Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:14 - Vengo (Babungo)

¹⁴ Yigi yɔ́ nə kìasə gù wə, shi taa ŋwaa nsiŋ. Yia ye feenə wi, faŋ tɨta Nwi nə kɔ̀ tɨ́ ŋwə, buꞌ laa ŋwə lùu yigɨꞌ Wee Nwi. Ŋwə kee gəŋsə vɨɨ dɨdɨꞌ, ndɔ lùu wuu yinsəŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:14 ပူးပေါင်းရင်းမြစ်များ

Matiu 1:16

Jeykob bi Josef, ndəə Meri, faŋ ŋwə nə bì Yeso, faŋ vɨ nəə tii ŋwə nə Kristo nə.

Lukas 2:11

Vɨ bì wuu məbweysə wiŋ ndee ntɨꞌ Deyvid. Ŋwə lùu Kristo, Tɨɨ-mbi.

Lukas 2:7

Ŋwə bi mfɔŋ ŋwiŋ wi, luu wee-wəndɔŋ, ndìŋtə ŋwə taa vəway və njwisə, nùŋ ŋwə taa ŋkɨŋ fazɨ nyaasə taa ta nyaasə. Vəŋ nə shi taa ta nyaasə, buꞌ laa shəŋ nə kee lùu shɔ taa ŋii tɨ́ vəŋ maa məshi shɔ me.

Lukas 9:32

Mbweysə koo Pita ghɔ vəliŋ vi. Luu nə, vəŋ kee bwey me, yè faŋ məley Nwi bee, kia Yeso nə vɨɨ vɔ́ vəbɔɔ faŋ vəŋ nə tɨ̀ŋnə yɨ ŋwə nə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:1

Maa vənzi və mbi, yigi nə luu shɔ. Yigi yɔ́ nə luu shɔ ghɔ Nwi. Yigi yɔ́ nə luu sheꞌ Nwi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 11:40

Yeso gi tɨ́ ŋwə laa, «Maa mə nii gì tɨ́ ghɔ laa a nùŋ fwi maa mə, buu a taa ye yikwalə Nwi.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 14:6

Yeso gi tɨ́ ŋwə laa, «Lùu mə lùu jɨɨ yɔ́. Nu yinsəŋ nə məbwey vəlwaŋ ndɔ fɨ ghɔ mə nɨzi. Kaꞌ wə kee gə ye tɨta Nwi me, maa tɨ̀ lɨꞌ laa ŋwə shɔ̀ɔ fɨ maa mə me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 14:9

Yeso gi tɨ́ ŋwə laa, «Filip, nsiŋ duꞌtə nsiŋ tày dɨdɨꞌ, a kee ta kɨ̀ɨ nə mə yimu? Wə ntɨə faŋ ŋwə yè mə, buu ŋwə yè luu Tii ŋwaa. A sii gì laa mə də Tii ŋwaa tɨ́ viŋ kɨkə?

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 17:22

Yikwalə njyə faŋ a nə kɔ̀ shee nə, mə baa luu kɔ tɨ́ vəŋ, laa vəŋ luu nə fa kəmuꞌ faŋ nsoo lùu nə fa kəmuꞌ nə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 17:24

Tɨta, mə kəə laa vɨɨ mbɨə faŋ a nə kɔ̀ shee nə, ndɔ lùu yia vɨ vəŋ mɔ́ꞌ maa shəŋ ŋkɨə faŋ mə ndɔ lùu shɔ, laa vəŋ ndɔ ye yikwalə njyə faŋ a nə kɔ̀ shee, buꞌ laa a nə kàw mə shù fɨ maa yighee njyə faŋ mbi nyə̀ nə kee ta lùu shɔ me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 18:37

