Jeyms 1:27 - Vengo (Babungo)

²⁷ Wə kɨ luu kɨ kəə lùu wuu Nwi leyley, faŋ nu bwə ki kee lùu yikəꞌ tɨta Nwi me, bàw ŋwə kɨ kɨꞌ vaŋ vəti ghɔ vəki ŋkusə maa ŋɨꞌ vəŋ, baa shiinə ŋwaa wi laa kɨ vətɔ və shɨ nsi bɨsə fwi yi me.

Jeyms 1:27 ပူးပေါင်းရင်းမြစ်များ

Matiu 12:32

Kɨ luu wə gi nu bwə tɔ Wuu yinsəŋ Nwi, buu Nwi taa ndenə nu kɔ́. Luu nə, wə kɨ luu gì nu bwə tɔ Zwitə Ley Nwi, buu kaꞌ Nwi kee ndènə nu kɔ́ maa ŋuꞌsə mbi sə̀ me, kee bee ndɔ ndenə maa ŋuꞌsə mbi nsɨə faŋ nsə ndɔ jwi nə me.

Matiu 5:8

Mənɔŋ-bwaŋnə tɨ́ vɨɨ mbɨə faŋ fwisə vəŋ lùu səley, fɔnə vəŋ ndɔ gə ye Nwi.

Lukas 1:6

Vənu vəvəŋ nə luu vəloomə yikəꞌ Nwi. Vəŋ nə toꞌ ghuu yitoꞌ vəŋ maa ntɨsə Nwi sənshə, yɨsə vənu vənshə faŋ Nwi nə nùŋsə. Tuu nu nə kee lùu shɔ faŋ vəŋ gù me.

Roma 12:2

Kɨ viŋ kɨ toꞌ ghuu yitoꞌ kiŋ maa jɨɨ mbi nyə̀ me. Viŋ bee kii kwìinə fwi siŋ nə mbɨꞌtə yiŋ, kɨ kwaꞌtə nu ŋkɨə faŋ Nwi kəə laa viŋ kɨ yɨ. Nɨniŋ laa viŋ kɨ yɨsə nu faŋ ŋkə lùu kəjəə, baa ndɨŋ tɨ́ Nwi, nə ŋkɨə faŋ ŋkə bàw shɨlə.

Roma 2:13

Wə kee lùu wuu loomə vɨsɨ Nwi, buꞌ faŋ ŋwə nə zɔ̀ ntɨsə Nwi me. Ŋwə loomə buꞌ faŋ ŋwə yɨsə nu ŋkɨə faŋ ntɨsə sɔ́ gì nə.

Galatia 1:4

Yeso Kristo nə kɔ̀ tɔ ki buꞌ vənu vəbwəvə vaŋ-nsiŋ maa məyɨ laa nsiŋ fuu fɨ ghɔ vənu vəbwəvə fɨ taa mbi nyə̀, faŋ lùu mbi yibwə nə. Ŋkə nə gày sheꞌ faŋ Nwi, Tii ŋwaa-nsiŋ, nəə kəə nɨniŋ.

Galatia 3:11

Yia kɔꞌ kɨɨ laa, wə kee lùu shɔ faŋ kaꞌ ŋwə nùŋsə ntɨsə sənshə ghee nshə, tɨ́ kaꞌ Nwi kɨ nii ndì ŋwə yaa wuu ley me. Luu sheꞌ faŋ vɨ nyɔ̀ꞌ taa ŋwaꞌlə Nwi laa, «Lùu vɨɨ mbɨə faŋ vəŋ nùŋ fwi vəŋ maa Nwi, lùu vɨɨ ley tɨ́ Nwi, faŋ vəŋ ndɔ zɨ məbwey vəlwaŋ fɨ ghɔ Nwi.»

Galatia 5:6

Kɨ ghaŋ nsiŋ faynə nsiŋ vɨ Kristo, buu nu məsɨɨtə wə kee baa lùu nu me. Faŋ vɨ sɨ̀ɨtə wə, nə faŋ vɨ kee yisɨɨtə me, luu sheꞌ fa kəmuꞌ, ŋkwiinə kee lùu shɔ me. Nu ŋkɨə faŋ ŋkə lùu kəweꞌ, lùu laa nsiŋ biŋ Yeso Kristo, nùŋ fwi saŋ-nsiŋ maa ŋwə, baa kii ŋkawnə.

Galatia 6:14

Gə fɨ maa mə, luu sheꞌ fa kəmuꞌ faŋ kaꞌ ŋkə yɨsə mə koꞌsə ŋwaa; fa kɔ́ lùu fəŋkɔꞌ fə ŋkɨꞌsə fə tii ŋwaa-nsiŋ Yeso Kristo, faŋ ŋkə yɨsə laa vənu və mbi nyə̀ kukə sɨ mə. Mə kee shi mbi buꞌ vənu vɔ́ me.

Efesɔs 2:2

Yighee vɨsɨ yɔ́, viŋ nəə shɔɔ fɨ maa jɨɨsə bwəsə taa mbi, zɔnə tɨɨ vəzwitə vəbwəvə fɨ taa mbi faŋ ŋwə sɔꞌ vɨɨ mbɨə faŋ vəŋ twey nu Nwi ndwə nə.

