Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:42 - Vengo (Babungo)

⁴² Nɨniŋ, Andru ndi weenshu wi, ghɔ ŋwə gə yɨ Yeso. Yeso ye Saymon, gì tɨ́ ŋwə laa, «A lùu Saymon, wee Jɔn, vɨ taa kɨ tii ghɔ nə Sifas.» Yizii Sifas luu sheꞌ yizii Pita faŋ lùu laa yighɔsə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:42 ပူးပေါင်းရင်းမြစ်များ

Matiu 10:2

Təzii tə vɨɨ vi vɔ́ njɔsə-bɔɔ nə, lùu nee: Saymon faŋ vɨ tii ŋwə nə Pita, nə Andru weenshu wi, nə Jeyms wee Zebedii, nə Jɔn weenshu wi,

Mark 3:16

Vɨɨ vɔ́ njɔsə-bɔɔ faŋ ŋwə nə shòꞌ nə, nə luu Saymon, ŋgwə faŋ Yeso nə shù yizii yi nə Pita,

Lukas 5:8

Faŋ Saymon Pita nə yè nɨniŋ, gu ghuu Yeso, gì laa, «Ndɔ fɨ yɨ mə, tɨta, mə lùu wuu bwə.»

Lukas 6:14

Vɨɨ vɔ́ nə luu Saymon ŋgwə faŋ Yeso shù yizii yi laa Pita nə, nə Andru, weenshu Saymon, nə Jeyms ghɔ Jɔn, nə Filip, nə Bartolomi,

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 13:18

Mə kee gisə nɨniŋ kɔ̀ŋ viŋ vənshə me, mə kɔꞌ kɨɨ nə vɨɨ mbɨə faŋ mə shòꞌ vəŋ laa lùu vɨɨ vaŋ. Ŋkə lùu nɨniŋ laa nu ŋkɨə faŋ ŋkə lùu taa ŋwaꞌlə Nwi faynə, laa «Wə ntɨə faŋ yia vɨ vəŋ zɨ bee kəmuꞌ, kiasə gù wuu mbeenə ŋwaa.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 21:2

Saymon Pita nə Tɔmas faŋ vɨ nəə tii ŋwə nə Siꞌye nə, baa nə Nataniel faŋ ŋwə nə ndɔ̀ fɨ ntɨꞌ Kana fɨ shɨ Galilii, nə vaŋ Zebedii vəbɔɔ, nə vɨɨ məzwetə nu Yeso vəmɔ́ꞌ vəbɔɔ, vəŋ nə bàytə shəŋ muꞌ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 4:16

Yeso gi tɨ́ ŋwə laa ŋwə gə ndì ndəə wi, bə̀ŋ jwì nə ŋwə.

1 Kɔrintian 1:12

Viŋ gàasə yiŋwaa yiŋ, vɨɨ mɔ́ꞌ gi laa vəŋ beꞌsə Pɔɔl, vɨɨ mɔ́ꞌ laa vəŋ lùu vɨɨ Apɔlɔs, vəmɔ́ꞌ laa vəŋ beꞌsə Pita, vəmɔ́ꞌ laa vəŋ beꞌsə sheꞌ Kristo.

1 Kɔrintian 15:5

Faŋ ŋwə nə ywèy fɨ shɨ yiku nə, ŋwə nə bɨ fùu yikəꞌ Pita, kɨ nii baa fùu yikəꞌ vɨɨ məzwetə nu Yeso njɔsə-bɔɔ, vəŋ ye ŋwə nə sɨ.

1 Kɔrintian 3:22

Kɨ lùu Pɔɔl, kɔ lùu Apɔlɔs, kɔ lùu Pita, vəŋ lùu vɨɨ viŋ. Mbi yinshə nə məbwey nə yiku lùu tɨ́ viŋ. Vənu və ndwə, nə vənu faŋ mbə luu vɨsɨ, mbə vənshə lùu tɨ́ viŋ.

1 Kɔrintian 9:5

Ŋkə nə kee yikuꞌnə laa yia ndaa vəki, kɨ toꞌ yia vɨ vəŋ mɔ́ꞌ yimu? Maa ŋkə nə kùꞌnə tɨ́ yia sheꞌ yuu ŋkə kùꞌnə tɨ́ Pita ghɔ vɨɨ ntɔŋ Yeso vəmɔ́ꞌ, baa nə vaŋ-nshwi Yeso, faŋ vəŋ yɨsə nɨniŋ.

Galatia 1:18

Faŋ ŋuꞌsə nə shɔ̀ɔ sətia, mə kɨ nii ndɔ̀ gə Jerusalem maa məye Pita, kɨɨ nə ŋwə. Mə nə gə̀ shɔ, yia ŋwə shi sheꞌ vəshi njɔsə-tee.

Galatia 2:11

Shi mɔ́ꞌ Pita nə jwì shɨ Antiɔk, yia ŋwə tay, buꞌ faŋ ŋwə nə gù nu.

Galatia 2:9

Nɨniŋ, Jeyms nə Pita [Sifas] nə Jɔn, faŋ vɨɨ Nwi nə ndi vəŋ yaa vətweꞌ, baa lùu ŋkee vɨɨ kwalə fɨ taa ŋii Nwi, nə ye laa Nwi kɔ̀ faꞌ ghɔ́ shee yinsəŋ, yia vɨ vəŋ nə Barnabas sə̀ŋnə ghɔ, faŋ nə luu shwenə laa yia lùu fa kəmuꞌ, yia vɨ vəŋ. Vəŋ biŋ laa, yia Barnabas gə fàꞌ taa ŋwaa vɨɨ faŋ kee lùu vɨɨ Jus me, vəŋ gə fàꞌ taa ŋwaa vɨɨ Jus.