu faŋ ŋkə shɔ̀ɔ yiŋkii. Nu kɔ́ lùu laa ŋwə nə ywèy fɨ shɨ yiku. Ŋwə baa dùꞌ maa kwiŋ Nwi maꞌnə, bəŋsə vənu vaŋ-nsiŋ ghɔ Nwi.

Galatia 5:22

Gə fɨ maa vənu mbɨə faŋ mbə ndɔ̀ fɨ taa Zwitə Nwi, mə kəə naysə vənu vɔ́ tɨ́ viŋ nɨzi. Vənu vɔ́ luu ŋkawnə, nə məŋaytə, nə məduꞌ bwaŋnə, nə məjia fwi, nə məsaylə jəə, nə məgaŋtə vɨɨ, nə məzɔnə,

Filipi 2:1

Kristo nə kɔ̀ viŋ nə yigi, tɨ́ kaꞌ viŋ tɨ̀sə yiŋwaa yiŋ, viŋ viŋ, baa gaŋtə yiŋwaa yiŋ, viŋ viŋ, fɨ taa ŋkawnə. Viŋ faynə lùu fa kəmuꞌ, viŋ vɨ Zwitə Ley Nwi, baa kee gəŋ siŋ, viŋ viŋ.

2 Tesalonika 2:16

Nshɨ-tɔ tɨta ŋwaa-nsiŋ Yeso Kristo nə tɨta Nwi faŋ ŋwə nə kàw nsiŋ, kèe gəŋ saŋ-nsiŋ, bàwsə fwi saŋ-nsiŋ, nsə kuꞌnə yighee muꞌ nə, yɨsə nsiŋ kɨ kɨꞌ ŋkee nu jəə.

Hibru 7:25

Lùu nu ŋkɨə faŋ ŋwə kìi wutə maa məbweysə vɨɨ yighee muꞌ, faŋ vəŋ shɔ̀ɔ fɨ ghɔ ŋwə, buu gə yɨ Nwi, buꞌ laa ŋwə kìi məbwey faŋ ŋwə gòꞌsə yighee muꞌ, tɨ́ kaꞌ ŋwə ndwàŋ Nwi tɔ vəŋ ghee nshə.

1 Jɔn 2:1

Vaŋ vaŋ, mə nyɔꞌ vənu və̀ tɨ́ viŋ laa kɨ viŋ baa kɨ yɨ vənu vəbwəvə me. Kɨ luu laa wə gu, yɨ nu bwə, buu Yeso Kristo, wuu ley shɔ, faŋ ŋwə tɨŋ vɨsɨ Nwi, ndwaŋ Nwi tɨ́ nsiŋ.

1 Jɔn 2:27

Gə fɨ maa viŋ, viŋ kɔꞌ kɨɨ laa Zwitə Ley Nwi faŋ Yeso nə tù maa viŋ, gòꞌsə taa fwisə viŋ, nu kee baa ghɔ̀ꞌ viŋ, tɨ́ kɨ kaꞌ wə baa kɨ deesə viŋ nə nu Nwi me, buꞌ laa Zwitə Ley Nwi kɔ́ dèesə vənu vənshə tɨ́ viŋ. Nu ŋkɨə faŋ Zwitə Ley Nwi kɔ́ dèesə tɨ́ viŋ nə, luu ŋkee nu yinsəŋ, kee lùu ba me. Nɨniŋ, bàw viŋ vɨ Yeso goꞌ nə fa kəmuꞌ.

2 Jɔn 1:2

Lùu nɨniŋ buꞌ nu yinsəŋ faŋ ŋkə lùu taa fwisə nsiŋ, baa gòꞌsə taa fwisə nsiŋ yighee muꞌ.