Jeyms 3:17 - Vengo (Babungo)

¹⁷ Yitɔfə njyə faŋ nyə ndɔ fɨ ghɔ Nwi, lùu nɨŋkwiŋ. Wə ntɨə faŋ ŋwə kìi kəŋ tɔ ley kɔ́, lùu wuu ley. Ŋwə jwi nə mənɔŋ-bwaŋnə tɨ́ vɨɨ, yɨ jəə, kee kìi məshii me, kee gəŋsə vɨɨ ŋkee dɨdɨꞌ, yɨsə vənu vəjəəvə ghee nshə, kee shia nsɔꞌ tɔ wə me, kee bweꞌsə wə me.

Jeyms 3:17 ပူးပေါင်းရင်းမြစ်များ

Matiu 23:28

Luu sheꞌ faŋ viŋ dùꞌ yikəꞌ vɨɨ, yaa vɨɨ faŋ vənu vəvəŋ lùu vəloomə. Luu nə, məfuŋsə ŋwaa nə nu mətwey ntɨsə Nwi lwàŋ taa fwisə viŋ.

Matiu 5:8

Mənɔŋ-bwaŋnə tɨ́ vɨɨ mbɨə faŋ fwisə vəŋ lùu səley, fɔnə vəŋ ndɔ gə ye Nwi.

Matiu 5:9

Mənɔŋ-bwaŋnə tɨ́ vɨɨ məbwasə nu, fɔnə Nwi taa ndi vəŋ yaa vaŋ vi.

Lukas 21:15

buꞌ laa nshɨ-tɔ ŋwaa ndɔ kɨ kwaŋ yigisə tɔ ley shuu viŋ, faŋ kaꞌ tuu ŋkee wuu mbeenə wiŋ kee ndɔ tɨŋnə, kɨ bəŋsə nu tɨ́ viŋ me.

Lukas 6:36

Viŋ kɨ kee gəŋsə vɨɨ, sheꞌ faŋ Nwi, tɨta wiŋ, kee gəŋsə vɨɨ nə.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:14

Yigi yɔ́ nə kìasə gù wə, shi taa ŋwaa nsiŋ. Yia ye feenə wi, faŋ tɨta Nwi nə kɔ̀ tɨ́ ŋwə, buꞌ laa ŋwə lùu yigɨꞌ Wee Nwi. Ŋwə kee gəŋsə vɨɨ dɨdɨꞌ, ndɔ lùu wuu yinsəŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:47

Nataniel jwi yɨ Yeso. Yeso ye ŋwə, gì tɨ́ ŋwə laa, «A luu wuu Isirayl yinsəŋ, nu məbweꞌsə wə kee lùu taa fwi ghɔ me.»

Akts 11:24

Barnabas nə luu ŋkee wuu jəə, Zwitə Ley Nwi lwaŋ taa fwi ŋwə. Ŋwə nuŋ fwi yi yinshə maa Kristo. Nɨniŋ, vɨɨ vəyaŋ kuꞌsə maa nwaa vɨɨ məbiŋ Kristo.

Akts 9:36

Sheꞌ maa yighee yɔ́ wəzwi mɔ́ꞌ nə luu shɔ ntɨꞌ Jɔpa, yizii yi luu Tabita, ŋiꞌ yizii yi yɔ́ lùu laa fəshwi. Ŋwə nə luu wuu məbiŋ nu Yeso, ndì yighee yinshə maa məyɨ vənu vəjəəvə maa vɨɨ.

Roma 12:18

Viŋ kəə jɨɨ maa məduꞌ nyɔŋ viŋ vɨ vɨɨ vənshə. Kɨ ŋgaasə ndɔ fɨ kwiŋ viŋ me.

Roma 12:9

Viŋ kɨ kaw vɨɨ, kee kaw nə njyoꞌ səbɔɔ me. Viŋ bee nu bwə, jìa luu nu faŋ lùu nu jəə.

