Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 11:40 - Vengo (Babungo)

⁴⁰ Yeso gi tɨ́ ŋwə laa, «Maa mə nii gì tɨ́ ghɔ laa a nùŋ fwi maa mə, buu a taa ye yikwalə Nwi.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 11:40 ပူးပေါင်းရင်းမြစ်များ

Matiu 17:20

Ŋwə gi tɨ́ vəŋ laa, «Luu buꞌ faŋ viŋ kee nùŋ fwi maa Nwi, wèꞌ shɔ me. Viŋ zɔ! Mə naysə tɨ́ viŋ yinsəŋ laa, viŋ nii toꞌ nùŋ fwi maa Nwi sheꞌ tɨtiꞌ, sheꞌ yaa mfɨꞌ ŋɨꞌ fulɨsɨgaa, buu kaꞌ viŋ gì tɨ́ baŋ nyə̀ laa nyə muꞌnə gə̀ maa shəŋ kɨkee, buu nyə taa ndɔ yɨ nɨniŋ. Sheꞌ nɨniŋ, kaꞌ nu kee baa ghɔ̀ꞌ viŋ me.

Mark 9:23

Yeso gi tɨ́ ŋwə laa, «A sii gì laa faŋ kaꞌ mə yɨ̀ nu? Wə ntɨə faŋ ŋwə nùŋ fwi yi maa Nwi, kɨ kaꞌ nu kee ghɔ̀ꞌ ŋwə me.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:14

Yigi yɔ́ nə kìasə gù wə, shi taa ŋwaa nsiŋ. Yia ye feenə wi, faŋ tɨta Nwi nə kɔ̀ tɨ́ ŋwə, buꞌ laa ŋwə lùu yigɨꞌ Wee Nwi. Ŋwə kee gəŋsə vɨɨ dɨdɨꞌ, ndɔ lùu wuu yinsəŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 11:4

Yeso zɔ ntɔŋ yɔ́, gì laa, kɨ za kɔ́ kee taa jwi nə yiku me. Ŋkə lùu sheꞌ laa vɨɨ taa ye yikwalə Nwi, laa vɨ taa kɨ kɔ feenə tɨ́ Wee Nwi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 12:41

Aysaya nə gì vənu vɔ́ buꞌ laa ŋwə nə kɨ̀ɨ nə yikwalə Yeso. Ŋwə nəə gisə vənu vɔ́ kɔ̀ŋ Yeso.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 9:3

Yeso bəŋsə tɨ́ vəŋ laa, «Sɨ fɨsə ghi nə kee jwì fɨ maa nu bwə ki me, tɨꞌnə me fɨ ghɔ nu bwə vətɨɨ vi me. Ŋkə nə gày sheꞌ laa vɨɨ ndɔ ye nu shuu yɔŋ ŋkɨə faŋ Nwi taa ndi wutə ki, yɨ̀ maa ŋwə.

Roma 6:4

Nɨniŋ, faŋ vɨ nə bèy nsiŋ taa muu nə, ŋkə luu yaa nsiŋ nə kùkə, vɨ təə nsiŋ vɨ Kristo taa swi mɔ́ꞌ. Nɨniŋ laa nsiŋ zɨ̀ məbwey, toꞌ ghuu yitoꞌ finə, buꞌ laa tɨta Nwi nə baa ywèysə Kristo fɨ shɨ yiku nə wutə ki kəkwalə nə.

2 Kɔrintian 3:18

Nɨniŋ, nsiŋ vənshə kee baa kìi njwi yɔ́ yikəꞌ nsiŋ me. Mɔꞌmbi, faŋ ŋwə bàw shɨlə nə, bee yikəꞌ nsiŋ, nsiŋ kiasə gù yuu ŋkɨꞌnə yi, bàw, gə̀ vɨsɨ vɨsɨ, buꞌ laa yɨ̀sə Zwitə Mɔꞌmbi nɨniŋ. Nɨniŋ, nsiŋ lùu yaa ŋwaꞌlə məye sɨ faŋ vɨɨ ye məbaw Nwi fɨ fuŋ.

2 Kɔrintian 4:6

Nwi, faŋ ŋwə nə gì laa, «Bàw məley kɨ bee, fùu fɨ taa mfiŋsə,» ŋwə baa yɨ̀sə məley bee taa fwisə yia, maa məkɔ tɔ ley tɨ́ yia, tɨ́ kaꞌ yia kɨ̀ɨ nə yikwalə Nwi, faŋ nyə fùu ntee taa ŋwaa Kristo.