Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 11:25 - Vengo (Babungo)

²⁵ Yeso bəŋsə tɨ́ ŋwə laa, «Məywey fɨ shɨ yiku nə məbwey vəlwaŋ ndɔ̀ fɨ ghɔ mə. Wə tɨ̀ me wə faŋ ŋwə nùŋ fwi yi maa mə, baa kɔlə kɨku, ŋwə ndɔ kii məbwey vəlwaŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 11:25 ပူးပေါင်းရင်းမြစ်များ

Lukas 23:43

Yeso gi tɨ́ ŋwə laa, «Yinsəŋ, mə naysə tɨ́ ghɔ laa, ŋkee ndee sɨ taa luu shəŋ yifwàŋ Nwi mɔ́ꞌ.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:4

Məbwey lùu taa yigi yɔ́. Məbwey ghɔ́ lùu yaa məley, yɨsə sɨ vɨɨ ley.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 14:19

Goꞌ wee-fɨkɨꞌ, mbi nyə̀ kee baa yè mə me; taa kɨ ye sheꞌ viŋ ye mə. Viŋ taa ye laa mə bwey. Nɨniŋ, viŋ taa bwey nɨzi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 14:6

Yeso gi tɨ́ ŋwə laa, «Lùu mə lùu jɨɨ yɔ́. Nu yinsəŋ nə məbwey vəlwaŋ ndɔ fɨ ghɔ mə nɨzi. Kaꞌ wə kee gə ye tɨta Nwi me, maa tɨ̀ lɨꞌ laa ŋwə shɔ̀ɔ fɨ maa mə me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:16

Nwi nə kàw mbi dɨdɨꞌ, tɔ̀ŋ yigɨꞌ ŋwiŋ wi laa, vɨɨ vənshə faŋ vəŋ nùŋ fwisə vəŋ maa ŋwə, kee ndɔ ndi me, zɨ̀ məbwey vəlwaŋ faŋ ŋwə gòꞌsə yighee muꞌ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:36

Wə ntɨə faŋ ŋwə nùŋ fwi yi maa Wee Nwi ghɔ́, kìi məbwey faŋ ŋwə gòꞌsə yighee muꞌ. Wə ntɨə faŋ ŋwə kee bìŋ yigisə Wee Nwi me, kaꞌ ŋwə ndɔ kee ye məbwey vəlwaŋ me, tɨꞌnə me fùu fɨ taa nsɔꞌ Nwi me.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:21

Sheꞌ faŋ tɨta Nwi yɨsə vɨɨ kukə baa ywey, ŋwiŋ wi ghɔ́ yweysə vɨɨ nɨzi, faŋ ŋwə kàw.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:26

Sheꞌ faŋ Nwi kìi wutə maa məkɔ məbwey, ŋwə kɔ wutə kɔ́ tɨ́ ŋwiŋ wi nɨzi maa məkɔ məbwey tɨ́ vɨɨ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:35

Ŋwə gi tɨ́ vəŋ laa, «Lùu mə lùu fazɨ kɔ́ faŋ ŋkə kɔ məbwey tɨ́ vɨɨ. Wə tɨ̀ me wə faŋ ŋwə jwi yɨ mə, kaꞌ jɨŋ kee baa zà ŋwə me; twey-muu kee baa ywey ŋwə me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:44

«Tuu wə kee lùu shɔ, tɨ́ kaꞌ ŋwə jwi yɨ mə maa laa Tii ŋwaa faŋ ŋwə nə tɔ̀ŋ mə nə, suŋ wə ghɔ́, ŋwə jwi yɨ mə me. Wə tɨ̀ me wə faŋ ŋwə jwi yɨ mə, mə ndɔ yweysə ŋwə shi yiba.

Akts 3:15

baa nə laa vɨ zwi wə ntɨə faŋ ŋwə lùu tɨɨ məbwey. Luu nə, Nwi yweysə ŋwə fɨ shɨ yiku, yia ye ŋwə nə sɨ.

Roma 4:17

Ŋkə fàynə maa nu ŋkɨə faŋ ŋkə lùu taa ŋwaꞌlə Nwi, faŋ Nwi gì tɨ́ Abraham laa, «Mə nùŋsə ghɔ laa a ndɔ luu tɨɨ məshɨ məyaŋ.» Nɨniŋ, ŋwə gù tii ŋwaa-nsiŋ vənshə vɨsɨ Nwi, faŋ ŋwə nə nùŋ fwi yi maa Nwi laa Nwi yweysə vəŋku və nsisə, yɨ̀sə laa vətɔ faŋ mbə nə kee lùu shɔ me, luu shɔ.

