Jeyms 1:25 - Vengo (Babungo)

²⁵ Wə kɨ luu ndeynə ntɨsə Nwi, goꞌsə shɔ, kee lùu yaa wə faŋ ŋwə zɔ ndènə me, luu nə, lùu yaa wə faŋ ŋwə zɔ kɨ yɨsə, buu mənɔŋ-bwaŋnə Nwi lùu tɔ wə ghɔ́ faŋ ŋwə yɨ nu kɔ́ nə. Ntɨsə Nwi bàw shɨ̀lə, yɨsə nsiŋ fuu fɨ ghɔ nu bwə, duꞌ jəə.

Jeyms 1:25 ပူးပေါင်းရင်းမြစ်များ

Lukas 11:28

Ŋwə gi ŋkii laa, «Bey, mənɔŋ-bwaŋnə tɔ vɨɨ mbɨə faŋ vəŋ zɔ nu Nwi jia!»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 13:17

Viŋ kɨɨ nə nu kɔ́, kɨ yɨ nɨniŋ, buu mənɔŋ-bwaŋnə lùu tɨ́ viŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:36

Nɨniŋ, Wee Nwi kɨ luu kɨ yɨsə laa viŋ kee baa lùu vəbuꞌ me, buu viŋ taa nyɨŋ fɨ lùu vəbuꞌ yinsəŋ.

Akts 13:43

Məshəŋtə ghɔ́ kɨ waꞌ, vɨɨ vəyaŋ fɨ taa ŋwaa vɨɨ Jus nə vɨɨ vəmɔ́ꞌ faŋ vəŋ nəə bəŋsə Nwi nɨzi, beꞌsə Pɔɔl ghɔ Barnabas. Pɔɔl ghɔ Barnabas gi tɨ́ vəŋ, tɨ̀sə vəŋ laa, vəŋ nùŋ fwisə vəŋ sheꞌ maa nu gəŋsə Nwi kɔ́.

Akts 2:42

Vəŋ kɨ nii yiduꞌ, kɨ zɔ nu ŋkɨə faŋ vɨɨ ntɔŋ Yeso deesə tɨ́ vəŋ, baa luu biŋ, ndɔ zɨ fazɨ Mbɔŋ, ndɔ shɔꞌtə Nwi.

Akts 26:22

Jwi kɔ tɔ və-ndee, gaŋtə Nwi gaŋtə mə, laa mə kɨ tɨtɨŋnə, fɨꞌtə nu Nwi tɨ́ vɨɨ kwalə nə tɨ́ vɨɨ tɨtiꞌ, fɨꞌtə sheꞌ nu ŋkɨə faŋ nshiisə-ŋii sɔghɔ nə Mose nə fɨ̀ꞌtə laa ŋkə ndɔ gay nə.

Roma 11:22

Bàw a kɨɨ nə gəŋsə Nwi, baa nə fwi yishəsə yi nɨzi. Nwi shə maa vɨɨ faŋ vəŋ gù, saylə tɨ́ ghɔ, faŋ a gòꞌsə taa nu məsaylə kɔ́. Luu nə, a kee gòꞌsə shɔ me, buu ŋwə shia ghɔ, mèꞌ nɨzi.

Roma 2:13

Wə kee lùu wuu loomə vɨsɨ Nwi, buꞌ faŋ ŋwə nə zɔ̀ ntɨsə Nwi me. Ŋwə loomə buꞌ faŋ ŋwə yɨsə nu ŋkɨə faŋ ntɨsə sɔ́ gì nə.

Roma 7:12

Nɨniŋ, ntɨsə Nwi bàw shɨlə. Nuŋsə yi baa luu bàw shɨlə, baa lùu yiloomə, ndɔ lùu nu jəə.