1 Timoti 1:5

Ŋkee ŋiꞌ nu Nwi lùu laa, nsiŋ kɨ kaw nə yiŋwaa nyaa-nsiŋ nə fwi yiley. Nsiŋ kii ŋkawnə yɔ́ faŋ nu kaŋ-nsiŋ lùu kəley, buꞌ faŋ nsiŋ nùŋ fwi saŋ-nsiŋ maa Kristo ŋkee maa yinsəŋ.

1 Timoti 5:4

Kɨ luu zu ŋku kìi vaŋ vi, tɨꞌnə me vaŋ vaŋ vi, bàw laa vaŋ vɔ́ bɨ zwetə maa məfee Nwi fu vəŋ, bəŋsə vənu vəjəəvə tɨ́ vənshwi vəvəŋ, buꞌ laa luu ŋkee nu ŋkɨə faŋ ŋkə kùꞌnə tɨ́ Nwi.

Taytəs 2:12

Ŋkə də̀ jɨɨ tɨ́ nsiŋ maa məmeꞌ nu mətwey Nwi, meꞌ nu məkaw vətɔ və taa mbi, baa nə laa nsiŋ toꞌ ghuu yitoꞌ kaŋ-nsiŋ taa mbi nyə̀ nə yitɔfə, yɨsə vənu vəloomə, fee Nwi.

Jeyms 3:17

Yitɔfə njyə faŋ nyə ndɔ fɨ ghɔ Nwi, lùu nɨŋkwiŋ. Wə ntɨə faŋ ŋwə kìi kəŋ tɔ ley kɔ́, lùu wuu ley. Ŋwə jwi nə mənɔŋ-bwaŋnə tɨ́ vɨɨ, yɨ jəə, kee kìi məshii me, kee gəŋsə vɨɨ ŋkee dɨdɨꞌ, yɨsə vənu vəjəəvə ghee nshə, kee shia nsɔꞌ tɔ wə me, kee bweꞌsə wə me.

Jeyms 3:9

Nsiŋ yaa kɨ bəŋsə Mɔꞌmbi faŋ lùu Tii ŋwaa-nsiŋ nə nditə kaŋ-nsiŋ, ndɔ kɨ ndi sheꞌ nditə kɔ́, ndasə vaŋ-nshwi vaŋ-nsiŋ shɔ, ŋkee vaŋ-nshwi vaŋ-nsiŋ faŋ Nwi nə bɔŋ vəŋ maa ŋkɨꞌnə yi.

Jeyms 4:4

Aŋ viŋ, vɨɨ faŋ viŋ kee nùŋ fwi siŋ maa Nwi me. Maa viŋ kɨɨ laa, wə kɨ luu kɨ kaw vətɔ vɨ shɨ nsi, buu ŋwə lùu wuu mbeenə Nwi. Wə tɨ̀ me wə faŋ ŋwə kwaŋ fwi yi maa vətɔ və shɨ nsi, buu ŋwə lùu wuu mbeenə Nwi.

2 Pita 1:4

Nɨniŋ, ŋwə nə kèy nsiŋ nə vənu vəkwalə mbɨə faŋ ŋwə nə kɔ̀ꞌnə maa məkɔ tɨ́ nsiŋ, faŋ lùu ŋkee sey kwalə tɨ́ nsiŋ. Buꞌ vənu vɔ́, kaꞌ viŋ nyɨŋ fɨ ghɔ vənu vəbwəvə faŋ mbə lùu taa mbi, faŋ lùu mbɨꞌtə vɨɨ məyɨ vənu vəbwəvə. Kaꞌ viŋ bee kii jwi kìi nshinə yaa njyə Nwi.

2 Pita 2:20

Gə fɨ maa vɨɨ mbɨə faŋ vəŋ nə nyɨ̀ŋ vənu vəbwəvə faŋ mbə lùu mbi nə, buꞌ faŋ vəŋ nə kɨ̀ɨ nə tɨta Yeso Kristo faŋ lùu wuu məbweysə vɨɨ nə, kɨ luu laa vəŋ baa bə̀ŋ gə̀ bèꞌsə vənu vəbwəvə vɔ́, ŋìi taa vənu vəbwəvə vɔ́, mbə fi vəŋ, buu ŋkə bɨ̀ maa vəŋ shɔ̀ɔ yighee vɨsɨ faŋ vəŋ nə kee ta kɨ̀ɨ nə Yeso Kristo me.

2 Pita 3:14

Nɨniŋ, vɨɨmba vaŋ faŋ mə kàw, viŋ kɨ luu kɨ kɨꞌ vənu vɔ́, viŋ kəə jɨɨ kɨ yɨ vənu vəjəəvə ghee nshə, laa tuu wee-ndoꞌ kee lùu maa viŋ vɨsɨ Nwi me, tɨ́ kaꞌ viŋ Nwi duꞌ nyɔŋ.

1 Jɔn 5:18

Mə baa lesə tɨ́ viŋ laa, nsiŋ kɔꞌ kɨɨ laa, wə ntɨə faŋ bì Nwi bì ŋwə, kee yaa kɨ yɨ nu bwə me, buꞌ faŋ Wee Nwi shiinə ŋwə. Nɨniŋ, kaꞌ tɨɨ vəzwitə vəbwəvə kee kɔ̀ŋ wə ghɔ́ me.