Roma 15:14

Vaŋ-nshwi vaŋ, mə kɔꞌ kɨɨ fɨ taa fwi mə laa, nu jəə lwàŋ taa fwisə viŋ nɨzi. Viŋ kɔꞌ kɨɨ nə vənu və Kristo vənshə ŋkee vəley, kɨɨ maa mətɨsə yiŋwaa yiŋ.

1 Kɔrintian 12:8

Wə mɔ́ꞌ kìi yigisə tɔ-ley faŋ kɔ̀ Zwitə Nwi tɨ́ ŋwə. Wə mɔ́ꞌ kɨɨ gi kɔ̀ŋ nu Nwi ŋkee jəə, faŋ də̀ sheꞌ Zwitə Nwi kɔ́ də̀ nu kɔ́ tɨ́ ŋwə nɨzi.

2 Kɔrintian 10:1

Mə Pɔɔl kəə kee vənu tɨ́ viŋ kɔ̀ŋ nu Kristo faŋ ŋwə zutə ndɔ sàylə. Mə faŋ viŋ gisə laa mə bwasə ŋwaa ŋwaa nsi, vɨsɨ viŋ yighee njyə faŋ nsiŋ lùu mɔ́ꞌ, baa nə laa, yighee njyə faŋ mə ndɔ fɨ yɨ viŋ, buu fwi nyaa weꞌ maa viŋ.

2 Kɔrintian 6:6

Yia toꞌ nə nshinə yijəə, kwaꞌtə nu Nwi, jia fwi sia, toꞌ fɨ taa bwaŋnə taa ŋwaa vɨɨ. Zwitə Ley Nwi shiŋnə yia. Yia kaw vɨɨ nə fwi yiley,

2 Kɔrintian 7:11

Maa viŋ yè faŋ ŋkee məluŋ ghɔ́, faŋ viŋ nə lùŋ maa jɨɨ Nwi nə, nə yɨ̀sə viŋ ŋɨɨlə maa nu jəə. Viŋ bìŋ nu bwə kiŋ. Nu bwə bɨ tɨ́ viŋ, viŋ fee Nwi. Jɨŋ yia za viŋ, viŋ kɨɨtə buꞌ yia, kwàŋ nsɔꞌ maa wuu məyɨ nu bwə wì. Maa vənu vənshə viŋ yɨ̀ jəə, tɨ́ kaꞌ mə kɨ̀ɨ laa viŋ lèy fɨ maa nsɔꞌ yɔ́ yighee muꞌ.

2 Kɔrintian 9:10

Nɨniŋ, Nwi faŋ ŋwə yaa kɨ gaa ŋgwisə vətɔ tɨ́ vɨɨ məbia, baa nə bee maa məzɨ, taa kɔ ŋgwisə vətɔ tɨ́ viŋ nɨzi, yɨsə mbə ta, tɨ́ kaꞌ viŋ kɨ kɔ, nu kiŋ lùu kəloomə.

Efesɔs 5:9

Faŋ viŋ lùu taa məley ghɔ́, buu viŋ taa kɨ yɨsə vənu vəjəəvə, nə vənu vəloomə, nə vənu və yinsəŋ.

Filipi 1:11

Vənu vəjəəvə ndɔ lwaŋ taa ŋwaa viŋ, viŋ kii nshinə yijəə faŋ nyə ndɔ̀ fɨ ghɔ Yeso Kristo. Nɨniŋ, vɨɨ ye yikwalə Nwi fɨ fuŋ, bəŋsə ŋwə.

Filipi 4:8

Vaŋ-nshwi vaŋ, vəndwə və yigi vaŋ lùu laa, viŋ nuŋsə mbɨꞌtə yiŋ sheꞌ maa nu ŋkɨə faŋ ŋkə lùu yinsəŋ, nə ŋkɨə faŋ ŋkə kùꞌnə tɨ́ vɨɨ Nwi, nə ŋkɨə faŋ ŋkə lùu kəloomə, baa lùu kəley, baa nə maa vənu mbɨə faŋ mbə kɔ məŋaytə tɨ́ vɨɨ, baa suŋtə vɨɨ. Vənu vəjəəvə vənshə, nə mbɨə faŋ mbə jwi nə məbəŋsə tɨ́ Nwi, lùu vənu mbɨə faŋ viŋ taa kɨ bɨꞌtə mbə.

