Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:29 - Vengo (Babungo)

²⁹ Fu kɨ lee Jɔn ye Yeso faŋ ŋwə jwi yɨ ŋwə, gì tɨ́ vɨɨ laa, «Ye wə ŋwə̀. Lùu bi-njɨɨ Nwi, faŋ ŋwə biꞌ vənu vəbwəvə mbi!

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:29 ပူးပေါင်းရင်းမြစ်များ

Matiu 1:21

Ŋwə taa bi wee-wəndɔŋ, a shu yizii yi laa Yeso, buꞌ laa ŋwə ndɔ bweysə vɨɨ vi fɨ ghɔ vənu vəbwəvə faŋ mbə lùu maa vəŋ.»

Matiu 20:28

Fɔnə Wuu yinsəŋ Nwi nə kee jwì laa vɨɨ kɨ faꞌ tɨ́ ŋwə me. Ŋwə nə bee kii jwi maa məfaꞌ tɨ́ vɨɨ, kɔ̀ ŋwaa wi tɨ́ yiku maa məbweysə vɨɨ vəyaŋ.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:35

Fu baa kɨ lee Jɔn duꞌ yifi ghɔ vɨ vɨɨ məzwetə nu ki vəbɔɔ,

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:36

kɨ ye, yè Yeso faŋ ŋwə toꞌ, shɔ̀ɔ fɨ yifi. Ŋwə ndeynə, gì laa, «Viŋ ye bi-njɨɨ Nwi yɔ́ nə!»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:43

Fu baa kɨ lee, Yeso nə kəə gə̀ shɨ Galilii, ye Filip, gì tɨ́ ŋwə laa, «Beꞌsə mə!»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 2:1

Vəshi kɨ ziꞌ vətia, məndaa luu shɔ ntɨꞌ Kana shɨ Galilii. Nshu Yeso nə luu shɔ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:16

Nwi nə kàw mbi dɨdɨꞌ, tɔ̀ŋ yigɨꞌ ŋwiŋ wi laa, vɨɨ vənshə faŋ vəŋ nùŋ fwisə vəŋ maa ŋwə, kee ndɔ ndi me, zɨ̀ məbwey vəlwaŋ faŋ ŋwə gòꞌsə yighee muꞌ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 4:42

Vəŋ gi tɨ́ wəzwi ghɔ́ laa «Yia kee baa bìŋ Yeso sheꞌ buꞌ yigi yə me. Yia zɔ nə tuulə ghia, buu kɨ̀ɨ yinsəŋ laa ŋwə lùu wə ntɨə faŋ ŋwə ndɔ bweysə vɨɨ.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:51

Lùu mə lùu fazɨ kɔ́ faŋ ŋkə ndɔ̀ fɨ yizɔ nə, faŋ ŋkə kɔ məbwey tɨ́ vɨɨ. Wə kɨ luu zɨ̀ fazɨ kɔ́, buu ŋwə bwèy yighee muꞌ. Fazɨ kɔ́ faŋ mə taa kɔ tɨ́ vɨɨ laa vəŋ bwey, lùu mbasə ŋwaa ŋwaa.»

Akts 13:39

Luu nə, wə nùŋ fwi yi maa Yeso, buu Nwi taa ndenə vənu vəbwəvə vi vənshə, nu ki baa lòomə.

Akts 8:32

Shəŋ ŋwaꞌlə kɔ́ faŋ ŋwə nəə tii nə, luu ŋkɨə faŋ ŋkə lùu laa lee, «Ŋwə nə luu yaa bi-njɨɨ faŋ vɨ ndì, kɨ gə sɨɨ. Ŋwə nə kee ŋaꞌsə shuu wi me, kee gì tuu nu me, sheꞌ yaa wee-bi-njɨɨ faŋ nyə kee yaa kɨ gwia faŋ vɨ ki wiŋ ghi me.

1 Kɔrintian 15:3

Nu ŋkɨə faŋ mə nə fɔŋ fɨ̀ꞌtə tɨ́ viŋ, luu sheꞌ nu ŋkɨə faŋ mə nə zɔ̀ nɨniŋ nɨzi. Ntɔŋ yɔ́ lùu laa Yeso nə ku buꞌ yibɨsə nyaa-nsiŋ, sheꞌ faŋ vɨ nə nyɔ̀ꞌ taa ŋwaꞌlə Nwi laa ŋkə ndɔ gay nɨniŋ.

