Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 11:21 - Vengo (Babungo)

²¹ Faŋ Marta nə yè Yeso jɨɨ, gì tɨ́ ŋwə laa, «A yaa toꞌ lùu feenə, buu weenshu ŋwaa yaa kee yiku me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 11:21 ပူးပေါင်းရင်းမြစ်များ

Matiu 9:18

Faŋ Yeso kɨ bii gisə tɨ́ vəŋ nɨniŋ, wuu kwalə mɔ́ꞌ fɨ taa ŋii Nwi jwi, tùŋ vətɔ vəyəə vi nsi vɨsɨ ŋwə, gì laa, «Ŋwiŋ ŋwaa wəzwi ku sheꞌ ndwə ndwə. Bàw laa a jwi, mɔ̀ꞌ ghɔ maa ŋwə, ŋwə ywey.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 11:2

Nə luu Meri ŋgwə faŋ ŋwə nə zwisə məŋgwə mə shwaŋ ndɔŋnə ghuu Yeso, baa tɔ̀ŋsə ghuu Yeso nə nyuŋsə tɔ si nə. Lasarɔs, weenshu Meri ghɔ́, nə zɨzasə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 11:3

Vaŋ-nshwi Lasarɔs tɔŋ ntɔŋ tɨ́ Yeso laa, «Ŋkee wuumba wə Lasarɔs faŋ a kàw ŋwə, zɨzasə.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 11:32

Meri gə zìꞌ shəŋ ŋkɨə faŋ Yeso nə luu shɔ nə, nɔ̀ŋ nsi ghuu Yeso, gì tɨ́ ŋwə laa, «Tɨta a yaa toꞌ lùu feenə, buu weenshu ŋwaa yaa kee yiku me.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 11:37

Luu nə, vɨɨ mɔ́ꞌ gi laa, «Ŋwə nə yɨ̀ laa wuu sɨ fɨsə yenə; ŋwə nə kee kìi wutə maa məyɨsə laa wə ŋwə̀ kee ku yimu?»