Jeyms 1:22 - Vengo (Babungo)

²² Viŋ kɨ zɔ yigisə Nwi yɔ́, yɨsə nɨzi, buꞌ viŋ bweꞌsə yiŋwaa yiŋ.

Jeyms 1:22 ပူးပေါင်းရင်းမြစ်များ

Matiu 12:50

Wə ntɨə faŋ ŋwə yɨsə nu ŋkɨə faŋ Tii ŋwaa fɨ yizɔ kəə ŋkə, buu lùu weenshu ŋwaa wəndɔŋ, tɨꞌnə me wəzwi, tɨꞌnə me lùu nshu ŋwaa nɨzi.»

Matiu 28:20

deesə vəŋ maa mənuŋsə vənu vənshə faŋ mə yaa nàysə tɨ́ viŋ nə. Viŋ kɨ lumə laa mə taa luu yɨ viŋ ghee nshə, gə ziꞌ maa vəndwə və mbi.»

Lukas 11:28

Ŋwə gi ŋkii laa, «Bey, mənɔŋ-bwaŋnə tɔ vɨɨ mbɨə faŋ vəŋ zɔ nu Nwi jia!»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 13:17

Viŋ kɨɨ nə nu kɔ́, kɨ yɨ nɨniŋ, buu mənɔŋ-bwaŋnə lùu tɨ́ viŋ.

Roma 2:13

Wə kee lùu wuu loomə vɨsɨ Nwi, buꞌ faŋ ŋwə nə zɔ̀ ntɨsə Nwi me. Ŋwə loomə buꞌ faŋ ŋwə yɨsə nu ŋkɨə faŋ ntɨsə sɔ́ gì nə.

1 Kɔrintian 15:33

Luu nə, kɨ viŋ kɨ bweꞌsə yiŋwaa yiŋ me! Wə kɨ luu kɨ toꞌ fɨ taa ŋwaa vɨɨ bwənə, buu ŋwə taa kɨ yɨsə vənu vəbwəvə yaa vəŋ nɨzi.

1 Kɔrintian 3:18

Kɨ wə kɨ bweꞌsə ŋwaa wi me. Wə kɨ luu lùu taa ŋwaa viŋ, faŋ ŋwə bɨꞌtə laa yi kìi yitɔfə taa mbi nyə̀, bàw ŋwə kiasə gù wə faŋ ŋwə kee kɨ̀ɨ nə nu me, buu kaꞌ ŋwə ndɔ kìi yitɔfə njyə faŋ lùu yitɔfə yinsəŋ.

1 Kɔrintian 6:9

Viŋ kɔꞌ kɨɨ laa vəyɨ-kəbwə kee ndɔ ŋii taa nu yifwàŋ Nwi me. Kɨ viŋ kɨ bweꞌsə yiŋwaa yiŋ me! Vɨɨ faŋ vəŋ yɨsə vənu vəbwəvə, tɨꞌnə me shi nə vəki, nə vɨɨ faŋ vəŋ feꞌ vənwi, nə vɨɨ faŋ vəŋ meꞌtə vəki vəvəŋ, tìi vəki vəmɔ́ꞌ, nə vəndɔŋ faŋ vəŋ shi nə vəliŋ vəvəŋ vəndɔŋ,

Galatia 6:3

Wə kɨ luu kɨ bɨꞌtə laa yi lùu nu, faŋ ŋwə lùu wuu dayday, buu ŋwə bweꞌsə ŋwaa wi.

Galatia 6:7

Kɨ viŋ bweꞌsə yiŋwaa yiŋ me, Nwi kee bìŋ laa wə taw yi me. Fa ŋkɨə faŋ wə sɔ, luu ŋkə faŋ ŋwə ndɔ shwi.

Filipi 4:8

Vaŋ-nshwi vaŋ, vəndwə və yigi vaŋ lùu laa, viŋ nuŋsə mbɨꞌtə yiŋ sheꞌ maa nu ŋkɨə faŋ ŋkə lùu yinsəŋ, nə ŋkɨə faŋ ŋkə kùꞌnə tɨ́ vɨɨ Nwi, nə ŋkɨə faŋ ŋkə lùu kəloomə, baa lùu kəley, baa nə maa vənu mbɨə faŋ mbə kɔ məŋaytə tɨ́ vɨɨ, baa suŋtə vɨɨ. Vənu vəjəəvə vənshə, nə mbɨə faŋ mbə jwi nə məbəŋsə tɨ́ Nwi, lùu vənu mbɨə faŋ viŋ taa kɨ bɨꞌtə mbə.

Kɔlɔsii 3:17

Taa vənu vənshə faŋ viŋ yɨsə, nə təgi tənshə faŋ viŋ gisə, viŋ kɨ yɨsə vənu vənshə sheꞌ maa yizii Yeso Kristo, baa bwaŋ Nwi, faŋ lùu Tii ŋwaa-nsiŋ, fɨ yiba jɨŋ Kristo.