2 Kɔrintian 5:21

Nwi nə yɨ̀sə laa wə ntɨə faŋ ŋwə nə kee kɨ̀ɨ nə nu bwə me, biꞌ yibɨsə nyaa-nsiŋ, tɨ́ kaꞌ nsiŋ lùu vɨɨ loomə vɨsɨ Nwi.

Galatia 1:4

Yeso Kristo nə kɔ̀ tɔ ki buꞌ vənu vəbwəvə vaŋ-nsiŋ maa məyɨ laa nsiŋ fuu fɨ ghɔ vənu vəbwəvə fɨ taa mbi nyə̀, faŋ lùu mbi yibwə nə. Ŋkə nə gày sheꞌ faŋ Nwi, Tii ŋwaa-nsiŋ, nəə kəə nɨniŋ.

Galatia 3:13

Nɨniŋ, nsiŋ lùu taa nsɔꞌ Nwi vənshə, buꞌ laa kaꞌ nsiŋ kee nùŋsə ntɨsə sənshə ghee nshə me. Luu nə, Yeso Kristo fùusə nsiŋ fɨ taa nsɔꞌ yɔ́, buꞌ faŋ ŋwə nə ye ŋɨꞌ, fi nsɔꞌ yɔ́ tɔ ŋwə buꞌ nsiŋ. Ŋkə lùu nɨniŋ buꞌ laa vɨ nə nyɔ̀ꞌ taa ŋwaꞌlə Nwi laa, «Wə tɨ̀ me wə, faŋ vɨ bey ŋwə fuu tɨ, buu lùu nsɔꞌ Nwi tɔ ŋwə.»

1 Timoti 2:6

Ŋwə nə kɔ̀ ŋwaa wi, kù tɔ vɨɨ vənshə maa məbweysə vəŋ. Lùu nu ŋkɨə faŋ Nwi nə nùŋsə laa vɨ ndɔ kɨ fɨꞌtə tɨ́ vɨɨ faŋ yighee kuꞌnə.

Taytəs 2:14

faŋ ŋwə nə kɔ̀ ŋwaa wi, kù tɔ nsiŋ, fùusə nsiŋ fɨ taa vənu vəbwəvə vaŋ-nsiŋ vənshə, laa nsiŋ kɨ nii lùu vɨɨ ley, baa lùu ŋkee mbii vɨɨ, kəə sheꞌ maa məyɨ vənu vəjəəvə.

Hibru 1:3

Wee Nwi ghɔ́ lùu məley Nwi; wutə Nwi taa ŋwaa ŋwə. Ŋkɨꞌnə yi lùu yaa njyə Nwi. Kìi ŋwə kìi wutə maa mbi yinshə sheꞌ fɨ maa yigisə yi. Ŋwə lòotə jɨɨ, sɔ̀ yibɨsə vɨɨ laa vəŋ ley. Ŋwə baa luu koꞌ gə̀ yizɔ, dùꞌ maa kwiŋ maꞌnə Nwi, faŋ ŋwə sɔ̀ꞌ vətɔ vənshə.

Hibru 2:17

Ŋwə nə gù yaa vaŋ-nshwi vi maa jɨɨsə sənshə, tɨ́ kaꞌ ŋwə kèe gəŋsə vəŋ, gù yaa wuu kwalə məfeꞌ Nwi, faŋ ŋwə faꞌ tɨ́ Nwi nə fwi yimuꞌ, laa ŋwə sɔ yibɨsə vɨɨ faŋ vəŋ nə yɨ̀sə nə.

Hibru 9:28

Sheꞌ nɨniŋ, Kristo nə fɔŋ jwì kù yighee muꞌ, laa ŋwə yɨsə vɨɨ vəyaŋ nyɨŋ fɨ taa nu bwə vəŋ, baa nə laa ŋwə ndɔ baa bəŋ jwi mbi nyə̀, lwesə ghee bɔɔ. Maa yighee yɔ́ ŋwə ndɔ kee baa jwi maa məsɔ nu bwə vɨɨ me; ŋwə ndɔ bee kii jwi maa məkɔ məbwey vəlwaŋ tɨ́ vɨɨ vi faŋ vəŋ kɨꞌ ŋwə nə.

