Jeyms 3:15 - Vengo (Babungo)

¹⁵ Kəŋ tɔ ley kɔ́ kee ndɔ fɨ ghɔ Nwi me, nyə ndɔ fɨ shɨ nsi. Lùu nu vɨɨ mbi yibwə, baa lùu nu zwitə bwə,

Jeyms 3:15 ပူးပေါင်းရင်းမြစ်များ

Lukas 16:8

Ŋwə nə yɨ̀ nɨniŋ, tɨɨ faꞌ wi bəŋsə yitɔfə yi, faŋ ŋwə kɔlə kee lùu wuu yinsəŋ nə me. Maa vɨɨ fɨ taa mbi yibwə nyə̀ kɨɨ yɨsə nu nə yitɔfə ghɔ vəliŋ vəvəŋ, shɔ̀ɔ vɨɨ mbɨə faŋ vəŋ toꞌ fɨ taa məley Nwi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:17

Nwi nə kee tɔ̀ŋ ŋwiŋ wi shɨ nsi, laa ŋwə ndisə vɨɨ shɨ nsi me. Ŋwə nə tɔ̀ŋ ŋwiŋ wi maa məbweysə vɨɨ, laa vɨɨ bwey buꞌ ŋwə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:44

Tii wiŋ lùu Satan, tɨɨ vəzwitə vəbwəvə. Viŋ yɨsə sheꞌ vənu mbɨə faŋ tii wiŋ Satan kàw. Shù fɨ maa vənzi, Satan nə luu wuu məzwilə vɨɨ. Ŋwə kee kàw yinsəŋ me, nu yinsəŋ kee lùu taa fwi ŋwə tuu kəmuꞌ me. Ŋwə gisə sɨɨ sheꞌ ba, yuu nshinə yi dùꞌ, buꞌ laa ŋwə lùu wuu ba, baa lùu tɨɨ təba.

Akts 13:10

«A lùu wee zwitə bwə, faŋ təba nə mənay lwàŋ taa ŋwaa ghɔ. A lùu wuu mbeenə nu loomə. Nə kɨ kaꞌ a kee mèꞌtə kee kɨ bùulə jɨɨ tɨta Nwi faŋ nyə lùu yineꞌtə nə yimu?

Roma 1:22

Vəŋ gisə laa vəŋ lùu vɨɨ tɔ ley, luu nə, vəŋ gu vəmfaw.

1 Kɔrintian 1:27

Nwi nə shòꞌ luu vɨɨ faŋ vɨ tii vəŋ nə vəmfaw taa mbi nyə̀, tɨ́ kaꞌ tɔ dɨɨ ndɔ luu tɨ́ vɨɨ mbɨə faŋ vəŋ gì laa vəŋ lùu vɨɨ tɔ-ley. Nwi baa shòꞌ vɨɨ mbɨə faŋ vəŋ kee kìi wutə me, tɨ́ kaꞌ tɔ dɨɨ lùu tɨ́ vɨɨ mbɨə faŋ vəŋ gì laa vəŋ kìi wutə.

1 Kɔrintian 2:14

Wə ntɨə faŋ ŋwə kee kìi Zwitə Nwi taa fwi ŋwə me, kaꞌ ŋwə kee bìŋ vənu mbɨə faŋ mbə ndɔ fɨ ghɔ Zwitə Nwi me. Kəŋ wə ghɔ́ kaꞌ ŋwə kee kɨ̀ɨ nə vənu vɔ́ me. Ŋkə lùu tɨ́ ŋwə yaa vənu və vəmfaw, buꞌ laa luu sheꞌ Zwitə Nwi faŋ ŋkə yaa kɨ yɨsə wə kɨ̀ɨ nə kəŋ vənu ghɔ́.

1 Kɔrintian 3:19

Mə gì nɨniŋ buꞌ laa vənu faŋ mbi ndɨ̀ yaa vənu və tɔ-ley, lùu vənu və vəmfaw vɨsɨ Nwi. Lùu nu yinsəŋ faŋ vɨ nyɔ̀ꞌ taa ŋwaꞌlə Nwi laa, «Nwi kɔꞌsə vɨɨ tɔ-ley maa nu tɔ-ley vəŋ.»

1 Kɔrintian 3:3

buꞌ laa viŋ kɨ bii shi nshinə yiŋ yaa vɨɨ fɨ taa mbi. Viŋ kɨ bii nə fəsə baa nə ntaysə taa ŋwaa viŋ. Ŋkə də̀ laa mbɨꞌtə yiŋ kɨ bii yaa njyə vɨɨ fɨ taa mbi, viŋ toꞌ yaa vɨɨ fɨ taa mbi.

2 Kɔrintian 1:12

Nu ŋkɨə faŋ kaꞌ yia koꞌsə ŋwaa shɔ, lùu laa tɔ kia bìŋ laa ghuu yitoꞌ kia fɨ taa mbi nə bàw, baa ley vɨsɨ Nwi. Yia nəə kee toꞌ nə yitɔfə vɨɨ fɨ taa mbi me, toꞌ sheꞌ faŋ Nwi nə də̀ tɨ́ yia, faŋ ŋwə nə kèe gəŋ sia nə. Yia nəə toꞌ nɨniŋ fɨ taa mbi nyə̀, toꞌ nɨniŋ ŋkee jəə taa ŋwaa viŋ.

