Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 12:28 - Vengo (Babungo)

²⁸ Nɨniŋ, Yeso shɔꞌtə Nwi, gì laa, «Tɨta ŋwaa, mə taa yɨsə nu ŋkɨə tɨ́ kaꞌ yizii yə kɨ kwalə.» Yeso metə yigi yɔ́, gɨ jwi fɨ taa yizɔ laa, «Mə duꞌtə mə də yikwalə nyaa ntee. Mə ndɔ baa kii də yikwalə nyaa.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 12:28 ပူးပေါင်းရင်းမြစ်များ

Matiu 11:25

Kɨ lùu sheꞌ maa yighee yɔ́, Yeso tey kɨ shɔꞌtə Nwi laa, «Mə kɨ bəŋsə ghɔ, tɨta Nwi, faŋ a sɔꞌ yizɔ ghɔ nsi, buꞌ laa a ndɨ̀ə ntɔŋ yijəə yə fɨ ghɔ vɨɨ tɔ ley nə vəŋkaŋ-sɨ, bee kii kɔ̀ tɨ́ vɨɨ nshi.

Matiu 11:26

Ɔŋ mɔɔ, Tɨta, lùu faŋ ŋkə nə bàw sɨ ghɔ.»

Matiu 17:5

Faŋ ŋwə nəə kɨ bii gisə, mbɔꞌ yiley yimɔ́ꞌ jwi shìtə vəŋ, gɨ Nwi fuu fɨ taa mbɔꞌ yɔ́, gì laa, «Lùu ŋwiŋ ŋwaa nə, faŋ mə kàw. Ŋwə bàw shee nɨzi. Viŋ kɨ zɔnə ŋwə!»

Matiu 26:42

Ŋwə baa kii bəŋ gə̀ maa məshɔꞌtə Nwi lwesə ghee bɔɔ, gì laa, «Tii ŋwaa, ŋkitə yə gay, faŋ a bɨꞌtə laa jɨɨ yiday kee lùu shɔ tɨ́ kaꞌ ndaw ŋɨꞌ nyə̀ shɔ̀ɔ, maa laa mə nu me.»

Matiu 3:17

Gɨ Nwi gi fɨ taa yizɔ laa, «Lùu ŋwiŋ ŋwaa nə faŋ mə kàw. Ŋwə baw shee.»

Mark 1:11

Gɨ Nwi gi fɨ taa yizɔ laa, «A luu ŋkee ŋwiŋ ŋwaa faŋ mə kàw. A bàw shee.»

Mark 14:36

Ŋwə nə gì laa lee, «Tii ŋwaa, a kìi wutə maa məyɨ vənu vənshə. Baꞌsə ndaw ŋɨꞌ fɨ maa mə! Luu nə, kɨ ghɔ yɨ nu faŋ kàw mə me, yɨ sheꞌ ŋkɨə faŋ kàw ghɔ!»

Mark 9:7

Mbɔꞌ kɨ nii koꞌ, shìtə vəŋ. Gɨ Nwi koꞌ fɨ taa mbɔꞌ yɔ́ laa, «Luu ŋkee ŋwiŋ ŋwaa nə, faŋ mə kàw ŋwə. Viŋ zɔnə ŋwə!»

Lukas 3:22

Zwitə Ley Nwi siꞌ, tɨ̀ŋnə tɔ ŋwə yaa bɔŋsə. Gɨ Nwi gi fiizɔ laa, «A lùu ŋwiŋ ŋwaa, faŋ mə kàw. A bàw shee dɨdɨꞌ.»

Lukas 9:35

Gɨ Nwi fuu taa mbɔꞌ yɔ́ laa, «Lùu ŋwiŋ ŋwaa nə, faŋ mə nə shoꞌ. Viŋ kɨ zɔnə ŋwə!»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 11:4

Yeso zɔ ntɔŋ yɔ́, gì laa, kɨ za kɔ́ kee taa jwi nə yiku me. Ŋkə lùu sheꞌ laa vɨɨ taa ye yikwalə Nwi, laa vɨ taa kɨ kɔ feenə tɨ́ Wee Nwi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 18:11

Yeso gi tɨ́ Pita laa ŋwə kwaŋ baꞌ ki taa kɔ. «Nə kaꞌ mə kee nu ndaw njyə faŋ tɨta Nwi kɔ̀ shee nə yimu?»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 9:3

Yeso bəŋsə tɨ́ vəŋ laa, «Sɨ fɨsə ghi nə kee jwì fɨ maa nu bwə ki me, tɨꞌnə me fɨ ghɔ nu bwə vətɨɨ vi me. Ŋkə nə gày sheꞌ laa vɨɨ ndɔ ye nu shuu yɔŋ ŋkɨə faŋ Nwi taa ndi wutə ki, yɨ̀ maa ŋwə.

Efesɔs 2:7

Lùu faŋ ŋwə də ŋkawnə yi tɨ́ vɨɨ fɨ taa mbi yifi faŋ nyə ndɔ jwi nə. Vɨ ndɔ kɨɨ nə gəŋsə Nwi fɨ maa nu ŋkɨə faŋ ŋwə nə kee gəŋ saŋ-nsiŋ dɨdɨꞌ, gaŋtə nsiŋ dɨdɨꞌ buꞌ Yeso Kristo nə.

Efesɔs 3:10

Ŋwə yɨ̀sə nɨniŋ laa vɨɨ məsɔꞌ mbi nə vətɨɨ və wutə fɨ taa yizɔ zɔ sheꞌ ndwə fɨ shuu nwaa vɨɨ Nwi, faŋ yitɔfə Nwi lùu taŋ taŋ maa vənu vənshə.

Efesɔs 3:21

Nɨniŋ, faŋ nsiŋ lùu fa kəmuꞌ, nsiŋ vɨ Yeso Kristo nə, nsiŋ kɨ bəŋsə Nwi yəəsə yəəsə, gə ziꞌ maa vəndwə və mbi. Ŋkə gòꞌ nee.

2 Pita 1:17

Yia nə luu shɔ maa yighee njyə faŋ Nwi nə də̀ məkwalə Yeso Kristo nə feenə wi. Yia nə zɔ̀ faŋ Nwi, faŋ ŋwə kìi wutə kənshə nə, nə gì laa, «Lùu ŋwiŋ ŋwaa nə faŋ mə kàw ŋwə. Ŋwə baw too mə dɨdɨꞌ.»