Pilate gi tɨ́ ŋwə laa, «Ŋkə bee nə də̀ laa a luu fwàŋ mu?» Yeso bəŋsə tɨ́ ŋwə laa «A gì yinsəŋ laa mə luu fwàŋ. Nu ŋkɨə faŋ mə jwì ŋkə shɨ nsi luu sheꞌ kəmuꞌ. Ŋkə lùu laa mə də nu ŋkɨə faŋ lùu yinsəŋ tɨ́ vɨɨ. Lùu ŋiꞌ nu ŋkɨə faŋ vɨ nə bì mə taa mbi. Wə tɨ̀ me wə faŋ ŋwə kaw nu yinsəŋ, zɔnə yigisə nyaa.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 2:11

Luu ŋkee mfɔŋ shwenə nu shuu yɔŋ faŋ Yeso nə yɨ̀sə, ntɨꞌ Kana shɨ Galilii. Nɨniŋ, ŋwə tey kɨ də yikwalə yi tɨ́ vɨɨ mbɨə faŋ vəŋ nə yè nu kɔ́ nə. Vɨɨ məzwetə nu ki, biŋ ŋwə, nùŋsə fwisə vəŋ maa ŋwə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:16

Nwi nə kàw mbi dɨdɨꞌ, tɔ̀ŋ yigɨꞌ ŋwiŋ wi laa, vɨɨ vənshə faŋ vəŋ nùŋ fwisə vəŋ maa ŋwə, kee ndɔ ndi me, zɨ̀ məbwey vəlwaŋ faŋ ŋwə gòꞌsə yighee muꞌ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:18

Wə ntɨə faŋ ŋwə nùŋ fwi yi maa ŋwə, kee ndɔ ŋii taa nsɔꞌ Nwi me. Wə ntɨə faŋ ŋwə kee biŋ ŋwə me, buu vɨ duꞌtə vɨ sɔꞌ ŋwə, buꞌ faŋ ŋwə kee bìŋ yizii yigɨꞌ Wee Nwi me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:51

Lùu mə lùu fazɨ kɔ́ faŋ ŋkə ndɔ̀ fɨ yizɔ nə, faŋ ŋkə kɔ məbwey tɨ́ vɨɨ. Wə kɨ luu zɨ̀ fazɨ kɔ́, buu ŋwə bwèy yighee muꞌ. Fazɨ kɔ́ faŋ mə taa kɔ tɨ́ vɨɨ laa vəŋ bwey, lùu mbasə ŋwaa ŋwaa.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:32

Nɨniŋ, viŋ taa kɨɨ nə nu ŋkɨə faŋ ŋkə luu nu yinsəŋ. Nu yinsəŋ kɔ́ yɨ viŋ kee baa lùu vəbuꞌ me.»

Akts 13:33

Nwi yɨ̀sə ŋkə fuu ntee vɨsɨ nsiŋ, vaŋ vəŋ, faŋ ŋwə nə ywèysə Yeso fɨ shɨ yiku, faŋ vɨ nə nyɔ̀ꞌ taa ŋwaꞌlə Sam, vəwaytə vəbɔɔ. Vɨ nyɔꞌ shɔ laa Nwi gi laa, «A lùu ŋwiŋ ŋwaa, bì mə bì ghɔ ndee.»

Roma 8:3

Nshɨ-tɔ Nwi yɨ̀ nu ŋkɨə faŋ nə kaꞌ ntɨsə sɔ́ kee yɨ̀ me, buꞌ laa mbasə ŋwaa vɨɨ bəə ŋay. Nwi nə yɨ̀ nu kɔ́ faŋ ŋwə nə tɔ̀ŋ ŋkee ŋwiŋ wi, ŋwə jwi gù ŋkee yaa wə, fɨnə mbasə ŋwaa ŋwaa-nsiŋ vəyɨ-kəbwə. Ŋwə nə yɨ̀ nɨniŋ buꞌ nu bwə, shìa nsɔꞌ tɔ nu bwə ŋkɨə faŋ ŋkə lùu taa mbasə ŋwaa wə.

Roma 9:5

Vətɨɨ vaŋ-nsiŋ lùu ŋiꞌ ŋii vəŋ, nshɨ-tɔ Kristo nə fùu fɨ ŋiꞌ ŋii vəŋ yaa wə. Nsiŋ kɨ bəŋsə Kristo faŋ luu Nwi faŋ ŋwə kwàlə shɔ̀ɔ mbi yinshə, kee mè me. Ŋkə lùu nɨniŋ.

