Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:33 - Vengo (Babungo)

³³ Jɔn nə gì laa, «Mə yaa kee kɨɨ nə ŋwə me. Luu nə, Nwi faŋ ŋwə nə tɔ̀ŋ mə laa mə jwi kɨ kɔ muu mə Nwi tɨ́ vɨɨ nə, gì shee kɔ̀ŋ ŋwə laa, «Wə ntɨə faŋ a ndɔ ye Zwitə Ley Nwi siꞌ jwì dùꞌ taa ŋwaa ŋwə, buu wə ghɔ́ lùu wə ntɨə faŋ ŋwə ndɔ kɨ kɔ Zwitə Ley Nwi tɨ́ vɨɨ.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:33 ပူးပေါင်းရင်းမြစ်များ

Matiu 3:11

Jɔn baa gi laa, «Mə kɔ muu mə Nwi tɨ́ viŋ laa viŋ kɨ kwiinə fwi siŋ. Luu nə, wə ntɨə faŋ ŋwə jwi fiiba mə, kìi wutə shɔ̀ɔ mə. Mə kee bee kùꞌnə ŋkee maa məshaꞌ gɔsə si me. Ŋwə ndɔ kɔ luu Zwitə Ley Nwi tɨ́ viŋ, nə wisə.

Lukas 3:16

Jɔn bəŋsə tɨ́ vəŋ vənshə, gì laa, «Mə mɔꞌ lùu muu tɔ viŋ. Luu nə, wə ntɨə faŋ ŋwə weꞌ shɔɔ mə, ndɔ jwi kɨ kwaŋ luu Zwitə Ley Nwi maa viŋ, baa nə nsɔꞌ Nwi faŋ nyə twaŋ yibɨsə yinshə yaa wi. Ŋwə kwàlə shɔ̀ɔ mə. Mə kee bee kuꞌnə maa məfaꞌ vəfaꞌ və vəbuꞌ tɨ́ ŋwə, yaa məkeꞌtə kuu gɔsə wi me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:31

Nshɨ-tɔ ŋwaa nə kee kɨ̀ɨ nə ŋwə me. Luu nə, mə jwi kɨ kɔ muu mə Nwi tɨ́ vɨɨ laa vɨɨ Isirayl ndɔ kɨɨ nə ŋwə.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 14:26

Wuu məgaŋtə faŋ luu Zwitə Ley faŋ Nwi ndɔ tɔŋ tɨ́ viŋ buꞌ mə, ndɔ twelə vənu vənshə tɨ́ viŋ, baa lùmə vənu vənshə tɨ́ viŋ faŋ mə nə nàysə tɨ́ viŋ nə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:34

Wə ntɨə faŋ tɔ̀ŋ Nwi tɔ̀ŋ ŋwə, gisə sheꞌ yigisə Nwi, buꞌ laa Nwi kɔ̀ Zwitə Ley Nwi tɨ́ ŋwə, mfɨꞌ yi kee lùu shɔ me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:5

Yeso gi tɨ́ ŋwə laa, «Yinsəŋ, mə naysə tɨ́ ghɔ laa, vɨ kee bì wə nə muu mə Nwi nə Zwitə Ley Nwi me, buu kaꞌ ŋwə kee ŋìi nu yifwàŋ Nwi me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 7:39

Yeso nə gì yigi yɔ́ kɔ̀ŋ Zwitə Ley Nwi faŋ ŋkə ndɔ ŋii maa vɨɨ mbɨə faŋ vəŋ nùŋ fwisə vəŋ maa Nwi. Maa yighee yɔ́ vɨɨ nə kee ta kìi Zwitə Ley kɔ́ me, buꞌ laa Nwi nə kee ta kòꞌsə ndaw Yeso taa shəŋ yifwàŋ Nwi me.

Akts 1:5

Ŋwə nə baa gì laa lee, «Vɨɨ nəə fi muu mə Nwi fɨ ghɔ Jɔn taa muu. Gə fɨ maa viŋ, viŋ taa kɨ fi luu Zwitə Ley Nwi. Ŋkə kee baa luu ntaŋ me.»

Akts 2:4

Vəŋ vənshə lwaŋ nə Zwitə Ley Nwi, tey kɨ gisə təghaŋ nɨŋkwiŋ nɨŋkwiŋ, faŋ yɨ̀sə Zwitə Ley Nwi kɔ́ laa vəŋ kɨ gisə.

1 Kɔrintian 12:13

Faŋ nsiŋ kɔlə lùu nɨŋkwiŋ nɨŋkwiŋ nə, faŋ vɨɨ mɔ́ꞌ lùu vɨɨ Jus, vəmɔ́ꞌ lùu vɨɨ Griik, vɨɨ mɔ́ꞌ baa lùu vəbuꞌ, vɨɨ mɔ́ꞌ kee lùu vəbuꞌ me, nsiŋ vənshə nə fì Zwitə Nwi kɔ́ kəmuꞌ.