Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 12:42 - Vengo (Babungo)

⁴² Nɨniŋ nə, ŋkee vɨɨ kwalə vɨɨ Jus vəyaŋ nə bìŋ Yeso, luu nə, kee bìŋ ntee me, buꞌ laa vəŋ nəə fee vɨɨ Farisii, buꞌ vɨ fuusə vəŋ fɨ taa ŋii məshəŋtə vəŋ yighee muꞌ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 12:42 ပူးပေါင်းရင်းမြစ်များ

Matiu 10:32

Viŋ zɔ! Wə tɨ̀ me wə faŋ ŋwə bìŋ mə ntee vɨsɨ vɨɨ, buu mə ndɔ biŋ ŋwə nɨzi vɨsɨ Tii ŋwaa faŋ ŋwə lùu yizɔ.

Lukas 12:8

Viŋ zɔ! Mə naysə tɨ́ viŋ laa, wə ntɨə faŋ ŋwə bìŋ mə taa ŋwaa vɨɨ, buu Wuu yinsəŋ Nwi ndɔ biŋ ŋwə nɨzi vɨsɨ nshiisə-ŋiisə Nwi.

Lukas 23:13

Goməna Pilate tii vɨɨ kwalə məfeꞌ Nwi nə vəshɨꞌ nə vɨɨ fɨ taa shɨ, vəŋ baytə shəŋ muꞌ.

Lukas 6:22

Mənɔŋ-bwaŋnə lùu tɨ́ viŋ faŋ vɨɨ bee viŋ, jɔmə viŋ, tɨꞌnə me ndasə viŋ, tɨꞌnə me ndì yizii yiŋ laa lùu fa bwə buꞌ Wuu yinsəŋ Nwi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 11:45

Vɨɨ vəyaŋ fɨ taa nwaa vɨɨ Jus faŋ vəŋ nə jwì, jwi kee yiku tɨ́ vɨ Meri nə, ye nu ŋkɨə faŋ Yeso nə yɨ̀, kɨ nii nùŋ fwi vəŋ maa ŋwə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 12:11

buꞌ laa vɨɨ Jus nəə gə shɔ vəyaŋ buꞌ ŋwə, kɨ nii nùŋ fwi vəŋ maa Yeso.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 16:2

Yighee jɨjwi faŋ vəŋ taa jɔŋ viŋ fɨ taa ŋii məshəŋtə Nwi. Yighee jɨjwi faŋ wə tɨ̀ me wə faŋ ŋwə ndɔ zwi viŋ, kɨ bɨꞌtə laa yi faꞌ faꞌ jəə tɨ́ Nwi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 19:38

Yiŋkii kɨ mè, wə mɔ́ꞌ jwi yifi, yizii yi luu Josef fɨ ntɨꞌ Arimatia. Ŋwə nə luu wə faŋ ŋwə nəə beꞌsə Yeso, kee beꞌsə ntee me, buꞌ laa ŋwə nəə fee vɨɨ kwalə vɨɨ Jus. Josef ghɔ́ gə ye Pilate, ndwàŋ ŋwə laa ŋwə kɔ ŋku Yeso, yi gə təə. Pilate biŋ. Josef gə ndì ŋku Yeso.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:2

Vətuꞌ shi mɔ́ꞌ ŋwə jwi yè Yeso, gì tɨ́ ŋwə laa, «Rabi, yia kɔꞌ kɨɨ laa a lùu wuu mədeesə vɨɨ faŋ ŋwə ndɔ̀ fɨ ghɔ Nwi. Kaꞌ tuu wə kee yɨ̀ vənu və shuu yɔŋvə mbɨə faŋ a yɨ nə me, tɨ̀ lɨꞌ laa Nwi lùu fɨ yiba jɨŋ ŋwə me.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 7:13

Luu nə, wə kee gì kɔ̀ŋ ŋwə ntee me, buꞌ laa vəŋ nəə fee vɨɨ kwalə vɨɨ Jus.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 7:31

Luu nə, vɨɨ vəyaŋ biŋ nu ki. Vəŋ nə gisə laa, yinsəŋ, luu ŋkee wuu məbweysə ŋwaa-nsiŋ faŋ Nwi tɔ̀ŋ. Sii kaꞌ wə mɔ́ꞌ ndɔ baa lùu shɔ, faŋ Nwi tɔ̀ŋ, tɨ́ kaꞌ ŋwə də̀ vəshwenə shɔ̀ɔ wə ŋwə̀ mu?

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 9:22

Vətɨɨ vi nə gì nɨniŋ, buꞌ laa vəŋ nəə fee vɨɨ Jus vɔ́, buꞌ laa vɨɨ Jus vɔ́ nə duꞌtə vəŋ tə laa, wə faŋ ŋwə taa biŋ ntee, ndɔ gì ntee laa Yeso lùu wə ntɨə faŋ Nwi shòꞌ, buu vəŋ taa fuusə ŋwə fɨ taa ŋii məshəŋtə vəŋ yighee muꞌ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 9:34

Vəŋ bəŋsə tɨ́ ŋwə laa, «A lùu wə faŋ vənu vəbwəvə lùu tɔ ghɔ, shù fɨ faŋ vɨ nə bì ghɔ. A kəə lùu yaa wuu mədeesə wia lee?» Vəŋ gi nɨniŋ, jɔ̀ŋ ŋwə fɨ taa ŋii məshəŋtə vəŋ.

Akts 5:41

Vɨɨ ntɔŋ Yeso vɔ́ ndɔ fɨ vɨsɨ vəŋ, kɨ ŋaytə dɨdɨꞌ laa Nwi ndì vəŋ laa vəŋ kùꞌnə maa məye ŋɨꞌ buꞌ yizii Yeso.

Roma 10:10

Lùu nɨniŋ buꞌ laa wə kɨ luu biŋ Kristo nə fwi yi, buu nu ki kiasə lòomə vɨsɨ Nwi. Ŋwə baa lùu biŋ ŋwə nə shuu wi ntee, buu ŋwə ndɔ bwey.

1 Jɔn 4:15

Wə ntɨə faŋ ŋwə biŋ ntee laa, Yeso lùu Wee Nwi, buu Nwi taa fwi ŋwə. Ŋwə baa luu gòꞌ fa kəmuꞌ ghɔ Nwi.

1 Jɔn 4:2

Nu ŋkɨə faŋ kaꞌ viŋ kɨ̀ɨ nə Zwitə Ley Nwi fɨ fuŋ, lùu laa, wə ntɨə faŋ ŋwə bìŋ ntee laa Yeso lùu Kristo, wuu məbweysə ŋwaa-nsiŋ, faŋ ŋwə nə jwì mbi yaa wə, buu Zwitə Ley wə ghɔ́ ndɔ̀ fɨ ghɔ Nwi.