Jeyms 2:19 - Vengo (Babungo)

¹⁹ A biŋ laa Nwi lùu shɔ, baa nə laa Nwi luu sheꞌ muꞌ. Ŋkə lùu kəjəə. Luu nə, ŋkee vəzwitə vəbwəvə bìŋ maa nu kɔ́ nɨzi, kɨ fee, lɔꞌ.

Jeyms 2:19 ပူးပေါင်းရင်းမြစ်များ

Matiu 8:29

Vəŋ yumə laa, «Nsiŋ sii kìi kə, Wee Nwi? A jwì feenə, jwi kɔ ŋɨꞌ tɨ́ yia, buu yighee taa kuꞌ mu?»

Mark 1:24

«A sii taa yɨ kə nə yia, Yeso, wuu Nazaret. A jwi zwilə yia mu? - Mə kɔꞌ kɨɨ nə wə ntɨə faŋ lùu ghɔ; a luu ŋkee Wee Nwi, wuu məbweysə mbi.»

Mark 12:29

Yeso bəŋsə tɨ́ ŋwə laa, «Njyə vɨsɨ lùu laa, «Viŋ zɔ mɔɔ, vɨɨ Isirayl, tɨta Nwi lùu Nwi ŋwaa-nsiŋ. Luu sheꞌ ŋwə lùu Nwi.

Mark 5:7

yùmə ŋkee nəŋay, gì laa, «Sɨ kìi kə, Yeso, Wee Nwi Nshɔɔ-mbi? Maa yizii Nwi, mə buꞌ ghɔ, kɨ ghaysə mə me!»

Mark 7:9

Yeso baa gì tɨ́ vəŋ laa, «Lùu jɨɨ yijəə faŋ viŋ twey ntɨsə Nwi maa mənuŋ nuŋsə yiŋ mu?

Lukas 4:34

«Aŋ ghɔ, Yeso, wuu Nazaret, a kìi kə maa məyɨ nə yia? A jwì ndisə yia mu? Mə kɔꞌ kɨɨ nə wə ntɨə faŋ lùu ghɔ; a luu ŋkee wuu ley Nwi.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 17:3

Məbwey ghɔ́ faŋ ŋwə gòꞌsə yighee muꞌ nə, lùu faŋ vɨ kɨɨ nə ghɔ, faŋ a lùu Nwi yinsəŋ nɨnɔŋ, baa kɨ̀ɨ nə mə, Yeso Kristo, faŋ a nə tɔ̀ŋ mə nə.

Akts 16:17

Wəzwi ghɔ́ beꞌsə Pɔɔl ghɔ vɨ vɨɨ vi, toꞌ yumə laa, «Vɨɨ və̀ lùu vɨɨ faꞌ Nwi kwalə fɨ yizɔ, vəŋ dəsə jɨɨ, tɨ́ kaꞌ viŋ shɔ̀ɔ fuŋ, ndɔ̀ bwèy.»

Akts 19:15

Vəŋ nə gì nɨniŋ tɨ́ zwitə bwə mɔ́ꞌ, zwitə bwə kɔ́ bəŋsə tɨ́ vəŋ laa, «Mə kɔꞌ kɨɨ nə Yeso, baa kɨ̀ɨ nə Pɔɔl. Gə fɨ maa viŋ, viŋ sii lùu ndə?»

Akts 24:25

Pɔɔl gi kɔ̀ŋ nu məyɨ nu loomə, nə nu məmeꞌtə vənu vəmɔ́ꞌ, baa kɔ̀ŋ shi nsɔꞌ Nwi faŋ ŋkə ndɔ jwi maa yighee yiba. Goməna ghɔ́ fee, gì laa bàw ŋwə gə ndwə, laa yi ndɔ baa kii yighee, buu baa tii ŋwə.

Roma 3:30

Lùu nɨniŋ buꞌ laa Nwi luu sheꞌ muꞌ, yɨsə vənu və vɨɨ Jus faŋ vɨ sɨ̀ɨtə vəŋ nə, kiasə lòomə, faŋ vəŋ nùŋ fwisə vəŋ maa Kristo. Ŋwə baa yɨsə vənu və vɨɨ tətɔŋ fu faŋ vɨ kee sɨ̀ɨtə vəŋ nə me, kiasə lòomə nɨzi, buꞌ faŋ vəŋ nùŋ fwisə vəŋ maa ŋwə.