1 Pita 1:19

Ŋwə nə shùꞌ fwi siŋ sheꞌ nə mənshi mi, faŋ lùu fa bwey. Kristo nə lùu yaa bi-njɨɨ, faŋ vɨ yaa kɨ sɨɨ, kɔ Nwi shɔ, tɨ́ kaꞌ Nwi ndènə yibɨsə vɨɨ. Nɨniŋ, ŋwə nə kù tɔ nsiŋ faŋ tuu wee-ndoꞌ, tɨꞌnə me wee-shəŋ fəŋ, nə kee lùu maa ŋwə me.

1 Pita 2:24

Kristo nə shàꞌ vənu vəbwəvə vaŋ-nsiŋ maa ŋwə, kù fuu fəŋkɔꞌ fə ŋkɨꞌsə. Nɨniŋ laa nsiŋ gaasə nsiŋ vɨ vənu vəbwəvə, kɨ yɨsə luu vənu vəjəəvə yuu vɨ nə nyɔ̀ꞌ taa ŋwaꞌlə Nwi laa, «Buꞌ vədɨꞌ vi, vənu vəbwəvə vaŋ-nsiŋ mè.»

1 Pita 3:18

Kristo nə kù yighee muꞌ buꞌ vənu vəbwəvə faŋ vɨɨ yɨ̀sə. Ŋkee wə ntɨə faŋ vənu vi lùu vəloomə, kù tɔ vɨɨ faŋ vənu vəvəŋ kee lùu vəloomə me, laa ŋwə kiasə nsiŋ, kɔ̀ tɨ́ Nwi. Vɨ nə zwì mbasə ŋwaa wi, luu nə, zwitə ki bwey.

1 Jɔn 2:2

Luu sheꞌ buꞌ Yeso, faŋ ŋwə nə kù tɔ nsiŋ nə, laa Nwi kɨ nii mèꞌ nu bwə kaŋ-nsiŋ. Ŋwə kee mèꞌ sheꞌ nu bwə kaŋ-nsiŋ me, ŋwə mèꞌ nu bwə vɨɨ vənshə.

1 Jɔn 3:5

Viŋ kɔꞌ kɨɨ laa, Yeso Kristo yaa fùu ntee laa ŋwə sɔ vənu vəbwəvə fɨ maa vɨɨ, faŋ tuu nu bwə nə kee lùu maa ŋwə me.

1 Jɔn 4:10

Nɨniŋ ghɔ́, ŋiꞌ nu ŋkɨə faŋ nsiŋ vɨ Nwi kawnə, kee lùu laa zì nsiŋ kɨ kaw Nwi me, lùu laa, nə tèy Nwi kɨ kaw nsiŋ, tɔ̀ŋ ŋwiŋ wi laa ŋwə jwi, sɔ̀ yibɨsə nyaa-nsiŋ.

Reveleyshən 1:5

baa nə fɨ ghɔ Yeso Kristo faŋ ŋwə nə də̀ yinsəŋ Nwi ŋkee yiley, fì vɨsɨ maa məywey fɨ shɨ yiku, sɔꞌ vəfwàŋ fɨ shɨ nsi nɨzi. Ŋwə baa luu kàw nsiŋ, kù tɔ nsiŋ maa məbweysə nsiŋ fɨ taa vənu vəbwəvə vaŋ-nsiŋ,

Reveleyshən 12:11

Vaŋ-nshwi vaŋ-nsiŋ vɔ́ baa luu ghɔꞌ ŋwə nɨzi buꞌ mənshi mə wee-bi-njɨɨ ghɔ́, buꞌ faŋ vəŋ nə bìŋ nu Kristo ntee, kàw ŋwə shɔɔ məbwey vəŋ, biŋ ŋwə, zìꞌ tɨ́ yiku.

Reveleyshən 13:8

Vɨɨ vənshə fɨ taa mbi faŋ vɨ kee nyɔ̀ꞌ təzii təvəŋ taa ŋwaꞌlə məbwey vəlwaŋ me, bəŋsə nyaa yɔ́. Ŋwaꞌlə məbwey vəlwaŋ ghɔ́ lùu ŋgwə wee-bi-njɨɨ yɔ́, faŋ vɨ nə zwì ŋwə nə. Vɨ nə nyɔ̀ꞌ təzii tə vɨɨ vi taa ŋwaꞌlə ghɔ́ shù fɨ faŋ Nwi nə bɔ̀ŋ mbi.

