Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 14:12 - Vengo (Babungo)

¹² Viŋ zɔ! Mə naysə tɨ́ viŋ yinsəŋ laa, wə ntɨə faŋ ŋwə nùŋ fwi yi maa mə, taa kɨ yɨ vənu mbɨə faŋ mə yɨ nɨzi. Ŋwə taa kɨ yɨsə vənu faŋ mbə shɔ̀ɔ mbɨə faŋ mə yɨ̀, buꞌ faŋ mə gə yɨ Tii ŋwaa.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 14:12 ပူးပေါင်းရင်းမြစ်များ

Matiu 21:21

Yeso bəŋsə tɨ́ vəŋ laa, «Viŋ zɔ! Mə naysə tɨ́ viŋ yinsəŋ laa, viŋ kɨ luu nùŋ fwi siŋ maa Nwi, kee kɨ kənə me, buu kaꞌ viŋ yɨsə kəŋ nu ghɔ́ faŋ ŋkə nii gày maa tɨ taŋ kə̀ nə nɨzi, baa kɨɨ maa məyɨ vənu vəkwalə vəmɔ́ꞌ nɨzi. Kaꞌ viŋ taa gi tɨ́ baŋ nyə̀ laa nyə muꞌnə, gə̀ fìŋ taa mamuu, buu ŋkə taa gay nɨniŋ.

Mark 11:13

Ŋwə ye tɨ taŋ kəmɔ́ꞌ fɨ ntaŋ, faŋ vɨ tii nə tɨ fig. Vəvi luu fuu yi. Ŋwə gə yifi maa məkəə laa vətaŋ lùu fuu yi mu? Ŋwə kɨ gə yɨ tɨ taŋ kɔ́, ye laa taŋ kee lùu fuu yi me. Nə luu sheꞌ vəvi fuu yi, buꞌ laa nə kee lùu yighee yuu tɨ kɔ́ koonə me.

Mark 16:17

Vəshwenə ndɔ luu shɔ ghɔ vɨɨ mbɨə faŋ vəŋ bìŋ ntɔŋ yɔ́. Vəshwenə vɔ́ luu laa vəŋ ndɔ kɨ fuusə vəzwitə vəbwəvə fɨ maa vɨɨ maa yizii nyaa, gisə təghaŋ təfinə,

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 14:28

Viŋ duꞌtə viŋ zɔ faŋ mə naysə tɨ́ viŋ laa, mə taa meꞌtə viŋ, gə̀ baa bə̀ŋ jwì yè viŋ. Kɨ luu viŋ kaw mə, viŋ kɨ ŋaytə faŋ mə gə yɨ Tii ŋwaa, buꞌ laa Tii ŋwaa kwàlə shɔ̀ɔ mə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 16:7

Mə naysə ŋkee nu yinsəŋ tɨ́ viŋ laa, lùu nu jəə tɨ́ viŋ faŋ mə gə nɨniŋ nə. Kaꞌ Zwitə Ley Nwi kee ndɔ jwi maa viŋ me, maa tɨ̀ lɨꞌ laa mə bɨ gə, gə̀ tɔ̀ŋ wuu məgaŋtə ghɔ́ tɨ́ viŋ me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 4:37

Yigisə tii njyə faŋ vɨɨ yaa kɨ gisə laa, wə muꞌ yaa kɨ bia, wə dɨday kɨ shwi, luu nu yinsəŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:20

Lùu nɨniŋ, buꞌ laa tɨta Nwi kàw ŋwiŋ wi, baa dəsə vənu vənshə faŋ ŋwə yɨ tɨ́ ŋwiŋ wi. Nwi ndɔ baa də vənu vəkwalə vəmɔ́ꞌ tɨ́ ŋwə faŋ mbə kwàlə shɔ̀ɔ mbɨə faŋ viŋ duꞌtə viŋ ye. Shuu wiŋ taa yɔŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 7:33

Faŋ vɨɨ faꞌ vɔ́ nə jwi, Yeso gi laa, «Nsiŋ taa baa shi betə sheꞌ tɨtiꞌ, buu mə bəŋ gə̀ yɨ Tii ŋwaa faŋ ŋwə nə tɔ̀ŋ mə nə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 7:39

Yeso nə gì yigi yɔ́ kɔ̀ŋ Zwitə Ley Nwi faŋ ŋkə ndɔ ŋii maa vɨɨ mbɨə faŋ vəŋ nùŋ fwisə vəŋ maa Nwi. Maa yighee yɔ́ vɨɨ nə kee ta kìi Zwitə Ley kɔ́ me, buꞌ laa Nwi nə kee ta kòꞌsə ndaw Yeso taa shəŋ yifwàŋ Nwi me.

Akts 10:46

vəŋ gisə təghaŋ nɨŋkwiŋ nɨŋkwiŋ, bəŋsə Nwi. Pita gi laa,

Akts 16:18

Ŋwə nə yɨsə nɨniŋ vəshi vəyaŋ, ŋkə za Pɔɔl, ŋwə kiasə ŋwaa wi, gì tɨ́ zwitə bwə kɔ́ fɨ taa ŋwaa wəzwi ghɔ́ laa, «Mə gì tɨ́ ghɔ maa yizii Yeso Kristo laa a fuu fɨ taa ŋwaa wəzwi ŋwə̀.» Sheꞌ yighee yɔ́ zwitə bwə kɔ́ fuu.

