Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:44 - Vengo (Babungo)

⁴⁴ Filip nə ndɔ fɨ ntɨꞌ Betsayda, shɨ Galilii, faŋ luu ntɨꞌ Andru ghɔ Pita nɨzi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:44 ပူးပေါင်းရင်းမြစ်များ

Matiu 10:3

nə Filip, nə Bartolomi, nə Tɔmas, nə Matiu wuu məfi tasə, nə Jeyms wee Alfeɔs, nə Tadeɔs,

Matiu 11:21

«Weybey, ntɨꞌ Korazin nə ntɨꞌ Betsayda, faŋ viŋ nə ye ŋkee vənu və shuu yɔŋvə nə. Vɨ nəə toꞌ yɨsə vənu vɔ́ shɨ Tayra, tɨꞌnə me shɨ Sidon, buu vɨɨ vɔ́ nə shùŋ njwisə ŋɨꞌ fɨshi, kùŋ vəbu tɔ vəŋ maa mədə laa vəŋ luŋ buꞌ vənu vəbwəvə vəŋ, kɨ kəə kwiinə nshinə vəŋ.

Mark 3:18

Ŋwə baa shoꞌ Andru, nə Filip, nə Bartolomi, nə Matiu, nə Tɔmas, nə Jeyms wee Alfeɔs, nə Tadeɔs, nə Saymon wuu Kanahan,

Mark 6:45

Yeso kɨ nii yɨ̀sə laa vɨɨ məzwetə nu ki yasə ŋìi taa bay, gə̀ njɨɨ yi vɨsɨ, gə̀ ntɨꞌ Betsayda, yuu nshɨ-tɔ wi kɔ bwey-jəə tɨ́ vɨɨ vɔ́, vəŋ gə.

Mark 8:22

Yeso ghɔ vɨ vɨɨ vi kɨ nii shɔɔ gə̀ zìꞌ ntɨꞌ Betsayda. Vɨɨ jwi nə wuu sɨ fɨsə tɨ́ ŋwə, bùꞌ ghɔ tɨ́ ŋwə laa ŋwə kɔŋ wə ghɔ́.

Lukas 10:13

Yeso kɨ nii baa gì laa, «Ndwaŋ tɔ viŋ, vɨɨ Korazin! Ndwaŋ tɔ viŋ, vɨɨ Betsayda! Vənu vəkwalə mbɨə faŋ mbə nə gày taa ŋwaa viŋ nə, nəə toꞌ lùu maa məshɨ mə Tayra nə Sidon, buu vəŋ nə duꞌtə vəŋ kwiinə fwisə vəŋ fɨshi, shùŋ njwisə ŋɨꞌ, kùŋ vəbu tɔ vəŋ (maa mədə faŋ vəŋ lùŋ buꞌ vənu vəbwəvə vəŋ).

Lukas 6:14

Vɨɨ vɔ́ nə luu Saymon ŋgwə faŋ Yeso shù yizii yi laa Pita nə, nə Andru, weenshu Saymon, nə Jeyms ghɔ Jɔn, nə Filip, nə Bartolomi,

Lukas 9:10

Vɨɨ ntɔŋ Yeso vɔ́ bəŋ jwì, fɨ̀ꞌtə vənu vənshə faŋ vəŋ nəə yɨsə tɨ́ ŋwə. Ŋwə ndi vəŋ, ghɔ vɨ vəŋ bɨɨ gə̀ sheꞌ vəŋ vəŋ maa shəŋ ndenə, gə̀ zìꞌ maa ntɨꞌ yimɔ́ꞌ, yizii ntɨꞌ yɔ́ luu Betsayda.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:43

Fu baa kɨ lee, Yeso nə kəə gə̀ shɨ Galilii, ye Filip, gì tɨ́ ŋwə laa, «Beꞌsə mə!»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:45

Fɨkɨꞌ Filip ye Nataniel, gì tɨ́ ŋwə laa, «Yia yè wə ntɨə faŋ Mose nə nshiisə-ŋii sɔghɔ nə nyɔꞌ kɔ̀ŋ ŋwə taa ŋwaꞌlə Nwi. Lùu Yeso, wuu Nazaret, wee Josef.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:46

Nataniel gi tɨ́ ŋwə laa, «Kaꞌ nu jəə ndɔ fùu fɨ ntɨꞌ Nazaret mu?» Filip gi tɨ́ ŋwə laa ŋwə jwi ye.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:48

Nataniel bitə tɨ́ Yeso laa ŋwə sii kɨ̀ɨ nə yi fɨ fə? Yeso bəŋsə tɨ́ ŋwə laa, «Yighee njyə faŋ Filip nə kee ta tìi ghɔ me, mə nə duꞌtə mə ye ghɔ ŋiꞌ tɨ taŋ fig.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 12:21

Vɨɨ Griik vɔ́ gə ye Filip, faŋ ŋwə nə ndɔ̀ fɨ ntɨꞌ Betsayda, fɨ shɨ Galilii. Vəŋ gi tɨ́ Filip laa, «Tɨta, yia kəə ye Yeso.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 12:22

Filip ndɔ gə̀ naysə nu kɔ́ tɨ́ Andru. Vəŋ vəbɔɔ kɨ nii gə nàysə tɨ́ Yeso.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:5

Yeso ndeynə vədɨꞌ, ye laa vɨɨ vəyaŋ jɨjwi yɨ ŋwə, ŋwə bitə tɨ́ Filip laa, «Nsiŋ taa ywaŋ bee fɨ fə, tɨ́ kaꞌ ŋkə kùꞌ tɨ́ vɨɨ və̀?»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:7

Filip bəŋsə tɨ́ ŋwə laa, «Vɨ kɔlə ywaŋ bee maa mba ka ŋkwəŋ, ŋkə kee bee kùꞌ tɨ́ vɨɨ vɔ́ me, faŋ wə muꞌ kɔlə zɨ sheꞌ kətɨtiꞌ.»

Akts 1:13

Vəŋ ziꞌ ntɨꞌ Jerusalem, koꞌ gə̀ taa njɨɨ ŋii njyə faŋ vəŋ yaa kɨ baytə shɔ nə. Vɨɨ vɔ́ nə luu Pita nə Jɔn nə Jeyms nə Andru nə Filip nə Tɔmas nə Bartolomi nə Matiu, nə Jeyms wee Alfeɔs, nə Saymon ŋgwə faŋ vɨ tii ŋwə nə wuu məsɨŋsə maa nu, baa nə Judas wee Jeyms.