Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 13:8 - Vengo (Babungo)

⁸ Pita gi tɨ́ ŋwə laa, «Kɨ ghɔ sɔ ghuu ŋaa me! Kaꞌ mə kee biŋ me.» Yeso bəŋsə tɨ́ ŋwə laa, «Mə kee sɔ ghuu ghə me, buu kaꞌ nsoo kee lùu fa kəmuꞌ me.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 13:8 ပူးပေါင်းရင်းမြစ်များ

Matiu 16:22

Pita ndi ŋwə, ghɔ ŋwə suꞌtə, tey kɨ twey nu kɔ́ tɨ́ ŋwə nəŋay, gì laa, «Nwi taa gaŋtə ghɔ, tɨta! Kɨ nu kɔ́ gay maa ghɔ me!»

Matiu 21:29

Ŋwə bəŋsə laa, «Bey, mə kee taa gə me.» Luu nə, sheꞌ fɨkɨꞌ nee, ŋwə kwiinə fwi yi gə̀.

Matiu 26:33

Pita bəŋsə tɨ́ ŋwə laa, «Vɨɨ vənshə kɔlə taa suꞌtə ghuu vəŋ fɨ yiba jɨŋ ghɔ, mə kee sùꞌtə me.»

Matiu 26:35

Pita gi laa, «Nsoo kɔlə taa kukə mɔ́ꞌ, mə kee twèy ghɔ me.» Bətə vɨɨ məzwetə nu Yeso nə gi sheꞌ nɨniŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 13:6

Ŋwə yɨ nɨniŋ, zìꞌ maa Saymon Pita, Pita gi tɨ́ ŋwə laa, «Tɨta, sɔ ghɔ sɔ ghuu ŋaa lee?»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 13:9

Pita gi tɨ́ ŋwə laa, «Kɨ ghɔ sɔ sheꞌ ghuu ŋaa me; sɔ ghɔ ŋaa nə tɔ kaŋ nɨzi.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:5

Yeso gi tɨ́ ŋwə laa, «Yinsəŋ, mə naysə tɨ́ ghɔ laa, vɨ kee bì wə nə muu mə Nwi nə Zwitə Ley Nwi me, buu kaꞌ ŋwə kee ŋìi nu yifwàŋ Nwi me.

Akts 22:16

Ŋwə kɨ nii baa bìtə shee laa mə sii kɨꞌ kə? «Bàw a ndɔ yizɔ, fì muu mə Nwi, kɨ tii yizii Yeso laa ŋwə sɔ nu bwə kə.»

1 Kɔrintian 6:11

Nə luu yighee vɨsɨ, vɨɨ mɔ́ꞌ fɨ taa ŋwaa viŋ nə yɨ̀sə kəŋ vənu vɔ́. Luu nə, Yeso Kristo sɔ viŋ fɨ maa vənu vəbwəvə viŋ vɔ́, ŋwə fuusə viŋ, tə laa viŋ luu mbii vɨɨ. Nwi ndɨ̀ viŋ yaa vɨɨ faŋ vənu vəvəŋ lùu vəloomə, buꞌ laa viŋ jwì yɨ ŋwə maa yizii tɨta Yeso Kristo. Yɨ Zwitə Ley Nwi laa viŋ luu vɨɨ ley Nwi ndwə.

Efesɔs 5:26

Nɨniŋ laa ŋwə yɨ̀sə vəŋ ley tɨ́ Nwi. Ŋwə nə sɔ̀ yibɨsə vəŋ fɨ maa vəŋ, faŋ ŋwə nə kɔ̀ yigisə Nwi nə muu mə Nwi tɨ́ vəŋ.

Kɔlɔsii 2:18

Nɨniŋ, kɨ viŋ biŋ laa wə kɨ yɨꞌtə viŋ buꞌ kəŋ vənu vɔ́ me. Vɨɨ mbɨə faŋ vəŋ kəə yɨꞌtə viŋ nə, gisə laa vəŋ sùꞌsə yiŋwaa vəŋ nsi, tɨ́ vəŋ kòꞌsə yiŋwaa vəŋ maa yinsəŋ. Vəŋ bəŋsə nshiisə-ŋiisə Nwi, koꞌsə̀ yiŋwaa, gi laa vəŋ yè vənu fɨ ghɔ Nwi taa njyəəsə. Luu nə, məkoꞌsə ŋwaa vəŋ lùu nu dayday; mbɨꞌtə vəŋ ndɔ̀ sheꞌ fɨ shɨ nsi.

Kɔlɔsii 2:23

Mə kɔꞌ kɨɨ laa vɨɨ gì laa nuŋsə yɔ́ lùu nu tɔ ley, buꞌ laa nsə yɨsə vɨɨ kìi feenə, bwasə̀ yiŋwaa nsi, sɔꞌ ŋwaa vəŋ nə wutə. Luu nə, ŋkee yinsəŋ nsə lùu nu dayday, nsə yɨsə sheꞌ laa wə yɨ̀ nu ŋkɨə faŋ ŋwaa wi kàw.

Taytəs 3:5

Faŋ ŋwə nə bweysə nsiŋ nɨniŋ nə, kee bweysə nsiŋ buꞌ vəfaꞌ vəjəəvə faŋ nsiŋ nə yɨsə me. Ŋwə bwèysə nsiŋ luu sheꞌ buꞌ gəŋ si, faŋ ŋwə nə sɔ nu bwə fɨ maa nsiŋ, bì nsiŋ fi. Zwitə Ley Nwi ŋii taa fwisə nsiŋ, kɔ nsiŋ nə nshinə yifi.

Hibru 10:22

Nɨniŋ, bàw nsiŋ nuŋ fwi saŋ-nsiŋ maa Yeso, jwì yɨ Nwi nə fwi yiley, buꞌ laa mənshi mə Yeso yɨsə fwi saŋ-nsiŋ ley. Nsiŋ lùu vɨɨ faŋ vəŋ sɔ̀ yiŋwaa yivəŋ ŋkee taa muu məleymə, faŋ nsiŋ nə fì muu mə Nwi nə.

Reveleyshən 1:5

baa nə fɨ ghɔ Yeso Kristo faŋ ŋwə nə də̀ yinsəŋ Nwi ŋkee yiley, fì vɨsɨ maa məywey fɨ shɨ yiku, sɔꞌ vəfwàŋ fɨ shɨ nsi nɨzi. Ŋwə baa luu kàw nsiŋ, kù tɔ nsiŋ maa məbweysə nsiŋ fɨ taa vənu vəbwəvə vaŋ-nsiŋ,

Reveleyshən 7:14

Mə gì tɨ́ ŋwə laa, «Tɨta ŋwaa, kɨ̀ɨ ghɔ.» Ŋwə gi shee laa, «Lùu vɨɨ mbɨə faŋ vəŋ fùu fɨ taa ŋɨꞌ yiyaŋ, sɔ̀ njwisə vəŋ nə mənshi mə bi-njɨɨ yɔ́, yɨ̀sə nsə ley, buꞌ faŋ vəŋ nə nùŋ fwisə vəŋ maa wə ntɨə faŋ ŋwə nə kù tɔ vəŋ nə.