Kɔlɔsii 1:10

Nu tɔ ley kɔ́ taa yɨsə laa viŋ kɨ toꞌ nə nshinə yiŋ, faŋ nyə bàw tɨ́ tɨta Kristo, kùꞌnə tɨ́ vɨɨ faŋ vəŋ beꞌsə ŋwə nə. Viŋ kɨ yɨsə vənu vəjəəvə jɨɨsə səyaŋ, baa kɨ̀ɨ nə Nwi ŋkee jəə.

1 Tesalonika 2:7

faŋ yia nə kɔlə kìi wutə buꞌ laa yia lùu vɨɨ ntɔŋ Kristo. Yia nəə bwasə yiŋwaa yia nsi, kɨꞌ viŋ faŋ nsiŋ nə luu mɔ́ꞌ nə, sheꞌ yaa nshu weembwa yaa kɨ kɨꞌ ŋwiŋ wi nə.

1 Timoti 5:21

Mə naysə tɨ́ ghɔ ŋkee nə wutə vɨsɨ Nwi nə Yeso Kristo nə nshiisə-ŋiisə Nwi, faŋ Nwi nə shoꞌ vəŋ nə, laa a kɨ yɨsə nu kɔ́ nɨniŋ. Kaa kɨ bɨbɨꞌtə me, kee kɨ yɨ nu maa fəntɔ fə yisɨ me.

2 Timoti 2:24

Bàw laa wuu faꞌ tɨta Kristo bwaŋnə tɨ́ vɨɨ vənshə, kee kɨ nywenə nywaŋsə me. Bàw ŋwə kɨɨ maa mədeesə nu Nwi jəə, jia fwi faŋ vɨ kɔ ŋɨꞌ tɨ́ ŋwə.

Taytəs 1:15

Vənu vənshə ley tɨ́ vɨɨ mbɨə faŋ fwisə vəŋ lèy. Luu nə, tuu ŋkee nu kəmuꞌ kee lèy tɨ́ vɨɨ mbɨə faŋ fwisə vəŋ kee lùu səley me, baa nə tɨ́ vɨɨ mbɨə faŋ vəŋ kee nùŋ fwisə vəŋ maa Kristo me. Vənu mbɨə faŋ kəŋ vɨɨ vɔ́ bɨꞌtə nə, bɨ. Fwisə vəŋ bɨ nɨzi.

Taytəs 3:2

Kɨ vəŋ kɨ ndasə vɨɨ me, kee kəə nsɔꞌ me, yɨsə vənu vənshə maa jɨɨ yijəə, duꞌ bwaŋnə ghɔ vɨ vɨɨ vənshə.

Hibru 12:11

Luu nə, maa yighee njyə faŋ nsiŋ ye ŋɨꞌ, nsiŋ bɨꞌtə laa lùu nu məluŋ, kee lùu nu məŋaytə me. Lùu nɨniŋ maa ŋɨꞌ tɨ̀ me ŋɨꞌ. Luu nə, ŋɨꞌ yɔ́ taa mè, nsiŋ ye laa vɨɨ mbɨə faŋ vəŋ nə kà fwi maa yighee ŋɨꞌ yɔ́, zwètə maa məduꞌ nə məduꞌ-nyɔŋ, yɨsə vənu vəjəəvə.

Hibru 12:14

Viŋ kəə jɨɨsə maa məduꞌ nyɔŋ viŋ vɨ vɨɨ vənshə. Viŋ kɨ faꞌ nə wutə, tɨ́ kaꞌ viŋ kɨ shi nshinə faŋ lùu nshinə yiley vɨsɨ Nwi. Viŋ kɔꞌ kɨɨ laa kaꞌ wə kee ndɔ gə yè Nwi, maa kɨ shi nshinə yɔ́ me.