Roma 8:15

Zwitə ŋkɨə faŋ viŋ yaa fi nə, kee yɨsə laa viŋ gu vəbuꞌ, baa kɨ fee me. Zwitə kɔ́ yɨsə laa viŋ luu vaŋ Nwi binə. Nɨniŋ, nsiŋ tii ŋwə laa, «Aŋ Tii wia.»

Roma 8:2

Lùu nɨniŋ buꞌ laa nuŋsə Zwitə Nwi, faŋ nyə kɔ̀ məbwey tɨ́ nsiŋ buꞌ Yeso Kristo, gaŋtə nsiŋ fɨ ghɔ nuŋsə nu bwə, baa nə fɨ ghɔ yiku.

1 Kɔrintian 15:58

Nɨniŋ, vaŋ-nshwi vaŋ faŋ mə kàw, viŋ kɨ tɨŋnə weꞌ. Viŋ goꞌ fa kəmuꞌ viŋ vɨ Kristo. Viŋ kɨ faꞌ faꞌ Nwi nə fwi yinshə, buꞌ laa viŋ kɔꞌ kɨɨ laa faꞌ ŋgwə faŋ viŋ faꞌ tɨ́ tɨta Yeso, kee ndɔ ndi day me.

2 Kɔrintian 13:5

Nɨniŋ, bàw viŋ kwaꞌtə nu kiŋ laa fwi yiŋ lùu ghɔ Kristo mu? Viŋ fɨꞌnə nu kiŋ maa nshɨ-tɔ wiŋ. Maa viŋ kɨɨ nə yiŋwaa laa Yeso lùu taa fwisə viŋ? Ŋwə nii toꞌ kee lùu shɔ me, buu nu kiŋ kee yikuꞌnə me.

Galatia 2:4

Ntay yɔ́ nə koꞌ sheꞌ buꞌ vɨɨ mbɨə faŋ vəŋ fùŋsə yiŋwaa, laa vəŋ lùu vɨɨ Kristo, faŋ vəŋ nyɔꞌtə ŋii taa nshəŋtə vɨɨ Kristo. Vəŋ nə nyɔꞌtə ŋìi maa məye nshinə nyaa-nsiŋ, maa mədə tɨ́ vɨɨ laa nsiŋ gù nu, buꞌ faŋ nsiŋ vɨ Yeso Kristo fàynə, dùꞌ vəley, nuŋsə vɨɨ Jus kee baa kìi wutə tɔ nsiŋ me. Vəŋ nəə kəə laa nsiŋ ŋii taa nuŋsə vɨɨ Jus, gù vəbuꞌ tɨ́ nuŋsə vɨɨ Jus.

Galatia 5:1

Kristo nə shùꞌ nsiŋ fɨ ghɔ ntɨsə vɨɨ Jus, laa kɨ nsiŋ baa lùu vəbuꞌ me. Nɨniŋ, viŋ tɨŋnə weꞌ yaa vɨɨ faŋ vəŋ duꞌtə vəŋ nyɨŋ nu. Kɨ viŋ baa biŋ vɨɨ yɨsə viŋ baa gu vəbuꞌ me.

Galatia 6:2

Viŋ gaŋtə wə nə wə, shàꞌ ŋɨꞌ wə nə wə. Viŋ yɨ̀ nɨniŋ, buu ŋkə də̀ laa nshinə Kristo lùu maa viŋ.

Kɔlɔsii 1:23

buꞌ faŋ viŋ kɨ tɨtweꞌ bìŋ Nwi, nùŋ fwi siŋ sheꞌ maa nu Nwi, tɨ̀ŋnə weꞌ, tə̀ sɨ sheꞌ maa vənu mbɨə faŋ viŋ zɔ̀ fɨ taa nu Nwi. Luu sheꞌ nu Nwi kɔ́ faŋ vɨ fɨꞌtə tɨ́ vɨɨ vənshə, ŋkə saynə shɨ nsi kənshə. Mə Pɔɔl nə gù wuu faꞌ nu Nwi kɔ́, laa mə kɨ fɨꞌtə nu Nwi kɔ́ tɨ́ vɨɨ.

