Jeyms 2:18 - Vengo (Babungo)

¹⁸ Kaꞌ wə mɔ́ꞌ gì shee laa, «A fàꞌ tɨ́ Nwi, gə̀ fɨ maa mə, mə nùŋ fwi nyaa maa Nwi.» Nɨniŋ, sii kaꞌ a də̀ kɨkə faŋ a nùŋ fwi yə maa Nwi, faŋ a kee yɨ vənu vəjəəvə me. Gə fɨ maa mə, kaꞌ mə də̀ tɨ́ ghɔ laa mə nùŋ fwi nyaa maa Nwi fɨ maa vənu vəjəəvə vaŋ faŋ mə yɨsə.

Jeyms 2:18 ပူးပေါင်းရင်းမြစ်များ

Roma 14:23

Kɨ luu wə zɨ fa, faŋ ŋwə kɔlə bɨꞌtə fɨ taa fwi ŋwə laa ŋkə kee kùꞌnə maa məyɨsə nɨniŋ me, buu ŋwə gù nsɔꞌ, buꞌ faŋ ŋwə yɨ̀ nu faŋ ŋwə kee biŋ laa lùu nu jəə me. Vənu vənshə faŋ wə yɨsə, faŋ ŋwə kee biŋ laa lùu nu jəə me, buu lùu nu bwə.

Roma 3:28

Nɨniŋ, nsiŋ biŋ laa, nu wə yaa kɨ kiasə loomə, buꞌ faŋ ŋwə nùŋ fwi yi maa Yeso, kee lòomə buꞌ laa jɨɨsə vənu vi kùꞌnə maa ntɨsə Nwi me.

Roma 4:6

Luu sheꞌ faŋ fwàŋ Deyvid nə gì laa Nwi tu mənɔŋ-bwaŋnə tɔ wə ntɨə faŋ Nwi gì laa vənu vi loomə̀, faŋ wə ghɔ́ nə kee bee faꞌ vəfaꞌ vəjəəvə maa məbɔŋsə vənu vi me.

Roma 8:1

Nɨniŋ, vɨɨ mbɨə faŋ vəŋ fàynə ghɔ vɨ Yeso Kristo, kaꞌ vəŋ kee ndɔ baa gu nsɔꞌ ndì me.

Roma 9:19

Kaꞌ yighee mɔ́ꞌ a taa gi shee laa, «Nwi sii baa shə̀ tɨ́ wə buꞌ kə? Sii kaꞌ fə̀ŋ ndə fə̀ŋ nu ŋkɨə faŋ ŋwə kəə yɨsə?»

1 Kɔrintian 13:2

Mə kɔlə kìi wutə faŋ kaꞌ mə kɨ twelə yigisə shuu Nwi, tɨꞌnə me kɨɨ nə vənu vənshə faŋ mbə ndènə fɨ ghɔ vɨɨ, tɨꞌnə me kɨɨ nə nu Nwi laylay, tɨꞌnə me nùŋ fwi nyaa maa Nwi ŋkee dɨdɨꞌ, tɨ́ kaꞌ mə yɨ̀sə laa ŋkee baŋsə kwalə muꞌnə, mə nəə toꞌ kɨ̀ɨ nə vənu vɔ́ vənshə, luu nə, kee kìi ŋkawnə maa vɨɨ me, buu lùu nu dayday.

2 Kɔrintian 5:17

Nɨniŋ, wə kɨ luu kìi nu kəmuꞌ ghɔ Kristo, Nwi nàysə ŋwə, ŋwə gu fa fi, vənu vəmwavə vi ndì, gù vəfi.

2 Kɔrintian 7:1

Vɨɨmba vaŋ, faŋ nsiŋ kìi ŋkɔꞌnə nyə̀ nee nə, bàw nsiŋ kiasə yiŋwaa fɨ maa nu bwə tɨ̀ me nu bwə, faŋ ŋkə lùu taa ŋwaa wə, tɨꞌnə me taa zwitə ki. Nsiŋ kɨ yɨ laa nshinə nyaa-nsiŋ taa mètə lèy vɨsɨ Nwi. Nsiŋ yɨ̀ nɨniŋ, fee Nwi.

