Jeyms 1:26 - Vengo (Babungo)

²⁶ Wə kɨ luu bɨ̀ꞌtə laa yi lùu wuu Nwi, kee jìa nditə ki me, buu ŋwə bweꞌsə fwi yi, məbiŋ wi laa yi lùu wuu Nwi, lùu dayday.

Jeyms 1:26 ပူးပေါင်းရင်းမြစ်များ

Matiu 15:9

Nɨniŋ, vəŋ bəŋsə mə dayday. Vənu mbɨə faŋ vəŋ deesə, luu sheꞌ nuŋsə wə mənsaw.»

Mark 7:7

Vəŋ bəŋsə mə dayday, buꞌ laa vəŋ deesə vənu yaa ntɨsə Nwi, faŋ lùu sheꞌ ntɨsə vɨɨ.»

Lukas 8:18

Viŋ kɨ tɔfə faŋ viŋ zɔ yigisə nyaa nə. Wə ntɨə faŋ ŋwə kìi, vɨ ndɔ kuꞌsə tɨ́ ŋwə, ŋwə baa kìi shɨshɔɔ. Wə ntɨə faŋ ŋwə kee yikii me, vɨ ndɔ fɨfi ŋkee tɨtiꞌ ŋgwə faŋ ŋwə kii fɨ ghɔ ŋwə.»

1 Kɔrintian 15:15

Nwi nəə toꞌ maa yweysə Kristo me, buu ŋkə nə də̀ nɨzi laa yia lùu vɨɨ məsɨɨ təba kɔ̀ŋ nu Nwi, buꞌ faŋ yia naysə tɨ́ vɨɨ laa Nwi nə ywèysə Yeso fɨ shɨ yiku nə, faŋ məywey fɨ shɨ yiku kee lùu shɔ nə me.

1 Kɔrintian 15:2

Luu sheꞌ buꞌ yigi yɔ́ faŋ Nwi bwèysə viŋ, faŋ viŋ nùŋsə yigi yɔ́ sheꞌ faŋ mə nə nàysə tɨ́ viŋ nə. Toꞌ kee lùu nɨniŋ me, buu viŋ nùŋ fwi siŋ maa Kristo sheꞌ dayday.

1 Kɔrintian 3:18

Kɨ wə kɨ bweꞌsə ŋwaa wi me. Wə kɨ luu lùu taa ŋwaa viŋ, faŋ ŋwə bɨꞌtə laa yi kìi yitɔfə taa mbi nyə̀, bàw ŋwə kiasə gù wə faŋ ŋwə kee kɨ̀ɨ nə nu me, buu kaꞌ ŋwə ndɔ kìi yitɔfə njyə faŋ lùu yitɔfə yinsəŋ.

Galatia 2:6

Gə fɨ maa vɨɨ mbɨə faŋ vɨ nə ndi vəŋ maa vɨɨ faŋ vəŋ lùu tɔ, vəŋ nə kee gì laa nu mɔ́ꞌ lùu shɔ, mə baa yɨ me. Luu nə, vɨɨ vɔ́ nə kɔlə lùu vɨɨ kwalə nə, mə kee shə̀ŋ shɔ me, buꞌ laa vɨɨ vənshə luu nɨndɨŋ vɨsɨ Nwi.

Galatia 2:9

Nɨniŋ, Jeyms nə Pita [Sifas] nə Jɔn, faŋ vɨɨ Nwi nə ndi vəŋ yaa vətweꞌ, baa lùu ŋkee vɨɨ kwalə fɨ taa ŋii Nwi, nə ye laa Nwi kɔ̀ faꞌ ghɔ́ shee yinsəŋ, yia vɨ vəŋ nə Barnabas sə̀ŋnə ghɔ, faŋ nə luu shwenə laa yia lùu fa kəmuꞌ, yia vɨ vəŋ. Vəŋ biŋ laa, yia Barnabas gə fàꞌ taa ŋwaa vɨɨ faŋ kee lùu vɨɨ Jus me, vəŋ gə fàꞌ taa ŋwaa vɨɨ Jus.

Galatia 3:4

Viŋ duꞌtə viŋ ye faŋ Nwi faꞌ vənu vəyaŋ taa ŋwaa viŋ. Viŋ ndi vənu vɔ́ yaa vənu vədayday mu? Mə kee bɨꞌtə laa mbə lùu dayday me.

Galatia 6:3

Wə kɨ luu kɨ bɨꞌtə laa yi lùu nu, faŋ ŋwə lùu wuu dayday, buu ŋwə bweꞌsə ŋwaa wi.

Efesɔs 4:29

Kɨ tuu ŋkee nu bwə fuu fɨ shuu viŋ me; kɨ fuu sheꞌ yigisə yijəənə, tɨ́ kaꞌ nyə jwi nə mənɔŋ-bwaŋnə tɨ́ vɨɨ mbɨə faŋ vəŋ zɔ yigi yɔ́, gàŋtə vəŋ maa nu ŋkɨə faŋ ŋkə ghɔꞌ vəŋ.

Efesɔs 5:4

Kɨ yigisə ŋkɔmə, nə yigisə vəmfaw, nə yigisə yibwənə faŋ nyə kee yikuꞌnə me, kee kɨ fuu fɨ shuu viŋ me! Viŋ bee kɨ kii kɔ məbwaŋ tɨ́ Nwi.

Kɔlɔsii 4:6

Viŋ yɨsə laa yigisə yiŋ luu yizutə, nyə baa lùu yindɨŋ tɨ́ vɨɨ, tɨ́ kaꞌ viŋ kɨ̀ɨ maa məbəŋsə yigi tɨ̀ me yigi tɨ́ vɨɨ ŋkee yijəə.

Jeyms 1:19

Vaŋ-nshwi vaŋ faŋ mə kàw, bàw viŋ kɨɨ nə nu ŋkɨə faŋ mə kəə gì ndwə. Bàw wə kɨ zɔ titi, jia fwi maa məgi, baa jia fwi buꞌ fwi yishəsə.

Jeyms 1:22

Viŋ kɨ zɔ yigisə Nwi yɔ́, yɨsə nɨzi, buꞌ viŋ bweꞌsə yiŋwaa yiŋ.

Jeyms 2:20

A luu mfaw, bàw a kɨɨ laa, wə kɨ luu biŋ Nwi, kee kɨ yɨsə nu ŋkɨə faŋ Nwi gì me, buu lùu nu dayday.

1 Pita 3:10

Maa vɨ nə nyɔ̀ꞌ taa ŋwaꞌlə Nwi laa, «Wə ntɨə faŋ ŋwə kəə zɨ mənɔŋ-bwaŋnə nə məŋaytə shɨ nsi, bàw ŋwə kee baa kɨ gisə yigi yibwənə me, kee gì yigi təba me.