Reveleyshən 14:1

Mə baa ndèynə, yè wee-bi-njɨɨ ghɔ́ faŋ ŋwə dùꞌ fuu baŋ Zayon, ghɔ vɨɨ ŋkaŋsə waaghɨꞌ nə ŋkaŋsə njɔsə-yishwe muu-yinshwe, faŋ vɨ nə nyɔ̀ꞌ yizii wee-bi-njɨɨ ghɔ́ nə yizii Tii wi mbootɔ vəŋ.

Reveleyshən 14:10

buu ŋwə taa kɨ nu fwi yishəsə Nwi yaa məluꞌ, faŋ Nwi kwàŋ taa ndaw məluꞌ, kee wasə me. Kəŋ wə ghɔ́ ndɔ kɨ ye ŋɨꞌ taa wi nə wisə baynə faŋ luŋ ki zwilə vɨɨ yikəꞌ nshiisə-ŋiisə Nwi, baa nə yikəꞌ wee-bi-njɨɨ ghɔ́.

Reveleyshən 14:4

Lùu vɨɨ mbɨə faŋ vəŋ kee bɨsə ghɔ vəŋ buꞌ nu vəki me, nə vɨɨ faŋ vəŋ nə kee bèꞌsə nwi day me. Vəŋ beꞌsə luu bi-njɨɨ yɔ́ maa shəŋ tɨ̀ me shəŋ faŋ nyə gə̀ shɔ. Luu mfɔŋsə vɨɨ faŋ vɨ nə ywàŋ, jwì nə vəŋ tɨ́ Nwi ghɔ bi-njɨɨ yɔ́.

Reveleyshən 15:3

zwà nyay Mose, wuu faꞌ Nwi, nə nyay wee-bi-njɨɨ ghɔ́, laa, «Nu ŋkɨə faŋ a yɨsə, lùu nu kwalə, luu ŋkee nu shuu yɔŋ mɔɔ, tɨta Nwi Nshɔɔ-mbi, jɨɨsə sə bɔ̀ŋsə, baa lùu yinsəŋ mɔɔ, fwàŋ ŋgwisə vɨɨ vənshə.

Reveleyshən 17:14

Vəŋ ndɔ ŋii yighaw maa bi-njɨɨ yɔ́, bi-njɨɨ yɔ́ faŋ lùu Kristo nə, ghɔꞌ vəŋ, buꞌ laa ŋwə lùu tɨɨ vɨɨ məsɔꞌ mbi, baa luu fwàŋ vəfwàŋ. Ŋwə ndɔ ghɔꞌ vəfwàŋ vɔ́ ghɔ vɨ vɨɨ vi faŋ Nwi nə tii vəŋ, shoꞌ vəŋ nə, buꞌ faŋ vəŋ nə jìa nu ki, nùŋ fwisə vəŋ maa ŋwə.»

Reveleyshən 19:7

Nsiŋ kɨ ŋaytə, shɨꞌ, bəŋsə yizii yi, buꞌ laa yighee məndaa wee-bi-njɨɨ kùꞌ, zu wi duꞌtə ŋwə lootə ŋwaa wi.

Reveleyshən 19:9

Nshiiŋii Nwi yɔ́ gi tɨ́ mə laa mə nyɔꞌ laa, «Mənɔŋ-bwaŋnə lùu tɨ́ vɨɨ mbɨə faŋ Nwi tii vəŋ maa yitianə wee-bi-njɨɨ yɔ́,» baa kɨ gì laa, «Luu ŋkee yigisə Nwi yinsəŋ nə.»

Reveleyshən 21:14

Vɨ bɔ̀ŋ mfaysə ŋkɔꞌ yɔ́ nə ŋoꞌsə njɔsə-bɔɔ, faŋ vɨ nyɔ̀ꞌ təzii tə vɨɨ ntɔŋ bi-njɨɨ yɔ́ mbɨɨ yi.

