Jeyms 2:20 - Vengo (Babungo)

²⁰ A luu mfaw, bàw a kɨɨ laa, wə kɨ luu biŋ Nwi, kee kɨ yɨsə nu ŋkɨə faŋ Nwi gì me, buu lùu nu dayday.

Jeyms 2:20 ပူးပေါင်းရင်းမြစ်များ

Roma 1:21

Lùu nɨniŋ buꞌ laa vəŋ nəə kɔꞌ kɨɨ laa Nwi lùu shɔ, kee bee bəŋsə ŋwə yaa Nwi me, kee bwaŋ ŋwə me, bɨꞌtə sheꞌ vənu vədayday. Nɨniŋ, mbɨꞌtə vəŋ luu njyə ŋkɔmə fɨ taa fwisə vəŋ.

Roma 3:28

Nɨniŋ, nsiŋ biŋ laa, nu wə yaa kɨ kiasə loomə, buꞌ faŋ ŋwə nùŋ fwi yi maa Yeso, kee lòomə buꞌ laa jɨɨsə vənu vi kùꞌnə maa ntɨsə Nwi me.

Roma 9:20

Aŋ ghɔ, wə mənsaw, a sii lùu ndə, buu kɨ kəə shɔɔnə nə yigisə viŋ Nwi. Kaꞌ fa gì tɨ́ mboo yi laa, a bɔ̀ŋ mə tɨ́ nee buꞌ kə mu?

Galatia 5:6

Kɨ ghaŋ nsiŋ faynə nsiŋ vɨ Kristo, buu nu məsɨɨtə wə kee baa lùu nu me. Faŋ vɨ sɨ̀ɨtə wə, nə faŋ vɨ kee yisɨɨtə me, luu sheꞌ fa kəmuꞌ, ŋkwiinə kee lùu shɔ me. Nu ŋkɨə faŋ ŋkə lùu kəweꞌ, lùu laa nsiŋ biŋ Yeso Kristo, nùŋ fwi saŋ-nsiŋ maa ŋwə, baa kii ŋkawnə.

Galatia 6:3

Wə kɨ luu kɨ bɨꞌtə laa yi lùu nu, faŋ ŋwə lùu wuu dayday, buu ŋwə bweꞌsə ŋwaa wi.

Kɔlɔsii 2:8

Viŋ ndɨɨnə laa kɨ wə jwi bweꞌsə viŋ, jia viŋ nə yitɔfə fɨ taa mbi nyə̀ me, tɨꞌnə me, nə yigisə dayday faŋ nyə ndɔ̀ fɨ ghɔ nuŋsə vɨɨ me, tɨꞌnə me, fɨ maa vəwutə və mbi me. Təgi tɔ́ kee ndɔ̀ fɨ ghɔ Kristo me.

1 Timoti 1:6

Vɨɨ mɔ́ꞌ mèꞌ jɨɨ yɔ́, jìa nu day, gisə vənu vədayday.

Taytəs 1:10

Vɨɨ vəyaŋ shɔ faŋ vəŋ ndì wutə, gisə yigisə dayday, buulə yitɔ yi vɨɨ. Vɨɨ mbɨə faŋ vəŋ bɨ shɔ̀ɔ taa ŋwaa vəŋ, lùu mbɨə faŋ vəŋ fùu fɨ taa ŋwaa vɨɨ mbɨə faŋ vɨ nə sɨ̀ɨtə vəŋ nə.

Jeyms 1:26

Wə kɨ luu bɨ̀ꞌtə laa yi lùu wuu Nwi, kee jìa nditə ki me, buu ŋwə bweꞌsə fwi yi, məbiŋ wi laa yi lùu wuu Nwi, lùu dayday.

Jeyms 2:17

Luu sheꞌ nɨndɨŋ maa məbiŋ Nwi. Wə kɨ luu bìŋ nu Nwi, kee kɨ yɨsə nu ŋkɨə faŋ Nwi kəə me, buu məbiŋ wi ghɔ́ lùu nu yɔŋ.

Jeyms 2:26

Maa ŋwaa wə faŋ zwitə ki kee lùu shɔ me lùu ŋku wə. Sheꞌ nee, wə faŋ ŋwə bìŋ nu Nwi, kee kɨ yɨsə nu ŋkɨə faŋ Nwi kəə me, buu nu məbiŋ ki lùu ŋku nu nɨzi.