Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 10:12 - Vengo (Babungo)

¹² Gə̀ fɨ maa wə ntɨə faŋ ŋwə faꞌ faꞌ maa ka, faŋ ŋwə kee lùu tɨɨ bisə me, kɨ ghaŋ kəŋ wə ghɔ́ ye nyaa yibwə nə jwì, buu ŋwə taa nyɨŋ, mèꞌtə bisə sɔ́, nyaa yɔ́ jiatə bisə sɔ́, sàynə nsə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 10:12 ပူးပေါင်းရင်းမြစ်များ

Matiu 10:16

Yeso nə baa nàysə tɨ́ vɨɨ ntɔŋ vi laa, «Viŋ kɔꞌ kɨɨ laa mə tɔŋ viŋ taa mbi sheꞌ yuu vɨ tɔŋ bisə-njɨɨ taa ŋwaa nyaasə bwəsə. Nɨniŋ, viŋ kɨ tɔfə yaa zɔsə, duꞌ nshi yaa vəbɔŋsə.

Matiu 7:15

«Viŋ kɨ tɔfə buꞌ vɨɨ məbweꞌsə vɨɨ faŋ vəŋ gi laa vəŋ lùu nshiisə-ŋii sɔghɔ, faŋ kee tɔŋ Nwi tɔŋ vəŋ me. Vəŋ jwi yuu bisə-njɨɨ, luu nə, fɨ təŋ vəŋ lùu vəbɔɔ vəbwəvə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 10:13

Wə ghɔ́ faŋ ŋwə faꞌ luu ka wi nə, kee shə̀ŋ maa bisə sɔ́ me, buꞌ faŋ kee kìi ŋwə me, nu bisə sɔ́ kee za ŋwə me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 10:2

Wə ntɨə faŋ ŋwə ŋìi taa ŋkɔꞌ fɨ shuu ŋkɔꞌ lùu wuu məmɔꞌ bisə-njɨɨ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 10:3

Wə ntɨə faŋ ŋwə shii shuu ŋkɔꞌ bisə, ŋaꞌsə tɨ́ ŋwə; bisə si kɨɨ nə ŋwə, kɨ̀ɨ nə gɨ yi faŋ ŋwə tii nsə maa yizii, ndi nsə, fuu nə nsə fu.

Akts 20:29

Mə kɔꞌ kɨɨ laa yighee njyə faŋ mə taa meꞌtə viŋ, vɨɨ bwənə ndɔ ŋii taa nwaa viŋ yaa nyaasə bwəsə, faŋ nsə ŋìi taa ŋwaa bisə, kɨ kəə kootə fɨ maa bisə sɔ́.

1 Timoti 3:3

Kɨ ŋwə kɨ nu məluꞌ, mbə shɔɔ sɨ ŋwə me, tɨꞌnə me, luu wuu məkəə yighaw me. Bàw ŋwə luu wuu bwaŋnə, kee kɨ kəə nsɔꞌsə me, fwi yi kee kɨ ndɔ maa ka me.

1 Timoti 3:8

Gə fɨ maa vɨɨ mbɨə faŋ vəŋ faꞌ taa ŋii Nwi, bàw vəŋ luu vɨɨ jəənə nɨzi, kee kɨ gisə təghaŋ təbɔɔ me, kee kɨ kaw maa mənu məluꞌ məyaŋ me, kee kəə ka ŋkuŋ me.

2 Timoti 4:10

buꞌ laa Dimas nyɨ̀ŋ fɨ yɨ mə, kaw maa məshi taa mbi nyə̀, ndɔ gə shɨ Tesalonika. Kresens gə̀ shɨ Galatia, Titɔs gə̀ shɨ Dalmatia.

Taytəs 1:7

Kee bàw laa wə faŋ lùu tɔ taa nshəŋtə vɨɨ Nwi kii nsɔꞌ maa ŋwə me, fɔnə ŋwə lùu wuu məndeynə vətɔ və Nwi. Kɨ ŋwə yɨsə vənu nə wutə ki me, kee kìi fwi yishəsə me, kee nu məluꞌ mbə shɔɔ sɨ ŋwə me, kee nywenə nywaŋsə me, kee kəə ka ŋkuŋ me.

1 Pita 5:2

Viŋ luu nshii nwaa bisə Nwi nsɨə faŋ nsə lùu ghɔ viŋ nə. Kɨ viŋ kɨ yɨsə nɨniŋ yaa vɨ dɔɔ viŋ dɨdɔɔ me! Viŋ yɨsə nə njyoꞌ yijəə yiŋ, faŋ nyə kùꞌnə tɨ́ Nwi. Kɨ viŋ kɨ yɨsə laa vɨ ndɔꞌ viŋ nə ka me. Viŋ yɨsə sheꞌ nə fwi yijəə. Wə faŋ ŋwə yɨsə maa ka, tɔ ki dɨɨ.

2 Pita 2:3

Vɨɨ mədeesə bwə vɔ́ ndɔ kɨ kaw maa məzɨ shɨ. Vəŋ sɨɨ təba, bwèꞌsə viŋ, tɨ́ kaꞌ vəŋ sey fɨ fuŋ. Luu nə, shù fɨshi, Nwi faŋ ŋwə yaa kɨ sɔꞌ nsɔꞌsə vɨɨ nə, kwaŋ vəŋ taa nsɔꞌ. Yighee njyə faŋ Nwi ndɔ ndisə vəŋ, lùu nshənə.