1 Kɔrintian 15:47

Mfɔŋ wə nə ndɔ̀ fɨ shɨ nsi, Nwi nə bɔ̀ŋ ŋwə nə shɔꞌ. Wə ŋgwii-wə faŋ ŋwə nə bèꞌsə nə, nə ndɔ luu fɨ yizɔ.

2 Kɔrintian 12:9

Luu nə, Nwi bəŋsə shee laa, bàw mə ŋaytə sheꞌ buꞌ gəŋ si, faŋ yi gàŋtə mə shɔ nə, buꞌ laa wutə ki wèꞌ taa ŋwaa wə ntɨə faŋ ŋwə bɨbwa. Nɨniŋ, mə koꞌsə ŋwaa sheꞌ maa bəə ŋay kaŋ, tɨ́ kaꞌ wutə Kristo ŋìi taa ŋwaa mə, shìinə mə.

Galatia 4:4

Luu nə, Nwi kɨ nii tɔ̀ŋ ŋwiŋ wi taa mbi maa yighee njyə faŋ Nwi nə tə. Wəzwi mɔ́ꞌ gɔ ŋwə, bì ŋwə. Ŋwə nəə beꞌsə ntɨsə nsɨə faŋ Nwi nə kɔ̀ tɨ́ vɨɨ Jus nə nɨzi.

Efesɔs 3:8

Nwi nə kɔ̀ faꞌ Nwi ghɔ́ ŋkee tɨ́ mə, faŋ mə luu ŋkee wuu tɨtiꞌ fɨ taa ŋwaa vɨɨ ley Nwi, laa mə kɨ saynə ntɔŋ yijəə Kristo yɔ́ faŋ luu ŋkee nu kwalə nə, taa ŋwaa vɨɨ tətɔŋ fu,

Kɔlɔsii 1:19

Nə luu nɨniŋ taa ŋkɨɨ Nwi, laa vənu vənshə luu sheꞌ taa ŋwaa Yeso.

Kɔlɔsii 2:3

Luu sheꞌ Kristo faŋ ŋwə luu ŋkwa faŋ ŋwə ŋaꞌsə jɨɨ tɨ́ vɨɨ, laa vəŋ kii tɔ ley yinsəŋ, baa kɨ̀ɨ nə vənu ŋkee jəə. Kəŋ tɔ ley kɔ́ kìi sey tɨ́ vɨɨ.

Kɔlɔsii 2:9

Viŋ kɔꞌ kɨɨ laa nshɨ-tɔ Nwi nə wutə ki kənshə lùu taa ŋwaa Kristo.

1 Timoti 3:16

Nu məbəŋsə Nwi luu ŋkee nu kwalə, kaꞌ wə kee twey me, faŋ ŋkə kɔlə ndènə fɨ yikəꞌ vɨɨ nə. Nu kwalə kɔ́ lùu laa, «Wuu məbweysə ŋwaa-nsiŋ, nə gù wə, fùu yikəꞌ vɨɨ. Nu ki fuu kəloomə buꞌ Zwitə Ley ki. Nshiisə-ŋiisə Nwi ye ŋwə. Vɨɨ fɨꞌtə nu ki taa ŋwaa vɨɨ tətɔŋ fu. Vɨɨ fɨ taa mbi yinshə nuŋ fwisə vəŋ maa ŋwə. Nwi ndi ŋwə, koꞌ nə ŋwə taa yizɔ, yɨ̀sə ŋwə kwalə.»

Hibru 1:3

Wee Nwi ghɔ́ lùu məley Nwi; wutə Nwi taa ŋwaa ŋwə. Ŋkɨꞌnə yi lùu yaa njyə Nwi. Kìi ŋwə kìi wutə maa mbi yinshə sheꞌ fɨ maa yigisə yi. Ŋwə lòotə jɨɨ, sɔ̀ yibɨsə vɨɨ laa vəŋ ley. Ŋwə baa luu koꞌ gə̀ yizɔ, dùꞌ maa kwiŋ maꞌnə Nwi, faŋ ŋwə sɔ̀ꞌ vətɔ vənshə.