Roma 8:2

Lùu nɨniŋ buꞌ laa nuŋsə Zwitə Nwi, faŋ nyə kɔ̀ məbwey tɨ́ nsiŋ buꞌ Yeso Kristo, gaŋtə nsiŋ fɨ ghɔ nuŋsə nu bwə, baa nə fɨ ghɔ yiku.

1 Kɔrintian 15:18

Ŋkə kɨ nii baa də̀ laa vɨɨ mbɨə faŋ vəŋ nə nùŋ fwisə vəŋ maa Kristo, faŋ vəŋ nə kùkə nə, vəŋ kùkə nə nu bwə maa vəŋ, ndì.

1 Kɔrintian 15:29

Vɨɨ mɔ́ꞌ shɔ faŋ vəŋ fì muu mə Nwi buꞌ vɨɨ mɔ́ꞌ faŋ vəŋ duꞌtə vəŋ kukə. Kɨ ghaŋ laa vɨɨ faŋ vəŋ kukə, ndɔ kee ywey me, sii yɨ̀ kə buu vɨɨ kɨ fi muu maa yizii vɨɨ faŋ vəŋ kukə?

2 Kɔrintian 4:14

Yia kɔꞌ kɨɨ laa wə ntɨə faŋ ŋwə nə ywèysə tɨta Yeso fɨ shɨ yiku nə, ndɔ baa yweysə nsiŋ buꞌ ŋwə, jwì nə nsiŋ, nùŋsə vɨsɨ ŋwə.

Filipi 1:23

Vənu vɔ́ gàasə mə vəway vəbɔɔ. Nu ŋkɨə faŋ kaꞌ ŋkə bàw shee, lùu laa mə ku, gə̀ yɨ Kristo, buꞌ laa lùu nu faŋ ŋkə bàw shɔ̀ɔ vənu vənshə.

Filipi 3:10

Nɨniŋ, nu ŋkɨə faŋ mə kəə ŋkə, luu sheꞌ laa mə kɨɨ nə Kristo, nə wutə ŋkɨə faŋ ŋkə jwi fɨ maa məywey wi fɨ shɨ yiku. Mə baa kəə laa kaꞌ mə baa luu yè fɨ maa ŋɨꞌ yi, faŋ ŋwə nə yè nə. Mə biŋ ŋkee maa məku, sheꞌ faŋ ŋwə nə biŋ yiku nə.

1 Tesalonika 4:14

Kɨ luu nsiŋ biŋ laa Yeso nə ku, baa ywèy fɨ shɨ yiku, buu nsiŋ kɔꞌ kɨɨ laa Nwi ndɔ yɨsə laa vɨɨ mbɨə faŋ vəŋ nə kukə̀ nə, ndɔ gə ziꞌ shəŋ ŋkɨə faŋ Yeso lùu shɔ nɨzi.

Reveleyshən 1:18

baa luu ŋkee wuu bwey. Mə nə ku, lùu ndwə, mə bwèy gòꞌsə yighee muꞌ. Ŋkwa yiku, nə ŋkwa shɨ vəŋku vənsisə lùu ghɔ mə, tɨ́ kɨ kaꞌ mə ŋaꞌsə baa fə̀ŋ shuu wi.

Reveleyshən 20:5

Bətə vəŋku və vɨɨ kee ta ywey me, gə kɔ tɨ́ yighee njyə faŋ ŋuꞌ ŋkaŋ yɔ́ shɔ̀ɔ. Luu mfɔŋ məyweysə vɨɨ fɨ shɨ yiku.

Reveleyshən 21:4

tɔ̀ŋsə mənsɨ fɨ sɨ vəŋ. Yiku kee baa lùu shɔ me. Məluŋ nə yigwia nə ŋɨꞌ kee baa lùu shɔ me, buꞌ laa mbi yimwa shɔ̀ɔ.»

Reveleyshən 22:1

Nshiiŋii Nwi yɔ́ baa də̀ muu mə məbwey shee, mbə nə fùu fɨ maa kenə Nwi ghɔ bi-njɨɨ yɔ́, ndwaꞌlə yaa ŋwaꞌlə məye sɨ,

Reveleyshən 22:17

Zwitə Ley Nwi nə wəzwi məndaa (faŋ ŋwə kɨꞌ Kristo nə), gì laa, «Jwi!» Wə ntɨə faŋ ŋwə zɔ, taa baa luu gì laa, «Jwi!» Wə ntɨə faŋ too muu ywèy ŋwə, ŋwə jwi. Wə ntɨə faŋ ŋwə kəə muu mə məbwey, jwi fi, vɨ kɔ tɨ́ ŋwə dayday.