Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:9 - Vengo (Babungo)

⁹ Məley ghɔ́ lùu məley yinsəŋ faŋ ŋwə yɨ sɨ vɨɨ vənshə ley. Ŋwə nəə jɨjwi mbi maa yighee yɔ́.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:9 ပူးပေါင်းရင်းမြစ်များ

Matiu 6:23

Luu nə, yisɨ yə bɨ, buu ŋwaa wə nshə taa luu nə mfiŋsə. Kɨ luu kiꞌ wə ndɨɨnə, buu fwi yə taa fəŋ laa shiŋ.

Lukas 11:36

Fwi yə kɨ luu ley yinshə, tuu wee-shəŋ fəŋ kee luu taa tey yi me, buu nshinə yə luu ŋkee yiley. Luu sheꞌ faŋ kiꞌ yaa kɨ bee, kɔ məley tɨ́ ghɔ.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:4

Məbwey lùu taa yigi yɔ́. Məbwey ghɔ́ lùu yaa məley, yɨsə sɨ vɨɨ ley.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:7

Ŋwə jwi fɨ̀ꞌtə nu Nwi, kɨ twelə ŋiꞌ məley kɔ́ tɨ́ vɨɨ, tɨ́ kaꞌ vɨɨ vənshə nùŋ fwisə vəŋ maa məley ghɔ́.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 12:46

Mə fùu mbi yaa kiꞌ, laa wə tɨ̀ me wə faŋ ŋwə nùŋ fwi yi maa mə, kee baa tòꞌ fɨ taa mfiŋsə me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 14:6

Yeso gi tɨ́ ŋwə laa, «Lùu mə lùu jɨɨ yɔ́. Nu yinsəŋ nə məbwey vəlwaŋ ndɔ fɨ ghɔ mə nɨzi. Kaꞌ wə kee gə ye tɨta Nwi me, maa tɨ̀ lɨꞌ laa ŋwə shɔ̀ɔ fɨ maa mə me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 15:1

Yeso baa gì tɨ́ vɨɨ məzwetə nu ki laa, «Mə lùu yaa tɨ taŋ jəənə. Tii ŋwaa lùu wə ntɨə faŋ ŋwə lootə vətɨ vɔ́.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:32

Yeso bəŋsə tɨ́ vəŋ laa, «Viŋ zɔ! Mə gì tɨ́ viŋ yinsəŋ laa, Nə kee kɔ̀ Mose kɔ̀ fazɨ ŋkɨə faŋ ŋkə ndɔ̀ fɨ yizɔ tɨ́ viŋ me. Ndɔ kɨ kɔ Tii ŋwaa kɔ ŋkee fazɨ yinsəŋ tɨ́ viŋ faŋ ŋkə ndɔ̀ fɨ yizɔ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 7:12

Vɨɨ mbɨə faŋ vəŋ nə luu yifi nə, shumə ŋwə. Vɨɨ mɔ́ꞌ gi laa ŋwə lùu wuu yinsəŋ. Vɨɨ mɔ́ꞌ twey, gì laa ŋwə toꞌ bweꞌsə vɨɨ.

1 Jɔn 1:8

Nsiŋ kɨ luu kɨ gisə laa, nu bwə kee lùu taa fwisə nsiŋ me, buu nsiŋ bwèꞌsə yiŋwaa nyaa-nsiŋ, buu nu yinsəŋ kee lùu taa ŋwaa nsiŋ me.

1 Jɔn 2:8

Luu nə, mə nyɔ̀ꞌ ntɨ yɔ́ tɨ́ viŋ yuu ntɨ yifi, faŋ lùu yinsəŋ buꞌ laa, luu njyə faŋ Yeso nə kìi maa nshinə yi, nə viŋ maa nshinə yiŋ nɨzi. Nɨniŋ, mfiŋsə shɨshɔɔ, shɨshwi ley tey kɨ bee.

1 Jɔn 5:20

Nsiŋ kɔꞌ kɨɨ laa Wee Nwi nə jwì ŋaꞌsə sɨ ŋaa-nsiŋ, tɨ́ kɨ kaꞌ nsiŋ kɨɨ nə Nwi faŋ lùu Nwi yinsəŋ. Nsiŋ lùu fa kəmuꞌ nsiŋ vɨ Nwi yinsəŋ, buꞌ faŋ nsiŋ lùu fa kəmuꞌ nsiŋ vɨ ŋwiŋ wi Yeso Kristo. Yeso lùu Nwi yinsəŋ, məbwey vəlwaŋ ghɔ ŋwə.