Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:18 - Vengo (Babungo)

¹⁸ Tuu wə nə kee ta yè Nwi nə yisɨ me, tɨ̀ lɨꞌ sheꞌ yigɨꞌ Wee Nwi, faŋ ŋwə lùu yɨ fwi tɨta Nwi. Ŋwə jwi də̀ tɨ́ nsiŋ faŋ Nwi lùu.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:18 ပူးပေါင်းရင်းမြစ်များ

Matiu 11:27

Ŋwə nə baa gì laa lee, «Tii ŋwaa nùŋsə vənu vənshə ghɔ mə. Tuu wə kee kɨɨ nə Wee Nwi me, kɨɨ sheꞌ tɨta Nwi kɨ̀ɨ nə ŋwə. Gə fɨ maa tɨta Nwi, tuu wə kee kɨ̀ɨ nə ŋwə me, kɨɨ sheꞌ ŋwiŋ wi kɨ̀ɨ nə ŋwə, nə wə ntɨə faŋ Wee Nwi ghɔ́ kàw maa məbɨ tɨ́ ŋwə.»

Lukas 10:22

Ŋwə baa gì tɨ́ vəŋ laa, «Tii ŋwaa nùŋ vənu vənshə taa ghɔ mə. Wə kee lùu shɔ faŋ ŋwə kɨɨ nə Wee Nwi me, kɨɨ sheꞌ tɨta Nwi. Kaꞌ wə kee kɨ̀ɨ faŋ tɨta Nwi lùu me, tɨ̀ lɨꞌ sheꞌ Wee Nwi ghɔ́, nə wə ntɨə faŋ Wee Nwi ghɔ́ kàw maa məbɨ tɨ́ ŋwə me.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:14

Yigi yɔ́ nə kìasə gù wə, shi taa ŋwaa nsiŋ. Yia ye feenə wi, faŋ tɨta Nwi nə kɔ̀ tɨ́ ŋwə, buꞌ laa ŋwə lùu yigɨꞌ Wee Nwi. Ŋwə kee gəŋsə vɨɨ dɨdɨꞌ, ndɔ lùu wuu yinsəŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 12:41

Aysaya nə gì vənu vɔ́ buꞌ laa ŋwə nə kɨ̀ɨ nə yikwalə Yeso. Ŋwə nəə gisə vənu vɔ́ kɔ̀ŋ Yeso.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 13:23

Wə muꞌ fɨ taa ŋwaa vɨɨ məzwetə nu Yeso nə luu shɔ faŋ ŋwə nə dùꞌ yɨ Yeso. Lùu ŋgwə faŋ Yeso nə kàw ŋwə shɔ̀ɔ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 14:9

Yeso gi tɨ́ ŋwə laa, «Filip, nsiŋ duꞌtə nsiŋ tày dɨdɨꞌ, a kee ta kɨ̀ɨ nə mə yimu? Wə ntɨə faŋ ŋwə yè mə, buu ŋwə yè luu Tii ŋwaa. A sii gì laa mə də Tii ŋwaa tɨ́ viŋ kɨkə?

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 17:26

Mə nə yɨsə vəŋ kɨɨ nə yizii yə; mə ndɔ baa kɨ twelə nu yizii yə tɨ́ vəŋ. Nɨniŋ, ŋkawnə yə faŋ a nə kàw mə nə, lùu taa fwisə vəŋ; nshɨ-tɔ ŋwaa lùu taa fwisə vəŋ nɨzi.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 17:6

Mə nə lèsə ŋiꞌ yizii yə tɨ́ vɨɨ mbɨə faŋ a nə ndì vəŋ fɨ taa mbi nyə̀, kɔ̀ tɨ́ mə nə. Vɨɨ vɔ́ nə luu vɨɨ və, a kɔ vəŋ shee, vəŋ jia nu kə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:11

Ye mɔɔ, mə naysə tɨ́ ghɔ yinsəŋ laa, yia gisə vənu faŋ yia kɨ̀ɨ nə mbə, baa naysə vənu faŋ yia nə yè nə yisɨ. Luu nə, viŋ kee bìŋ yia me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:46

Ŋkə kee də̀ laa wə nə yè Tii ŋwaa me. Ye sheꞌ wə ntiə faŋ ŋwə nə ndɔ̀ fɨ yɨ Nwi, yè Tii ŋwaa.