Reveleyshən 21:27

Tuu fa faŋ ŋkə kee lùu kəley me, kee ŋìi taa shɨ yɔ́ me, tɨꞌnə me wə faŋ ŋwə yɨsə vənu vəbwəvə, tɨꞌnə me sɨɨ təba me. Ndɔ ŋii sheꞌ vɨɨ mbɨə faŋ təzii təvəŋ lùu taa ŋwaꞌlə məbwey vəlwaŋ faŋ ŋwə lùu ghɔ bi-njɨɨ yɔ́ nə, ŋii taa shɨ yɔ́.

Reveleyshən 21:9

Nshiiŋii Nwi yimuꞌ fɨ taa ŋwaa nshiisə-ŋiisə Nwi kwatia, faŋ nsə nə kìi vəkay və ŋɨꞌ kwatia nə, jwi yɨ mə, gì laa, «Jwi feenə, mə də wəzwi məndaa wee-bi-njɨɨ ghɔ́ tɨ́ ghɔ.»

Reveleyshən 5:6

Mə kɨ nii yè wə faŋ ŋwə lùu yaa wee-bi-njɨɨ faŋ ŋwə tɨ̀ŋ nɨntəŋ ŋwaa vəŋkaw vɔ́, tɨ́ vətɔ vəbweyvə vɔ́ yishwe nə vɨɨ taa vɔ́ kia ŋwə, bi yɔ́ kəꞌ yaa vɨ nii zɨzwi, ndaw si nə luu shɔ kwatia, nə sɨ ghi kwatia. Luu ŋkee vəzwitə və Nwi kwatia faŋ ŋwə tɔ̀ŋ, mbə gə maa vəshəŋ vənshə fɨ taa mbi.

Reveleyshən 5:8

Ŋwə jwi fi nɨniŋ, vətɔ vəbweyvə vɔ́ yishwe nə vɨɨ taa vì njɔsə-yishwe muu-mbɔɔ gu nsi vɨsɨ ŋwə, tɨ́ wə kɨ kii ndəə-ntɨ, wə kɨ kii ndəə-ntɨ, baa nə vəkay faŋ vɨ naysə nə goolə, nə vətɔ lwàŋ taa tey yi, luŋsə baw baw. Vətɔ və luŋsə vɔ́ lùu məshɔꞌtə Nwi, faŋ vɨɨ ley Nwi nə shɔ̀ꞌtə Nwi shɔ nə.

Reveleyshən 6:1

Mə baa kɨ nii yè faŋ bi-njɨɨ yɔ́ shoꞌ mfɔŋ lay fɨ maa vəlay vì kwatia nə, baa zɔ̀ faŋ wə muꞌ fɨ taa ŋwaa vətɔ vəbweyvə vɔ́ yishwe nə, tii laa, «Jwi!» Gɨ yi nə duŋ yaa yibay.

Reveleyshən 6:16

gisə tɨ́ baŋsə nə yighɔsə laa, «Viŋ gukə maa yia, ndɨə yia fɨ ghɔ wə ntɨə faŋ ŋwə duꞌ fuu ŋkaw yizɔ nə, nə fɨ ghɔ bi-njɨɨ yɔ́, faŋ fwi yi shəsə nə,

Reveleyshən 7:14

Mə gì tɨ́ ŋwə laa, «Tɨta ŋwaa, kɨ̀ɨ ghɔ.» Ŋwə gi shee laa, «Lùu vɨɨ mbɨə faŋ vəŋ fùu fɨ taa ŋɨꞌ yiyaŋ, sɔ̀ njwisə vəŋ nə mənshi mə bi-njɨɨ yɔ́, yɨ̀sə nsə ley, buꞌ faŋ vəŋ nə nùŋ fwisə vəŋ maa wə ntɨə faŋ ŋwə nə kù tɔ vəŋ nə.

Reveleyshən 7:17

Lùu nɨniŋ buꞌ laa bi-njɨɨ yɔ́, faŋ ŋwə lùu nɨntəŋ kenə kɔ́ nə, taa kɨ shiinə vəŋ, ndì vəŋ, gə̀ nə vəŋ yɨ koꞌ-fɨ-nsi faŋ muu mə məbwey fùu fɨ fuŋ. Nwi baa tɔ̀ŋsə mənsɨ fɨ sɨ vəŋ laylay.»