Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 12:44 - Vengo (Babungo)

⁴⁴ Nə luu maa yighee yɔ́, Yeso gi ŋkee nəŋay laa, «Wə ntɨə faŋ ŋwə nùŋsə fwi yi maa mə, kee nùŋsə luu sheꞌ maa mə me, ŋwə nùŋsə lùu maa Nwi faŋ ŋwə nə tɔ̀ŋ mə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 12:44 ပူးပေါင်းရင်းမြစ်များ

Matiu 10:40

Wə ntɨə faŋ ŋwə jìa viŋ jəə, jìa luu mə nɨniŋ. Wə ntɨə faŋ ŋwə jìa mə jəə, jìa luu nshɨ-tɔ Nwi faŋ ŋwə nə tɔ̀ŋ mə nə.

Mark 9:23

Yeso gi tɨ́ ŋwə laa, «A sii gì laa faŋ kaꞌ mə yɨ̀ nu? Wə ntɨə faŋ ŋwə nùŋ fwi yi maa Nwi, kɨ kaꞌ nu kee ghɔ̀ꞌ ŋwə me.»

Mark 9:37

«Wə ntɨə faŋ ŋwə ndì wee yaa wee ŋwə̀, kɨ gaŋtə ŋwə maa yizii nyaa, buu ŋwə gaŋtə luu mə,» baa nə laa, «Wə ntɨə faŋ ŋwə gàŋtə mə, gàŋtə luu Nwi faŋ ŋwə nə tɔ̀ŋ mə.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 11:43

Ŋwə nə gì yigi nyə̀, mètə, ndɔ̀ baa gì ŋkee nəŋay laa, «Lasarɔs, fuu fu!»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 13:20

Viŋ zɔ! Mə naysə tɨ́ viŋ yinsəŋ laa wə ntɨə faŋ ŋwə ndì wuu ntɔŋ ŋwaa taa ŋii ŋwə, ndì luu nshɨ-tɔ ŋwaa. Wə ntɨə faŋ ŋwə ndì mə, ndì luu wə ntɨə faŋ ŋwə nə tɔ̀ŋ mə taa mbi nyə̀.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:24

Viŋ zɔ! Mə naysə tɨ́ viŋ yinsəŋ laa, wə ntɨə faŋ ŋwə zɔ̀ yigisə nyaa, bìŋ Nwi faŋ ŋwə nə tɔ̀ŋ mə nə, buu ŋwə fùu fɨ shuu yiku, ŋìi məbwey vəlwaŋ, kee ndɔ baa ŋii taa nsɔꞌ Nwi me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 7:28

Nɨniŋ, faŋ Yeso nəə deesə taa ŋii Nwi nə, ŋwə gi ŋkee nəŋay laa, «Viŋ gì laa viŋ kɨɨ nə mə lee, ndɔ̀ gì laa viŋ kɨ̀ɨ nə shəŋ ŋkɨə faŋ mə ndɔ̀ fɨ fuŋ mu? Nɨniŋ, baw viŋ kɨɨ laa mə kee jwì maa nshɨ-tɔ ŋwaa me. Mə ndɔ̀ fɨ ghɔ wə ntɨə faŋ ŋwə luu ŋkee shətə wuu yinsəŋ, faŋ ŋwə nə tɔ̀ŋ mə. Luu nə, viŋ kee kɨɨ nə ŋwə me.

1 Pita 1:21

buꞌ laa viŋ kwàŋ fwi siŋ maa Nwi buꞌ ŋwə, faŋ Nwi nə ywèysə ŋwə fɨ shɨ yiku, kòꞌsə ŋwə fuu ŋkaw yifwàŋ. Nɨniŋ, kaꞌ viŋ nùŋ fwi siŋ maa Nwi, kɨ kɨꞌ məbwey vəlwaŋ fɨ ghɔ ŋwə.