Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 13:14 - Vengo (Babungo)

¹⁴ Faŋ mə lùu wuu mədeesə wiŋ, baa lùu tɨta wiŋ, sɔ̀ ghuu ghiŋ nə, nu kiŋ lùu laa viŋ kɨ sɔ ghuu ghiŋ wə nə wə nɨzi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 13:14 ပူးပေါင်းရင်းမြစ်များ

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 11:2

Nə luu Meri ŋgwə faŋ ŋwə nə zwisə məŋgwə mə shwaŋ ndɔŋnə ghuu Yeso, baa tɔ̀ŋsə ghuu Yeso nə nyuŋsə tɔ si nə. Lasarɔs, weenshu Meri ghɔ́, nə zɨzasə.

Akts 20:35

Nɨniŋ, mə nə də̀ tɨ́ viŋ ghee nshə, laa ŋkə bàw laa wə faꞌ nə wutə ki, gàŋtə vɨɨ mbɨə faŋ vəŋ kee kìi wutə me. Viŋ lumə yigi njyə faŋ tɨta Yeso nə gì laa, «Nu məkɔ luu nu məŋaytə shɔ̀ɔ nu məfi.»

Roma 12:10

Faŋ viŋ lùu vaŋ-nshwi nə, viŋ kɨ kawnə yiŋwaa yiŋ nə fwi yijəə, kɔ feenə tɨ́ vaŋ-nshwi viŋ shɔ̀ɔ faŋ vəŋ kɔ̀ tɨ́ viŋ.

Roma 12:16

Mbɨꞌtə yiŋ luu yimuꞌ. Kɨ viŋ kɨ bɨꞌtə nu məkoꞌsə ŋwaa me, bee kii suꞌsə yiŋwaa yiŋ nsi, kee tii yiŋwaa yiŋ nə vɨɨ yitɔfə me.

1 Kɔrintian 12:3

Nɨniŋ, bàw ŋkə ley tɨ́ viŋ laa, kɨ luu sɔ̀ꞌ Zwitə Nwi sɔ̀ꞌ wə, buu kaꞌ wə ghɔ́ kee ndà Yeso me. Gə fɨ maa wə faŋ ŋwə gì laa Yeso lùu tɨta wi, kaꞌ ŋwə kee gì nɨniŋ me, tɨ̀ lɨꞌ laa Zwitə Ley Nwi yiba jɨŋ ŋwə me.

1 Kɔrintian 8:13

Nɨniŋ, mə naysə tɨ́ viŋ laa, mə kɨ luu kɨ ye laa fazɨ ŋkɨə faŋ mə zɨ ŋkə, laa ŋkə lùu nu bwə tɨ́ weenshu ŋwaa, buu mə taa meꞌtə fazɨ kɔ́ yighee muꞌ, kee baa kɨ zɨ me, tɨ́ kaꞌ mə kee yɨ laa weenshu ŋwaa gu nu me.

2 Kɔrintian 10:1

Mə Pɔɔl kəə kee vənu tɨ́ viŋ kɔ̀ŋ nu Kristo faŋ ŋwə zutə ndɔ sàylə. Mə faŋ viŋ gisə laa mə bwasə ŋwaa ŋwaa nsi, vɨsɨ viŋ yighee njyə faŋ nsiŋ lùu mɔ́ꞌ, baa nə laa, yighee njyə faŋ mə ndɔ fɨ yɨ viŋ, buu fwi nyaa weꞌ maa viŋ.

2 Kɔrintian 8:9

Viŋ kɔꞌ kɨɨ faŋ tɨta ŋwaa-nsiŋ Yeso Kristo nə kèe gəŋ siŋ nə. Faŋ ŋwə nə kɔlə kìi vətɔ vənshə, ŋwə kiasə gù mbəə buꞌ viŋ, laa bəə ki kɔ́ yɨsə viŋ kii vətɔ vənshə.

Galatia 5:13

Vaŋ-nshwi vaŋ, gə fɨ maa viŋ, Nwi nə shòꞌ viŋ laa kɨ viŋ baa luu yaa vəbuꞌ tɨ́ ntɨsə vɨɨ Jus me. Luu nə, faŋ viŋ kee lùu vəbuꞌ tɨ́ ntɨsə sɔ́ nə me, kɨ viŋ bɨꞌtə laa kaꞌ viŋ taa kɨ yɨsə vənu vənshə faŋ mbasə ŋwaa wiŋ kàw me. Viŋ kii ŋkawnə tɨ́ wə nə wə, baa gaŋtə wə nə wə.

Filipi 2:11

Vəŋ vənshə ndɔ biŋ ntee laa Yeso Kristo lùu wuu məsɔꞌ mbi. Nɨniŋ, vəŋ kɔ feenə tɨ́ tɨta Nwi.

1 Timoti 5:10

Bàw vɨ kwaŋ yizii yi faŋ vɨɨ biŋ ŋwə laa ŋwə nəə yɨsə vənu vəjəəvə, kɨꞌ vaŋmbwaa, baa fisə vəndɔ taa ŋii ŋwə, sɔ ghuu vɨɨ ley Nwi, gaŋtə vɨɨ ŋɨꞌ, yɨsə vənu vəjəəvə vənshə.

Hibru 12:2

Bàw nsiŋ tə sɨ sheꞌ maa Yeso faŋ ŋwə nə ŋaꞌsə jɨɨ tɨ́ nsiŋ, tɨ́ kaꞌ nsiŋ nùŋ fwi saŋ-nsiŋ maa ŋwə. Ŋwə baa luu gaŋtə nsiŋ, tɨ́ kaꞌ nsiŋ kɨ gə nə vɨsɨ, kɨ bɨbiŋ nu ki, zìꞌ maa vəndwə. Ŋwə nə bìŋ maa məku ŋkee yiku tɔ dɨɨ fuu fəŋkɔꞌ fə ŋkɨꞌsə, kee shə̀ŋ maa nu tɔ dɨɨ kɔ́ me. Ŋwə nə tə̀ sɨ laa yi ndɔ kii məŋaytə ŋgwə faŋ Nwi nùŋsə tɨ́ ŋwə nə. Nɨniŋ, ŋwə dùꞌ fuu ŋkaw yifwàŋ maa kwiŋ maꞌnə Nwi ndwə.

1 Pita 4:1

Faŋ Kristo nə bìŋ ŋɨꞌ nə ŋwaa wi nə, bàw viŋ ndi njyoꞌ yijəə yi yɔ́, tɨ́ kaꞌ viŋ biŋ ŋɨꞌ nɨzi, buꞌ laa wə ntɨə faŋ ŋwə bìŋ ŋɨꞌ mbɨɨ ŋwaa ŋwə, mèꞌ vənu vəbwəvə,

1 Pita 5:5

Gə fɨ maa za bwa, bàw viŋ kɨ zɔnə za taa fɨ taa nshəŋtə vɨɨ Nwi. Gə fɨ maa vɨɨ vənshə, bàw viŋ shuŋ kɔtə kəmuꞌ, bwàsə fwi siŋ nsi, viŋ viŋ, faŋ vɨ nə nyɔ̀ꞌ taa ŋwaꞌlə Nwi laa, «Nwi kee kàw vɨɨ mbɨə faŋ vəŋ koꞌsə ŋwaa me, kèe gəŋsə vɨɨ mbɨə faŋ vəŋ sùꞌsə yiŋwaa vəŋ nsi.»