2 Kɔrintian 11:3

Nɨniŋ, mə fɨfee laa vɨ taa buulə fwi yiŋ nɨzi, viŋ kee baa kàw Kristo nə fwi yimuꞌ yiley me, sheꞌ faŋ zɔ yì nə bwèꞌsə Eva nə mənay wi.

Filipi 3:19

Vəŋ ndɔ ŋii taa nsɔꞌ Nwi, ndì. Vəŋ kàw sheꞌ maa məzɨ shɨ. Nu kɔ́ lùu tɨ́ vəŋ yaa Nwi vəŋ. Vəŋ koꞌsə ŋwaa buꞌ vənu faŋ bee kii lùu vənu və tɔ dɨɨ. Vəŋ bɨꞌtə sheꞌ vənu və shɨ nsi.

2 Tesalonika 2:9

Ndɔ yɨsə Satan, tɨɨ vəzwitə vəbwəvə, laa wuu ndwaŋ ghɔ́ fuu taa mbi, kɨ yɨsə vənu və shuu yɔŋvə vənshə, nə vəshwenə nə vənu və yifiŋtə, faŋ lùu sheꞌ vənu və təba.

1 Timoti 4:1

Zwitə Ley Nwi gì maa yigisə yileynə laa, ndɔ luu maa yighee shə, vɨɨ mɔ́ꞌ meꞌ nu Kristo faŋ nsiŋ nùŋ fwi saŋ-nsiŋ shɔ nə, nùŋsə fwisə vəŋ maa nu vəzwitə mbɨə faŋ mbə bweꞌsə vɨɨ, baa nə maa vənu faŋ vəzwitə vəbwəvə deesə tɨ́ vɨɨ.

Jeyms 1:17

Vətɔ vəjəəvə vənshə faŋ vɨ kɔ tɨ́ viŋ, nə vəkeynə viŋ vənshə faŋ mbə bàw, ndɔ fɨ yizɔ fɨ ghɔ Nwi faŋ ŋwə lùu tɨɨ təkiꞌ fɨ yizɔ. Nshɨ-tɔ Nwi kee yaa kɨ kiasə me, kee kwiinə me, yaa shɨshwi yaa kiasə, ndɨŋ gu, vədɨꞌ fə̀ŋ me.

Jeyms 1:5

Tɔ ley kɨ luu bə̀ə fɨ ghɔ wə mɔ́ꞌ fɨ taa ŋwaa viŋ maa yighee məmɔŋ, ŋwə ndwàŋ fɨ ghɔ Nwi faŋ ŋwə kɔ tɨ́ vɨɨ vənshə ghee nshə nə fwi yi yimuꞌ, kee sɨ̀ŋtə me. Nwi taa kɔ tɔ ley tɨ́ wə ghɔ́ faŋ ŋwə ndwaŋ nə.

Jeyms 3:17

Yitɔfə njyə faŋ nyə ndɔ fɨ ghɔ Nwi, lùu nɨŋkwiŋ. Wə ntɨə faŋ ŋwə kìi kəŋ tɔ ley kɔ́, lùu wuu ley. Ŋwə jwi nə mənɔŋ-bwaŋnə tɨ́ vɨɨ, yɨ jəə, kee kìi məshii me, kee gəŋsə vɨɨ ŋkee dɨdɨꞌ, yɨsə vənu vəjəəvə ghee nshə, kee shia nsɔꞌ tɔ wə me, kee bweꞌsə wə me.

Ŋwaꞌlə Jud 1:19

Vɨɨ vɔ́ jwì nə ŋgaasə taa ŋwaa vɨɨ Nwi. Sɔꞌ zwitə mbi yibwə sɔꞌ vəŋ. Zwitə Ley Nwi kee bee lùu taa ŋwaa vəŋ me.

Reveleyshən 12:9

Vɨ ndi nshɨ zɔ-ŋgu-yibay ghɔ́, mɔ̀ꞌ shɨ nsi. Luu ŋkee zɔ yimwa yɔ́ faŋ vɨ tìi nə tɨɨ vəzwitə vəbwəvə, baa nə Satan, wuu məbweꞌsə mbi yinshə. Ŋwə fiŋ fɨ taa yizɔ, fìŋ shɨ nsi, ghɔ vɨ nshiisə-ŋii si.

Reveleyshən 2:24

Gə fɨ maa viŋ, bətə vɨɨ fɨ shɨ Tiateyra, faŋ viŋ kee bìŋ nu kɔ́ me, mə kee taa kɔ ntɨ yiday tɨ́ viŋ me, buꞌ laa viŋ kee kɨ̀ɨ nə ŋiꞌ nu njyoꞌ Satan kɔ́ me, faŋ vɨɨ mbii-wə gisə laa vəŋ kɨɨ nə ŋiꞌ nu nə.

Reveleyshən 9:11

Fwàŋ ŋweysə sɔ́ nə luu tɨɨ wee-nsi bay. Yizii yi maa ghaŋ Hibru lùu laa Abadɔn; yizii yi maa ghaŋ Griis lùu laa Apɔliɔn, faŋ lùu laa wuu məbɨsə.