Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 10:4 - Vengo (Babungo)

⁴ Faŋ ŋwə fùusə bisə si fu, ŋwə shɔɔ vɨsɨ, nsə kɨ beꞌsə ŋwə, buꞌ laa nsə kɨɨ nə gɨ yi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 10:4 ပူးပေါင်းရင်းမြစ်များ

Matiu 16:24

Yeso kɨ nii gì tɨ́ vɨɨ məzwetə nu ki laa, «Wə kəə kɨ beꞌsə mə, ŋwə twèy nu ŋwaa ki, bìŋ maa məshaꞌ fəŋkɔꞌ fə ŋkɨꞌsə fi, bèꞌsə mə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 10:16

Mə baa kìi bisə səmɔ́ꞌ faŋ nsə kee lùu taa nwaa bisə taa ŋkɔꞌ yɔ́ me. Bàw laa mə ndi bisə yinsii nɨzi, kɨ shiinə nsə. Nsə taa zɔ gɨ nyaa nɨzi. Bisə sənshə taa faynə shəŋ muꞌ, gù fa kəmuꞌ, nshii bisə yimuꞌ kɨ shii.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 10:27

Gə̀ fɨ maa vɨɨ vaŋ, vəŋ lùu yaa bisə-njɨɨ faŋ nsə zɔ gɨ nshii vəŋ. Mə luu nshii vəŋ. Vəŋ zɔ gɨ nyaa. Mə kɨɨ nə vəŋ. Vəŋ bèꞌsə mə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 10:3

Wə ntɨə faŋ ŋwə shii shuu ŋkɔꞌ bisə, ŋaꞌsə tɨ́ ŋwə; bisə si kɨɨ nə ŋwə, kɨ̀ɨ nə gɨ yi faŋ ŋwə tii nsə maa yizii, ndi nsə, fuu nə nsə fu.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 10:5

Gə̀ fɨ maa wə dɨday faŋ ŋwə jɨjwi, nsə kee bèꞌsə ŋwə me, nsə kii bee nyɨnyɨŋ fɨ ghɔ ŋwə, buꞌ laa nsə kee kɨɨ nə ŋwə me, kee kɨɨ nə gɨ yi me.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 10:8

Vɨɨ vənshə faŋ vəŋ nə jwì vɨsɨ mə, lùu vəndɔꞌ, bisə-njɨɨ nə kee zɔnə vəŋ me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 12:26

Wə faŋ ŋwə kəə laa yi luu wuu faꞌ ŋwaa, ŋwə kɨ beꞌsə mə. Mə kɔlə gə dùꞌ fə, yia ŋwə dùꞌ mɔ́ꞌ. Wə faŋ ŋwə beꞌsə mə laa yi lùu wuu faꞌ ŋwaa, ŋwə ndɔ kii yizii yikwalə fɨ ghɔ Tii ŋwaa.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 13:15

Mə nii də̀ shwenə nu tɨ́ viŋ, laa viŋ baa kɨ luu yɨ faŋ mə yɨ̀sə maa viŋ nə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 18:37

Pilate gi tɨ́ ŋwə laa, «Ŋkə bee nə də̀ laa a luu fwàŋ mu?» Yeso bəŋsə tɨ́ ŋwə laa «A gì yinsəŋ laa mə luu fwàŋ. Nu ŋkɨə faŋ mə jwì ŋkə shɨ nsi luu sheꞌ kəmuꞌ. Ŋkə lùu laa mə də nu ŋkɨə faŋ lùu yinsəŋ tɨ́ vɨɨ. Lùu ŋiꞌ nu ŋkɨə faŋ vɨ nə bì mə taa mbi. Wə tɨ̀ me wə faŋ ŋwə kaw nu yinsəŋ, zɔnə yigisə nyaa.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:29

Wəndɔŋ faŋ ŋwə ndaa wəzwi, wəzwi məndaa lùu ŋgwii. Gə̀ fɨ maa wuumba wəndɔŋ məndaa ghɔ́, ŋwə tɨŋnə kɨ zɔ faŋ wəndɔŋ məndaa ghɔ́ gisə, ŋwə ŋaytə ŋkee dɨdɨꞌ faŋ ŋwə zɔ̀ gɨ wəndɔŋ məndaa ghɔ́. Nɨniŋ, mə luu sheꞌ yaa wuumba wəndɔŋ məndaa ghɔ́. Nu kɔ́ fàynə ndee, mə kìi məŋaytə nɨzi.

1 Kɔrintian 11:1

Bàw viŋ kɨ faꞌ sheꞌ faŋ mə faꞌ, buꞌ faŋ mə baa luu fàꞌ sheꞌ yaa Kristo.

Efesɔs 5:1

Nɨniŋ, viŋ ndi ghuu yitoꞌ Nwi buꞌ laa viŋ lùu vaŋ vi, faŋ ŋwə kaw viŋ.

Hibru 12:2

Bàw nsiŋ tə sɨ sheꞌ maa Yeso faŋ ŋwə nə ŋaꞌsə jɨɨ tɨ́ nsiŋ, tɨ́ kaꞌ nsiŋ nùŋ fwi saŋ-nsiŋ maa ŋwə. Ŋwə baa luu gaŋtə nsiŋ, tɨ́ kaꞌ nsiŋ kɨ gə nə vɨsɨ, kɨ bɨbiŋ nu ki, zìꞌ maa vəndwə. Ŋwə nə bìŋ maa məku ŋkee yiku tɔ dɨɨ fuu fəŋkɔꞌ fə ŋkɨꞌsə, kee shə̀ŋ maa nu tɔ dɨɨ kɔ́ me. Ŋwə nə tə̀ sɨ laa yi ndɔ kii məŋaytə ŋgwə faŋ Nwi nùŋsə tɨ́ ŋwə nə. Nɨniŋ, ŋwə dùꞌ fuu ŋkaw yifwàŋ maa kwiŋ maꞌnə Nwi ndwə.

Hibru 6:20

Lùu shəŋ ŋkɨə faŋ Yeso nə ŋìi shɔ ŋkəə, buu nshɨ-tɔ ŋwaa-nsiŋ ndɔ ŋii shɔ nɨzi. Yeso nə ŋìi shɔ tɔ yia yaa wuu kwalə məfeꞌ Nwi yaa Melkizedek. Ŋwə lùu wuu kwalə məfeꞌ Nwi ŋwaa-nsiŋ yighee muꞌ.

1 Pita 2:21

Nwi tìi viŋ laa viŋ biŋ ŋɨꞌ nɨniŋ, buꞌ laa nshɨ-tɔ Kristo nə bìŋ ŋɨꞌ buꞌ viŋ, meꞌtə shwenə tɨ́ viŋ, laa viŋ beꞌsə ghuu ghi.

1 Pita 4:1

Faŋ Kristo nə bìŋ ŋɨꞌ nə ŋwaa wi nə, bàw viŋ ndi njyoꞌ yijəə yi yɔ́, tɨ́ kaꞌ viŋ biŋ ŋɨꞌ nɨzi, buꞌ laa wə ntɨə faŋ ŋwə bìŋ ŋɨꞌ mbɨɨ ŋwaa ŋwə, mèꞌ vənu vəbwəvə,

1 Pita 5:3

Kɨ viŋ kɨ sɔꞌ vɨɨ mbɨə faŋ vɨ nùŋ taa ghɔ viŋ nə məshəsə me. Bàw viŋ luu shwenə tɨ́ nwaa bisə ghɔ́.