Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 12:36 - Vengo (Babungo)

³⁶ Bàw viŋ biŋ məley ghɔ́ faŋ ŋwə kɨ bii ghɔ viŋ nə, tɨ́ kaꞌ viŋ ndɔ lùu vɨɨ faŋ vəŋ kìi məley nɨzi.» Yeso nə gì yigi yɔ́, gə̀ kə̀ə shəŋ ndenə shɔ, laa vɨɨ kee baa yè ŋwə me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 12:36 ပူးပေါင်းရင်းမြစ်များ

Matiu 21:17

Ŋwə gi nɨniŋ, kɨ nii mèꞌtə vəŋ, ndɔ̀ fùu fɨ taa ntɨꞌ yɔ́, gə̀ kɨ shi ntɨꞌ Betani.

Matiu 5:14

Viŋ lùu kiꞌ taa mbi. Ntɨꞌ yimɔ́ꞌ faŋ nyə lùu fuu kweꞌ, kaꞌ nyə kee ndenə me.

Lukas 16:8

Ŋwə nə yɨ̀ nɨniŋ, tɨɨ faꞌ wi bəŋsə yitɔfə yi, faŋ ŋwə kɔlə kee lùu wuu yinsəŋ nə me. Maa vɨɨ fɨ taa mbi yibwə nyə̀ kɨɨ yɨsə nu nə yitɔfə ghɔ vəliŋ vəvəŋ, shɔ̀ɔ vɨɨ mbɨə faŋ vəŋ toꞌ fɨ taa məley Nwi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:7

Ŋwə jwi fɨ̀ꞌtə nu Nwi, kɨ twelə ŋiꞌ məley kɔ́ tɨ́ vɨɨ, tɨ́ kaꞌ vɨɨ vənshə nùŋ fwisə vəŋ maa məley ghɔ́.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 11:54

Yeso kee baa kɨ toꞌ ntee fɨ taa shɨ Judia me, ŋwə ndɔ fɨ yifi gə maa kwiŋ mɔ́ꞌ, faŋ luu yɨ tɔɔ waꞌsə, maa ntɨꞌ yimɔ́ꞌ faŋ vɨ tii nə Efrem. Yeso gə kɨ shi shɔ ghɔ vɨ vɨɨ məzwetə nu ki.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 12:37

Faŋ Yeso nə kɔlə yɨ̀sə vəshwenə və shuu yɔŋvə vɨsɨ vɨɨ nə, vəŋ kee bee nùŋ fwi vəŋ maa ŋwə me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 12:46

Mə fùu mbi yaa kiꞌ, laa wə tɨ̀ me wə faŋ ŋwə nùŋ fwi yi maa mə, kee baa tòꞌ fɨ taa mfiŋsə me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:21

Wə ntɨə faŋ ŋwə yɨ vənu vəjəəvə, yaa kɨ kaw gə̀ maa shəŋ məley, laa vənu vi fuu ntee, buꞌ laa nshɨ-tɔ Nwi gaŋtə ŋwə maa məyɨsə nɨniŋ.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:12

Maa yighee yɔ́ Yeso baa gì tɨ́ vɨɨ laa, «Mə lùu kiꞌ taa mbi. Wə ntɨə faŋ ŋwə beꞌsə mə, kaꞌ ŋwə kee baa tòꞌ fɨ taa mfiŋsə me, ŋwə taa ye məley faŋ ŋwə kɔ məbwey vəlwaŋ.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:59

Yeso nə gi nɨniŋ, vəŋ bwilə ŋoꞌsə fɨ nsi maa mətumə ŋwə shɔ laa ŋwə ku. Luu nə, Yeso buꞌsə fɨ yɨ vəŋ, fùu fɨ taa ŋii Nwi.

Efesɔs 5:8

Nə luu maa yighee vɨsɨ, viŋ luu vɨɨ taa mfiŋsə. Luu ndwə, viŋ lùu vɨɨ taa məley buꞌ tɨta Yeso. Nɨniŋ, viŋ kɨ toꞌ yaa vaŋ taa məley.

1 Tesalonika 5:5

Viŋ vənshə lùu vɨɨ taa məley, baa lùu vɨɨ shi kɔ́. Nsiŋ kee lùu vɨɨ fu vətuꞌ me, kee lùu vɨɨ mfiŋsə me.

1 Tesalonika 5:8

Gə fɨ maa nsiŋ, faŋ nsiŋ lùu vaŋ shi kɔ́ nə, bàw nsiŋ jia fwi saŋ-nsiŋ, mɔ̀ꞌ məbiŋ nə ŋkawnə yaa njwi yighaw faŋ nyə shiinə nsiŋ fɨ ghɔ nu bwə. Nsiŋ kɨ kɨꞌ məbwey vəlwaŋ. Məkɨꞌ məbwey ghɔ́ lùu yaa yisɔꞌ vəsogeꞌ tɨ́ nsiŋ, shìtə nsiŋ fɨ ghɔ zwitə bwə.