Jeyms 3:18 - Vengo (Babungo)

¹⁸ Vɨɨ vɔ́ faŋ vəŋ jwi nə mənɔŋ-bwaŋnə nə, yɨsə laa vɨɨ duꞌ nə mənɔŋ-bwaŋnə, ndɔ ye laa jəə fuu fɨ taa vəfaꞌ vəvəŋ, sheꞌ yaa vətɔ yaa kɨ ta fɨ maa ŋgwisə vətɔ vɔ́ faŋ vɨ nə bìa taa nsi.

Jeyms 3:18 ပူးပေါင်းရင်းမြစ်များ

Matiu 5:9

Mənɔŋ-bwaŋnə tɨ́ vɨɨ məbwasə nu, fɔnə Nwi taa ndi vəŋ yaa vaŋ vi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 4:36

Yighee jwi kùꞌ laa wə ntɨə faŋ ŋwə shwi say, kii vəndɔꞌnə vi. Vəndɔꞌnə vi lùu laa ŋwə baytə vɨɨ laa vəŋ jwi kìi məbwey vəlwaŋ. Nɨniŋ, wə ntɨə faŋ ŋwə yaa bia, nə wə ntɨə faŋ ŋwə shɨshwi, kìi məŋaytə shəŋ muꞌ.

Galatia 6:8

Wə ntɨə faŋ ŋwə yɨsə vənu sheꞌ maa nshɨ-tɔ wi, ŋwə ndɔ ndi. Gə fɨ maa wə ntɨə faŋ ŋwə yɨsə vənu buꞌ Zwitə Nwi, ŋwə ndɔ zɨ məbwey vəlwaŋ faŋ ŋwə ndɔ̀ fɨ maa Zwitə Nwi.

Filipi 1:11

Vənu vəjəəvə ndɔ lwaŋ taa ŋwaa viŋ, viŋ kii nshinə yijəə faŋ nyə ndɔ̀ fɨ ghɔ Yeso Kristo. Nɨniŋ, vɨɨ ye yikwalə Nwi fɨ fuŋ, bəŋsə ŋwə.

Hibru 12:11

Luu nə, maa yighee njyə faŋ nsiŋ ye ŋɨꞌ, nsiŋ bɨꞌtə laa lùu nu məluŋ, kee lùu nu məŋaytə me. Lùu nɨniŋ maa ŋɨꞌ tɨ̀ me ŋɨꞌ. Luu nə, ŋɨꞌ yɔ́ taa mè, nsiŋ ye laa vɨɨ mbɨə faŋ vəŋ nə kà fwi maa yighee ŋɨꞌ yɔ́, zwètə maa məduꞌ nə məduꞌ-nyɔŋ, yɨsə vənu vəjəəvə.

Jeyms 1:20

Mə gì nɨniŋ buꞌ laa wə ntɨə faŋ fwi yi shə, kee yaa kɨ yɨsə nu loomə vɨsɨ Nwi me.