Jeyms 1:17

Vətɔ vəjəəvə vənshə faŋ vɨ kɔ tɨ́ viŋ, nə vəkeynə viŋ vənshə faŋ mbə bàw, ndɔ fɨ yizɔ fɨ ghɔ Nwi faŋ ŋwə lùu tɨɨ təkiꞌ fɨ yizɔ. Nshɨ-tɔ Nwi kee yaa kɨ kiasə me, kee kwiinə me, yaa shɨshwi yaa kiasə, ndɨŋ gu, vədɨꞌ fə̀ŋ me.

Jeyms 1:5

Tɔ ley kɨ luu bə̀ə fɨ ghɔ wə mɔ́ꞌ fɨ taa ŋwaa viŋ maa yighee məmɔŋ, ŋwə ndwàŋ fɨ ghɔ Nwi faŋ ŋwə kɔ tɨ́ vɨɨ vənshə ghee nshə nə fwi yi yimuꞌ, kee sɨ̀ŋtə me. Nwi taa kɔ tɔ ley tɨ́ wə ghɔ́ faŋ ŋwə ndwaŋ nə.

Jeyms 2:13

Nwi ndɔ kee kee gəŋsə wə ntɨə faŋ ŋwə kee yaa kɨ kee gəŋsə vɨɨ me. Luu nə, wuu məkee gəŋsə ndɔ ye laa gəŋsə Nwi kwalə shɔ̀ɔ nsɔꞌ Nwi.

Jeyms 2:4

buu fwi siŋ gàasə vəway vəbɔɔ, viŋ shia nsɔꞌ tɔ ŋwə, yɨ nu bwə.

Jeyms 3:15

Kəŋ tɔ ley kɔ́ kee ndɔ fɨ ghɔ Nwi me, nyə ndɔ fɨ shɨ nsi. Lùu nu vɨɨ mbi yibwə, baa lùu nu zwitə bwə,

Jeyms 4:8

Viŋ shəŋtə gə yɨ Nwi, buu Nwi taa kɨ shəŋtə jwi yɨ viŋ nɨzi. Viŋ sɔ ghɔ ghiŋ mɔɔ, viŋ vəyɨ-kəbwə! Viŋ yɨsə fwi siŋ ley mɔɔ, viŋ vɨɨ fwisə bɔɔ!

1 Pita 1:22

Nɨniŋ, viŋ kaw nə yiŋwaa yiŋ, viŋ viŋ, kee bwa me! Viŋ kaw nə yiŋwaa yiŋ nə fwi yimuꞌ, buꞌ laa viŋ bìŋ maa məyɨ vənu vəjəəvə, tɨ́ kaꞌ fwi siŋ lèy. Viŋ kɨ kaw vaŋ-nshwi viŋ, kee seesə me!

1 Pita 2:1

Nɨniŋ, viŋ meꞌtə nu fwi yibwə, nə nu məbweꞌsə vɨɨ, nə nu məboꞌ ŋwaa, nə nu fəsə, nə ghaŋ bwənə.

1 Pita 2:18

Gə fɨ maa viŋ, vɨɨ faꞌ taa ŋii, bàw viŋ suꞌsə yiŋwaa yiŋ nsi, jìa ghuu vətɨɨ və faꞌ viŋ, kɨ zɔnə vəŋ ghee nshə. Viŋ zɔnə vəŋ faŋ vəŋ kìi too jəənə, baa zɔnə vɨɨ mbɨə faŋ vəŋ shɨshəsə nɨzi.

1 Jɔn 3:18

Nɨniŋ, vaŋ vaŋ, kɨ nsiŋ baa kɨ kaw vaŋ-nshwi vaŋ-nsiŋ sheꞌ fɨ shuu nə yigi me! Bàw nsiŋ kɨ kaw vəŋ maa vənu mbɨə faŋ nsiŋ yɨsə, nə fwi yiley.

1 Jɔn 3:3

Wə ntɨə faŋ ŋwə jìa fwi yi, kɨ kɨꞌ nu kɔ́ fɨ ghɔ Nwi, yɨsə laa fwi yi ley sheꞌ faŋ njii lèy.