Jeyms 2:23 - Vengo (Babungo)

²³ Lùu ŋiꞌ nu ŋkɨə faŋ vɨ nə nyɔ̀ꞌ taa ŋwaꞌlə Nwi laa, «Abraham nə bìŋ Nwi, buu Nwi kɨ nii ndì ŋwə yaa wuu ley,» baa nə laa, «Nwi ndì Abraham maa wuumba wi.»

Jeyms 2:23 ပူးပေါင်းရင်းမြစ်များ

Mark 12:10

Yeso nə gì yigisə tii yɔ́, kɨ nii gì tɨ́ vəŋ laa, «Maa viŋ ta tìi shəŋ ŋwaꞌlə Nwi ŋkɨə faŋ ŋkə gì laa, «Ŋoꞌ njyə faŋ vɨɨ məbɔŋ ndɔꞌ twèy nyə, kìasə gu ŋoꞌ maa məbɔŋ mfay ŋii.

Mark 15:27

Vɨ nə baa bèy vəndɔꞌ vəmɔ́ꞌ vəbɔɔ, wuu mɔ́ꞌ maa kwiŋ maꞌ Yeso, wuu mɔ́ꞌ maa kwiŋ ŋkwii. [

Lukas 4:21

Ŋwə zi kɨ gisə tɨ́ vəŋ laa, «Nu ŋkɨə faŋ vɨ nə nyɔ̀ꞌ maa shəŋ ŋwaꞌlə kə̀, fàynə ndee, faŋ viŋ nii zɔ nə.»

Akts 1:16

Ŋwə gi laa, «Vaŋ-nshwi vaŋ, nu ŋkɨə faŋ ŋkə lùu taa ŋwaꞌlə Nwi kɔ̀ŋ nu Judas, faŋ ŋwə nə də̀ jɨɨ tɨ́ vɨɨ mbɨə faŋ vəŋ nə jìa Yeso nə, fàynə, buꞌ laa Zwitə Nwi nə duꞌtə ŋkə kwaŋ nu kɔ́ taa yigisə fwàŋ Deyvid yighee vɨsɨ, ŋwə naysə tɨ́ vɨɨ.

Roma 11:2

Nwi kee bee mèꞌ ŋgwisə vɨɨ vi faŋ ŋwə nə kɨ̀ɨ nə vəŋ shù fɨ yighee vɨsɨ nə me. Maa viŋ kɨ̀ɨ nə nu ŋkɨə faŋ ŋkə lùu taa ŋwaꞌlə Nwi kɔ̀ŋ Elias, faŋ ŋwə nəə kəə kwaŋ vɨɨ Isirayl taa nsɔꞌ tɨ́ Nwi.

Roma 9:17

Maa ŋwaꞌlə Nwi gisə kɔ̀ŋ fwàŋ Farao laa, (Nwi gi laa,) «Ŋiꞌ nu ŋkɨə faŋ mə nə nùŋ ghɔ shɔ, lùu laa mə də wutə kaŋ tɨ́ vɨɨ buꞌ ghɔ, baa nə laa vɨ zɔnə yizii nyaa taa mbi yinsəŋ.»

Galatia 3:22

Vɨ bee kii nyɔ̀ꞌ taa ŋwaꞌlə Nwi laa wutə nu bwə sɔꞌ mbi yinshə. Nɨniŋ laa Nwi kɔ mənɔŋ-bwaŋnə wi faŋ ŋwə nə kɔ̀ꞌnə nə, sheꞌ tɨ́ vɨɨ mbɨə faŋ vəŋ nùŋ fwi vəŋ maa Yeso Kristo.

Galatia 3:6

Luu sheꞌ faŋ nu Abraham nə lùu, yuu vɨ nə nyɔ̀ꞌ taa ŋwaꞌlə Nwi laa, «Abraham nə nùŋ fwi yi maa Nwi, buu Nwi ndi ŋwə yaa wuu loomə.»

2 Timoti 3:16

Vəŋwaꞌlə vənshə faŋ Nwi nə yɨ̀sə vɨɨ nyɔꞌ fɨ maa Zwitə ki bàw, baa gàŋtə vɨɨ, deesə nu Nwi tɨ́ vəŋ, ŋaꞌsə sɨ vəŋ maa ŋiꞌ nu vəŋ, tɨ́ kaꞌ vəŋ kwìinə fwisə vəŋ, mèꞌtə nu bwə vəŋ. Mbə baa bɔ̀ŋsə vəŋ maa yitɔfə vəŋ maa məkɨɨ nə nu ŋkɨə faŋ ŋkə lùu kəloomə.

Jeyms 2:24

Bàw viŋ ye laa, luu buꞌ vənu vəjəəvə faŋ wə yɨsə, laa Nwi ndi ŋwə yaa wuu ley. Kee luu sheꞌ buꞌ məbiŋ wi me.

1 Pita 2:6

Maa vɨ nə nyɔ̀ꞌ taa ŋwaꞌlə Nwi laa, Nwi gì laa, «Viŋ zɔ! Mə nùŋsə ŋoꞌ yimɔ́ꞌ shɨ Zayon, faŋ mə nə shoꞌ laa lùu nyaa, ŋkee ŋoꞌ mfay ŋii yijəə. Wə ntɨə faŋ ŋwə nùŋ fwi yi maa ŋoꞌ yɔ́, kaꞌ tɔ ki kee ndɔ dɨɨ me.»