Hibru 1:5

Nwi nə gì tɨ́ ŋwə laa, «A lùu ŋwiŋ ŋwaa. Nshɨ-tɔ ŋwaa nə bì ghɔ ndee.» Nwi nə baa luu gì tɨ́ ŋwə laa, «A lùu ŋwiŋ ŋwaa, mə luu tii wə.» Nshiiŋii Nwi kee lùu shɔ, faŋ Nwi nə gì kəŋ nu ghɔ́ tɨ́ ŋwə me. Nwi nə gì nɨniŋ sheꞌ tɨ́ ŋwiŋ wi Yeso Kristo.

Hibru 10:5

Lùu faŋ vɨ nyɔ̀ꞌ taa ŋwaꞌlə Nwi laa, yighee njyə faŋ Kristo nəə kəə jwi shɨ nsi, ŋwə nə gì tɨ́ Nwi laa, «A kee kàw ndey faŋ vɨ fèꞌ nə mənshi mə nyaa nə me. Luu nə, a bɔ̀ŋ ŋwaa ŋwaa shee.

Hibru 2:11

Yeso yɨsə vɨɨ duꞌ vəley vɨsɨ Nwi. Vɨɨ mbɨə faŋ Yeso yɨ̀sə vəŋ duꞌ vəley nə, ghɔ nshɨ-tɔ Yeso kìi Tɨɨ vəŋ muꞌ. Lùu ŋiꞌ nu ŋkɨə faŋ Yeso tii vəŋ nə vaŋ-nshwi vi. Tɔ ki kee dɨ̀ɨ shɔ me.

Hibru 5:5

Ŋkə nə luu sheꞌ nɨndɨŋ maa Kristo; ŋwə nə kee kòꞌsə ŋwaa wi laa ŋwə gu wuu kwalə məfeꞌ Nwi me. Nə gì Nwi tɨ́ ŋwə laa, «A lùu ŋwiŋ ŋwaa. Bì mə bì ghɔ ndee.»

1 Jɔn 4:14

Viŋ kɔꞌ kɨɨ laa yia nə yè nə sɨ, baa fɨꞌtə tɨ́ vɨɨ, faŋ tɨta Nwi nə tɔ̀ŋ ŋwiŋ wi laa ŋwə lùu wuu məbweysə ŋwaa-nsiŋ.

1 Jɔn 4:9

Ŋwə nə tɔ̀ŋ yigɨꞌ ŋwiŋ wi mbi laa nsiŋ kii məbwey vəlwaŋ buꞌ ŋwə. Lùu nu ŋkɨə faŋ ŋkawnə Nwi, faŋ Nwi kàw vɨɨ nə, nə fùu yikəꞌ vɨɨ.

2 Jɔn 1:7

Viŋ kɔꞌ kɨɨ laa vɨɨ məbweꞌsə vɨɨ fùu taa mbi vəyaŋ, faŋ vəŋ kee bìŋ laa Yeso Kristo lùu wuu məbweysə ŋwaa-nsiŋ me, faŋ ŋwə ndɔ̀ fɨ ghɔ Nwi me, baa nə laa ŋwə kee jwi mbi gù fa fənshi yaa wə me. Kəŋ wə ghɔ́ lùu wuu məbweꞌsə vɨɨ, baa lùu wuu mbeenə Kristo.

Reveleyshən 19:13

Ŋwə mɔ́ꞌ njwi faŋ vɨ shù taa mənshi. Vɨ tii yizii yi laa «Yigisə-Nwi».

Reveleyshən 21:3

Mə zɔ gɨ wə gi fɨ fuu kenə kɔ́ nəŋay laa, «Viŋ ye vəbee və Nwi taa ŋwaa vɨɨ. Nwi ndɔ kɨ shi taa ŋwaa vəŋ, vəŋ luu ŋgwisə vɨɨ vi. Ŋkee nshɨ-tɔ Nwi lùu ghɔ vɨ vəŋ,