1 Timoti 2:15

Luu nə, wəzwi ndɔ zɨ məbwey vəlwaŋ, buꞌ faŋ ŋwə bì vaŋ vi, gòꞌsə maa nu Kristo, nə taa ŋkawnə Nwi, baa yɨsə vənu vəjəəvə nə yitɔfə, gə̀ nə vɨsɨ.

1 Timoti 4:16

Kɨ shiŋnə ŋwaa wə, baa shiŋnə nu Nwi faŋ a deesə nə, gòꞌsə shɔ. A kɨ luu kɨ yɨ nɨniŋ, buu a taa bweysə ŋwaa wə, nə vɨɨ mbɨə faŋ vəŋ zɔ nu ŋkɨə faŋ a gisə.

Hibru 12:15

Viŋ kɨ ndɨɨnə laa kɨ wə fɨ wiŋ ndi jɨɨ Nwi, mànə gəŋsə Nwi me. Kɨ wə gu yaa mbiŋ faŋ ŋkə bɨbiŋ me, faŋ ŋkə jwi nə məbiŋ wi, yɨsə vətɔ vəmɔ́ꞌ biŋ me. Kəŋ vɨɨ vɔ́ yaa kɨ jwi nə vənu vəbwəvə, bɨsə nshinə vɨɨ vəyaŋ.

Jeyms 2:12

Nɨniŋ, mə naysə tɨ́ viŋ laa, viŋ lumə maa vənu vənshə faŋ viŋ gisə, nə maa vənu vənshə faŋ viŋ yɨsə, laa Nwi ndɔ sɔꞌ viŋ, fɨꞌnə maa ntɨ njyə faŋ ŋwə nə nùŋsə, faŋ nyə kìi wutə maa məyɨsə vɨɨ fuu fɨ taa nsɔꞌ, dùꞌ ley.

1 Pita 2:16

Viŋ luu vɨɨ faŋ viŋ dùꞌ tɔ viŋ taa mbi. Nɨniŋ, kɨ viŋ gi laa məduꞌ faŋ viŋ dùꞌ tɔ viŋ nə, kɔ̀ jɨɨ, tɨ́ kaꞌ viŋ yɨsə nu bwə me. Viŋ bee kii kɨ yɨsə vənu faŋ mbə kùꞌnə tɨ́ vɨɨ Nwi.

1 Jɔn 2:24

Bàw laa nu ŋkɨə faŋ viŋ yaa zɔ yighee vɨsɨ, ŋkə goꞌsə taa fwisə viŋ, buu viŋ gòꞌsə nə nu kəmuꞌ viŋ vɨ Wee Nwi nə nshɨ-tɔ Nwi nɨzi.

Reveleyshən 14:13

Mə baa kɨ nii zɔ gɨ wə gi fɨ yizɔ laa, «Nyɔꞌ taa ŋwaꞌlə laa, shù ndee mənɔŋ-bwaŋnə lùu tɨ́ vɨɨ mbɨə faŋ vəŋ taa kɨ ku taa ghɔ tɨta Kristo. Zwitə Nwi gì laa lùu nɨniŋ. Vəŋ taa kɨ shəŋ ŋwaa, buꞌ faꞌ ŋgwə faŋ vəŋ nə faꞌ nə wutə nə. Lumə vəfaꞌ vəvəŋ beꞌsə vəŋ.»

Reveleyshən 22:14

Mənɔŋ-bwaŋnə tɨ́ vɨɨ mbɨə faŋ vəŋ sɔ̀ njwisə vəŋ, nsə ley, tɨ́ kaꞌ vəŋ kìi wutə maa məkwə fɨ maa vətaŋ tɨ və məbwey, baa nə maa məshɔɔ fɨ shuu ŋkɔꞌ, ŋìi taa shɨ yɔ́.