Akts 19:12

Wutə Nwi nə luu taa ŋwaa Pɔɔl ŋkee dɨdɨꞌ. Vɨɨ nə ndi sheꞌ vəway vənjwisə faŋ Pɔɔl nə tɔ̀ŋsə nyuꞌsə ki shɔ fɨ sɨ ŋwə, gə̀ kɔ̀ tɨ́ vɨɨ vəza, vəŋ bwaŋnə, baa kɔ̀ tɨ́ vɨɨ faŋ vəŋ nə kìi vəzwitə vəbwəvə, vəzwitə vəbwəvə vɔ́ fuu fɨ taa ŋwaa vəŋ sheꞌ buꞌ waytə njwi Pɔɔl kɔ́.

Akts 2:33

Nwi fuusə ŋwə fɨ shɨ yiku, nùŋ ŋwə maa kwiŋ maꞌnə Nwi, kɔ̀ Zwitə Ley Nwi tɨ́ ŋwə, faŋ Nwi nə kɔ̀ꞌnə nə. Ŋwə tù Zwitə Ley kɔ́ feenə ndwə, faŋ viŋ ye baa zɔ.

Akts 2:41

Vɨɨ mbɨə faŋ vəŋ nə bìŋ yigi yɔ́, fi muu mə Nwi. Nɨniŋ, vɨɨ yaa ŋkaŋsə sətia kùꞌsə maa nwaa vəŋ sheꞌ maa shi kɔ́.

Akts 4:16

Vəŋ gi laa vəŋ sii taa yɨ kə nə vɨɨ vɔ́ vəbɔɔ, faŋ vəŋ nə yɨ ŋkee nu shuu yɔŋ nə. Vɨɨ vənshə fɨ ntɨꞌ Jerusalem kɔꞌ kɨɨ nə nu kɔ́, kaꞌ vəŋ kee twey me.

Akts 4:33

Vɨɨ ntɔŋ tɨta Yeso fɨꞌtə nu Yeso ŋkee nə wutə Nwi, gisə ntee laa Yeso nə ywèy fɨ shɨ yiku. Vɨɨ nə kaw vəŋ vənshə dɨdɨꞌ.

Akts 4:4

Vɨɨ vəyaŋ faŋ vəŋ nə zɔ̀ yigisə Pita yɔ́, biŋ, nùŋ fwisə vəŋ maa Kristo. Nwaa vɨɨ Kristo ziꞌ yaa ŋkaŋsə tee.

Akts 5:15

Vɨ nəə shaꞌ vɨɨ vəza, fuusə, nuŋ vəŋ jɨɨsə fuu vəmɔ̀ꞌ nə vəfwaŋ, laa yighee njyə faŋ Pita taa kii shɔɔ, kaꞌ sheꞌ ndɨɨlə ki shìtə vəmɔ̀ꞌ fɨ taa ŋwaa vɨɨ vəza vɔ́.

Akts 6:7

Nɨniŋ, nu Nwi kɨ nii baa sàynə. Vɨɨ vəyaŋ kuꞌsə taa nwaa vɨɨ Yeso ntɨꞌ Jerusalem. Ŋkee vɨɨ məfeꞌ Nwi vəyaŋ nuŋ fwisə vəŋ maa nu Yeso.

Akts 8:7

buꞌ laa ŋwə nəə fuusə vəzwitə vəbwəvə fɨ maa vɨɨ vəyaŋ, faŋ vəŋ nə kìi vəzwitə vəbwəvə taa ŋwaa vəŋ. Vəzwitə vəbwəvə vɔ́ yumə ŋkee nəŋay buu fùu. Ŋwə baa shùꞌ vɨɨ faŋ way ŋwaa vəŋ nə ku muꞌ, nə vəndwey, vəŋ bwaŋnə.

Akts 9:34

«Anias, Yeso Kristo shùꞌ ghɔ. Ndɔ yizɔ, nàysə fwaŋ kə!» Sheꞌ yighee muꞌ ŋwə ndɔ.

Akts 9:40

Pita fuusə vəŋ vənshə fu, tùŋ vətɔ vəyəə vi nsi, shɔꞌtə Nwi, kɨ nii kìasə ŋwaa wi maa ŋku wə kɔ́, gì laa, «Tabita, ndɔ yizɔ!» Wəzwi ghɔ́ ŋaꞌsə sɨ ghi, yè Pita, ndɔ dùꞌnə.

Roma 15:19

faŋ Nwi nə tɨ̀ŋ yiba jɨŋ mə, də̀ vəshwenə nə vənu və shuu yɔŋvə tɨ́ vəŋ buꞌ wutə Nwi nə wutə Zwitə Ley Nwi. Lùu faŋ mə nə fɨ̀ꞌtə ntɔŋ yijəə Nwi yinshə buꞌ Yeso Kristo, zì fɨ ntɨꞌ Jerusalem, kia gə̀ zìꞌ ŋkee maa shɨ Ilirikɔn,