Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 10:6 - Vengo (Babungo)

⁶ Yeso nə gì yigisə tii nyə̀ tɨ́ vəŋ, vəŋ kee kɨ̀ɨ nə ŋiꞌ yigisə tii yɔ́ me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 10:6 ပူးပေါင်းရင်းမြစ်များ

Matiu 13:34

Yeso nəə gisə tɨ́ nwaa vɨɨ vəyaŋ vɔ́ sheꞌ maa ghaŋ tii, kee gi tɨ́ vəŋ maa kwaŋ yigisə tii shɔ me.

Matiu 13:51

Yeso metə yigisə tii yɔ́, kɨ nii bìtə tɨ́ vɨɨ məzwetə nu ki laa, «Viŋ zɔ ŋiꞌ vənu vɔ́ vənshə mu?» Vəŋ bəŋsə tɨ́ ŋwə laa ɔŋ.

Mark 4:34

Ŋwə nəə gisə tɨ́ vəŋ sheꞌ maa ghaŋ tii, kɨ gə̀ yiba maa vɨɨ məzwetə nu ki, twèlə tɨ́ vəŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 16:25

Yeso baa gì tɨ́ vɨɨ məzwetə nu ki laa, «Mə nəə gisə vənu vɔ́ tɨ́ viŋ maa ghaŋ tii. Yighee ndɔ kuꞌ, faŋ mə kee ndɔ baa kɨ gisə tɨ́ viŋ maa yigisə tii me, twelə vənu kɔ̀ŋ tɨta Nwi tɨ́ viŋ ntee, ley ley.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 16:29

Vɨɨ məzwetə nu ki gi tɨ́ ŋwə laa, «Əhəŋ, a gisə ndwə ntee, a kee baa gisə maa ghaŋ tii me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:52

Nə luu buꞌ yigisə Yeso yɔ́ laa vɨɨ Jus tey kɨ tay sheꞌ vəŋ vəŋ laa, «Sii kaꞌ wə ŋwə̀ kɔ̀ mbasə ŋwaa wi, laa nsiŋ kwə kɨkə?»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:60

Vɨɨ vəyaŋ fɨ taa ŋwaa vɨɨ məzwetə nu Yeso nə zɔ̀ yigi yɔ́, gì laa yigi yɔ́ luu ŋkee yiweꞌ, sii kaꞌ bìŋ ndə bìŋ kəŋ yigi yɔ́.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 7:36

Ŋiꞌ nu ŋkɨə faŋ ŋwə gì laa, shəŋ ŋkɨə faŋ yi taa gə̀ shɔ, kaꞌ nsiŋ kee zìꞌ shɔ me, sii lùu laa kə?»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:27

Vəŋ zɔ, kee kɨɨ laa ŋwə gisə tɨ́ vəŋ kɔ̀ŋ Nwi Tii wi me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:43

Sii yɨ̀ kə viŋ kee zɔ nu ŋkɨə faŋ mə gisə me? Ŋkə lùu sheꞌ laa viŋ kee kàw zɔ yigisə nyaa me.

1 Kɔrintian 2:14

Wə ntɨə faŋ ŋwə kee kìi Zwitə Nwi taa fwi ŋwə me, kaꞌ ŋwə kee bìŋ vənu mbɨə faŋ mbə ndɔ fɨ ghɔ Zwitə Nwi me. Kəŋ wə ghɔ́ kaꞌ ŋwə kee kɨ̀ɨ nə vənu vɔ́ me. Ŋkə lùu tɨ́ ŋwə yaa vənu və vəmfaw, buꞌ laa luu sheꞌ Zwitə Nwi faŋ ŋkə yaa kɨ yɨsə wə kɨ̀ɨ nə kəŋ vənu ghɔ́.

2 Pita 2:22

Nu vɨɨ vɔ́ də̀ tɨ́ nsiŋ laa, yigisə tii yimɔ́ꞌ luu nu yinsəŋ. Nyə lùu laa, «Bu yaa kɨ tu baa bəŋ zɨ̀ sheꞌ fa kɔ́,» baa nə laa, «A kɔlə sɔ̀ ŋwaa ŋkwinyaa ŋwə ley, buu ŋwə taa ye shiatə, baa kɨ bɨ̀ŋlə taa tey yi.»

1 Jɔn 5:20

Nsiŋ kɔꞌ kɨɨ laa Wee Nwi nə jwì ŋaꞌsə sɨ ŋaa-nsiŋ, tɨ́ kɨ kaꞌ nsiŋ kɨɨ nə Nwi faŋ lùu Nwi yinsəŋ. Nsiŋ lùu fa kəmuꞌ nsiŋ vɨ Nwi yinsəŋ, buꞌ faŋ nsiŋ lùu fa kəmuꞌ nsiŋ vɨ ŋwiŋ wi Yeso Kristo. Yeso lùu Nwi yinsəŋ, məbwey vəlwaŋ ghɔ ŋwə.