2 Kɔrintian 4:4

Tɨɨ vəzwitə vəbwəvə faŋ ŋwə sɔꞌ mbi nyə̀, kìasə fwisə vɨɨ vɔ́, laa mbɨꞌtə vəŋ kee ley me, vəŋ kee nùŋ fwisə vəŋ maa Kristo me. Ŋwə yɨ̀ nɨniŋ laa kɨ vəŋ ye məley nu Nwi me, kee kɨ zɔ ntɔŋ yijəə Nwi kɔ̀ŋ Kristo faŋ ŋwə bàw shɔ̀ɔ, baa fɨnə Nwi me.

Kɔlɔsii 1:15

Ŋkɨꞌnə Yeso Kristo luu sheꞌ yaa njyə Nwi, faŋ kaꞌ wə kee ye nshɨ-tɔ Nwi nə sɨ me. Ŋwə nə luu shɔ buu Nwi tey kɨ naysə vətɔ vənshə fɨ taa mbi. Nɨniŋ, ŋwə lùu tɔ tɨ́ vətɔ vənshə faŋ Nwi nə bɔ̀ŋ.

1 Timoti 1:17

Nsiŋ kɨ bəŋsə Nwi, faŋ lùu fwàŋ məsɔꞌ mbi ghee nshə. Ŋwə kee ndɔ ndi me. Wə kee lùu shɔ faŋ ŋwə ye Nwi me. Ŋwə lùu Nwi nɨnɔŋ wi. Nsiŋ kɨ bəŋsə ŋwə, kɔ feenə tɨ́ ŋwə maa vəshi və mbi vənshə, ki kee lùu shɔ me. Ŋkə lùu nɨniŋ.

1 Timoti 6:16

Luu sheꞌ ŋwə nɨnɔŋ wi, faŋ kaꞌ ŋwə kee ku me, shi maa shəŋ ley faŋ ŋkə ley shɔ̀ɔ ki. Tuu wə nə kee ta yè ŋwə me. Kaꞌ tuu wə kee ndɔ ye ŋwə me. Ŋwə kìi wutə kənshə. Nsiŋ kɨ bəŋsə ŋwə. Ŋkə gòꞌsə nɨniŋ.

1 Jɔn 4:12

Viŋ kɔꞌ kɨɨ laa, tuu wə nə kee ta yè Nwi nə yisɨ me. Luu nə, nsiŋ kɨ luu kɨ kaw nə yiŋwaa nyaa-nsiŋ, buu Nwi taa gòꞌ taa fwisə nsiŋ, ŋkawnə yi lwaŋ taa fwisə nsiŋ. Nsiŋ kɨ nii kàw ŋwə nə vɨɨ nə fwi nyaa-nsiŋ yinshə.

1 Jɔn 4:20

Wə kɨ luu kɨ bee weenshu wi, gisə laa yi kaw Nwi, buu ŋwə lùu wuu ba. Wə kɨ luu kee kɨ kaw weenshu wi faŋ ŋwə ye ŋwə nə me, buu kaꞌ ŋwə kàw Nwi kɨkə faŋ ŋwə kee yè Nwi nə me.

1 Jɔn 4:9

Ŋwə nə tɔ̀ŋ yigɨꞌ ŋwiŋ wi mbi laa nsiŋ kii məbwey vəlwaŋ buꞌ ŋwə. Lùu nu ŋkɨə faŋ ŋkawnə Nwi, faŋ Nwi kàw vɨɨ nə, nə fùu yikəꞌ vɨɨ.

1 Jɔn 5:20

Nsiŋ kɔꞌ kɨɨ laa Wee Nwi nə jwì ŋaꞌsə sɨ ŋaa-nsiŋ, tɨ́ kɨ kaꞌ nsiŋ kɨɨ nə Nwi faŋ lùu Nwi yinsəŋ. Nsiŋ lùu fa kəmuꞌ nsiŋ vɨ Nwi yinsəŋ, buꞌ faŋ nsiŋ lùu fa kəmuꞌ nsiŋ vɨ ŋwiŋ wi Yeso Kristo. Yeso lùu Nwi yinsəŋ, məbwey vəlwaŋ ghɔ ŋwə.