1 Kɔrintian 8:4

Gə fɨ maa fazɨ ŋkɨə faŋ vɨ kɔ tɨ́ vənwi vədayday nə, viŋ kɨɨ laa vənwi vədayday kee lùu fa faŋ ŋkə lùu kəbwey me. Viŋ baa gisə laa Nwi luu sheꞌ muꞌ.

1 Kɔrintian 8:6

nsiŋ kɔꞌ kɨɨ laa Nwi luu sheꞌ muꞌ. Lùu ŋwə lùu Tii ŋwaa-nsiŋ. Bɔ̀ŋ ŋwə bɔ̀ŋ vətɔ vənshə. Ŋwə baa bɔ̀ŋ nsiŋ, laa nsiŋ kɨ kɔ feenə tɨ́ ŋwə. Wə ntɨə faŋ ŋwə kìi nsiŋ, luu sheꞌ muꞌ, lùu Yeso Kristo. Nwi nə shɔ̀ɔ fɨ yiba jɨŋ ŋwə, buu bɔŋ vətɔ vənshə. Məbwey ŋwaa-nsiŋ ndɔ̀ fɨ ghɔ ŋwə.

Galatia 3:20

Kɨ luu wə luu shɔ faŋ ŋwə tɨ̀ŋnə nɨntəŋ, buu ŋkə də̀ laa ŋwə tɨ̀ŋ maa yizii vɨɨ vəbɔɔ. Luu nə, gə fɨ maa ŋkɔꞌnə njyə faŋ Nwi kɔ̀ꞌnə tɨ́ Abraham nə, luu sheꞌ Nwi nɨnɔŋ, faŋ ŋkɔꞌnə yɔ́ ndɔ̀ fɨ ghɔ ŋwə nə.

1 Timoti 2:5

Nwi luu sheꞌ muꞌ. Wə ntɨə faŋ ŋwə fàynə vɨɨ ghɔ vɨ Nwi luu sheꞌ muꞌ nɨzi, lùu Yeso Kristo, wuu məbweysə ŋwaa-nsiŋ.

Jeyms 2:8

Bàw viŋ nuŋsə ntɨ njyə faŋ luu ntɨ yikwalə fɨ taa ŋwaꞌlə Nwi! Nyə lùu laa, «Kɨ kaw wənjɨɨ wə yaa nshɨ-tɔ wə!»

Ŋwaꞌlə Jud 1:4

Mə gì nɨniŋ buꞌ laa vɨɨ mɔ́ꞌ shɔ faŋ vəŋ kee kɨ̀ɨ nə Nwi me. Vəŋ ŋìi taa ŋwaa viŋ fɨ yiba, kəə jɨɨsə maa məkwiinə jɨɨ njyə faŋ Nwi kee gəŋ saŋ-nsiŋ nə. Vəŋ kwiinə jɨɨ yɔ́ maa məyɨsə vənu vəbwəvə faŋ fwisə vəŋ kàw. Vəŋ twey ŋkee Yeso Kristo nɨzi, faŋ ŋwə luu ŋkee Tii ŋwaa-nsiŋ faŋ ŋwə sɔꞌ nsiŋ. Vɨ nə nyɔ̀ꞌ taa ŋwaꞌlə Nwi fɨshi laa, Nwi ndɔ kwaŋ kəŋ vɨɨ vɔ́ taa nsɔꞌ.

Ŋwaꞌlə Jud 1:6

Nu mɔ́ꞌ lùu nu nshiisə-ŋiisə Nwi, faŋ vəŋ nə kee dùꞌ maa shəŋ ŋkɨə faŋ Nwi nə nùŋ vəŋ shɔ me. Vəŋ nyɨŋkə fɨ maa shəŋ kɔ́, Nwi kɨ nii mèꞌ vəŋ, kwaŋ vəŋ ŋkee taa mfiŋsə, ka vəŋ nə vəsumə və bwey, mbə goꞌsə yighee muꞌ, ndɔ gə zìꞌ maa shi kwalə ŋkɨə faŋ Nwi ndɔ sɔꞌ mbi.

Reveleyshən 20:10

Vɨ mɔꞌ tɨɨ vəzwitə vəbwəvə, faŋ ŋwə nə bwèꞌsə vɨɨ vɔ́ nə, taa shəŋ wisə kwalə, faŋ ŋwə kɨɨ, lumə ki zwilə vɨɨ nə, maa shəŋ ŋkɨə faŋ nyaa yi ghɔ wuu məsɨɨ təba wi lùu shɔ nɨzi nə. Vəŋ ye ŋɨꞌ shɔ vətuꞌ nə shɨshwi maa vəshi və mbi vənshə, ki kee ndɔ luu shɔ me.