Galatia 5:6

Kɨ ghaŋ nsiŋ faynə nsiŋ vɨ Kristo, buu nu məsɨɨtə wə kee baa lùu nu me. Faŋ vɨ sɨ̀ɨtə wə, nə faŋ vɨ kee yisɨɨtə me, luu sheꞌ fa kəmuꞌ, ŋkwiinə kee lùu shɔ me. Nu ŋkɨə faŋ ŋkə lùu kəweꞌ, lùu laa nsiŋ biŋ Yeso Kristo, nùŋ fwi saŋ-nsiŋ maa ŋwə, baa kii ŋkawnə.

1 Timoti 1:5

Ŋkee ŋiꞌ nu Nwi lùu laa, nsiŋ kɨ kaw nə yiŋwaa nyaa-nsiŋ nə fwi yiley. Nsiŋ kii ŋkawnə yɔ́ faŋ nu kaŋ-nsiŋ lùu kəley, buꞌ faŋ nsiŋ nùŋ fwi saŋ-nsiŋ maa Kristo ŋkee maa yinsəŋ.

Taytəs 2:7

Nuŋsə ŋwaa wə laa a luu mfɨꞌ nu tɨ́ vəŋ maa vənu vənshə, mbə kɨ baw. Deesə sheꞌ nu yinsəŋ tɨ́ vɨɨ, faŋ a deesə nu Nwi tɨ́ vəŋ. Deesə nu Nwi nə fwi yimuꞌ,

Hibru 11:31

Gə fɨ maa Rahab, wəzwi sakə wì, faŋ ŋwə nə shi Jeriko nə, ŋwə nə nùŋ fwi yi maa Nwi, buu nyɨŋ fɨ ghɔ yiku, maa yighee njyə faŋ vɨ nə ndìsə vɨɨ vənshə faŋ vəŋ nə kee bìŋ Nwi me. Ŋwə nə kee yiku me, buꞌ laa ŋwə nə ndì ŋkisə vɨɨ Isirayl, nùŋ taa ŋii ŋwə nə fwi yijəə.

Hibru 11:33

Vəŋ vənshə nə nùŋ fwisə vəŋ maa Nwi, faŋ vəŋ nə tùŋ yighaw ghɔ vɨ məshɨ məmɔ́ꞌ, ghɔꞌ vəŋ. Vəŋ nə sɔ̀ꞌ maa jɨɨ yijəə. Vətɔ faŋ Nwi nə kɔ̀ꞌnə maa məkɔ tɨ́ vəŋ, nə zìꞌ ghɔ vəŋ. Nwi nə yɨ̀ laa kɨ vəbikəə kwə vəŋ me.

Hibru 11:6

Kaꞌ wə kee bàwsə too Nwi, tɨ̀ lɨꞌ laa ŋwə nùŋ fwi yi maa Nwi me. Lùu nɨniŋ buꞌ laa wə kɨ luu kəə jwi yɨ Nwi, ŋwə fɔŋ biŋ laa Nwi lùu shɔ, baa nùŋ fwi yi maa Nwi laa Nwi taa kɨ yɨ jəə maa vɨɨ mbɨə faŋ vəŋ kəə Nwi.

Jeyms 2:14

Vaŋ-nshwi vaŋ, wə kɨ luu gi laa yi bìŋ Nwi, kee kɨ yɨsə nu ŋkɨə faŋ Nwi kəə me, buu kaꞌ ŋkə taa gaŋtə ŋwə nə kə? Kaꞌ məbiŋ wi ghɔ́ bweysə ŋwə kɨkə?

Jeyms 3:13

Wuu tɔ ley fɨ taa ŋwaa viŋ, faŋ ŋwə toꞌ nə yitɔfə nɨzi, lùu ndə? Bàw ŋwə kɨ toꞌ yitoꞌ yijəənə, yɨ vənu vəjəəvə, sùꞌsə ŋwaa wi nsi, maa mədə tɔ ley ki.