2 Timoti 3:13

Luu nə, vɨɨ bwənə nə vɨɨ məbuulə yitɔ yi vɨɨ gə vɨsɨ vɨsɨ nə nu bwə vəŋ, toꞌ bweꞌsə vɨɨ, vɨɨ bweꞌsə vəŋ nɨzi.

Taytəs 3:3

Maa yighee vɨsɨ, nsiŋ nɨzi nə bə̀ə tɔ ley, kee zɔnə Nwi me, toꞌ maa jɨɨ yibwə, baa lùu vəbuꞌ tɨ́ vənu vəbwəvə vəyaŋ faŋ fwi saŋ-nsiŋ nə kàw, toꞌ yitoꞌ nyaa-nsiŋ nə njyoꞌ yibwə, baa ghɨꞌ vɨɨ, vɨɨ bee nsiŋ, nsiŋ baa beenə yiŋwaa nyaa-nsiŋ nɨzi.

Jeyms 1:26

Wə kɨ luu bɨ̀ꞌtə laa yi lùu wuu Nwi, kee jìa nditə ki me, buu ŋwə bweꞌsə fwi yi, məbiŋ wi laa yi lùu wuu Nwi, lùu dayday.

Jeyms 4:11

Vaŋ-nshwi vaŋ, kɨ viŋ baa kɨ gisə vənu vəbwəvə tɔ yiŋwaa yiŋ me. Wə kɨ luu gi nu bwə tɔ weenshu wi, yighee mɔ́ꞌ kɨ kəə shia nsɔꞌ tɔ ŋwə, buu ŋkə lùu laa, ŋwə gisə bwə kɔ̀ŋ ntɨsə Nwi, ndi nshɨ-tɔ wi yaa wuu məshia nsɔꞌ kɔ̀ŋ ntɨsə Nwi. Wə kɨ luu ndì ŋwaa wi laa yi lùu wuu məshia nsɔꞌ kɔ̀ŋ ntɨsə Nwi, buu ŋwə kee baa lùu wə faŋ ŋwə nùŋsə ntɨsə sɔ́ me.

Jeyms 4:17

Nɨniŋ, wə kɨ luu kɨɨ maa məyɨsə nu jəə, kee kɨ yɨsə me, buu ŋwə yɨ nu bwə.

2 Pita 2:13

Nwi ndɔ ndɔꞌ tɨ́ vəŋ nə ŋɨꞌ sheꞌ faŋ vəŋ nəə kɔ ŋɨꞌ tɨ́ vɨɨ nə. Vəŋ kəə sheꞌ maa məzɨ yiŋwaa vəŋ, yɨ nu kɔ́ ŋkee nə shɨshwi. Nshinə vəŋ luu ŋkee nu tɔ dɨɨ tɨ́ vɨɨ Nwi. Viŋ vɨ vəŋ dùꞌ mɔ́ꞌ zɨ nu, vəŋ kɨ gə yiba, vəŋ yɨ vənu vəbwəvə faŋ vəŋ kàw.

1 Jɔn 1:8

Nsiŋ kɨ luu kɨ gisə laa, nu bwə kee lùu taa fwisə nsiŋ me, buu nsiŋ bwèꞌsə yiŋwaa nyaa-nsiŋ, buu nu yinsəŋ kee lùu taa ŋwaa nsiŋ me.

1 Jɔn 2:3

Nu ŋkɨə tɨ́ kɨ kaꞌ nsiŋ kɨɨ laa nsiŋ kɨ̀ɨ nə Nwi yinsəŋ, lùu laa, nsiŋ kɨ luu nuŋsə ntɨsə Nwi, buu nsiŋ kɨ̀ɨ nə Nwi yinsəŋ.

1 Jɔn 3:7

Vaŋ vaŋ, kɨ viŋ biŋ laa wə bweꞌsə viŋ me. Wə ntɨə faŋ ŋwə yɨ nu loomə, buu vənu vi lòomə yaa mbə Yeso.

3 Jɔn 1:11

Wuumba ŋwaa, kɨ ghɔ kɨ fiꞌsə vənu vəbwəvə me, kɨ fiꞌsə luu nu jəə. Wə ntɨə faŋ ŋwə yɨ nu jəə, ndɔ̀ fɨ ghɔ Nwi. Wə ntɨə faŋ ŋwə yɨ nu bwə, kee bee yè Nwi me.

Reveleyshən 12:9

Vɨ ndi nshɨ zɔ-ŋgu-yibay ghɔ́, mɔ̀ꞌ shɨ nsi. Luu ŋkee zɔ yimwa yɔ́ faŋ vɨ tìi nə tɨɨ vəzwitə vəbwəvə, baa nə Satan, wuu məbweꞌsə mbi yinshə. Ŋwə fiŋ fɨ taa yizɔ, fìŋ shɨ nsi, ghɔ vɨ nshiisə-ŋii si.

Reveleyshən 22:7

Viŋ zɔ! Yeso gì laa yi taa yasə jwi. Mənɔŋ-bwaŋnə lùu tɨ́ vɨɨ mbɨə faŋ vəŋ nùŋsə yigisə shuu Nwi yɔ́ fɨ taa ŋwaꞌlə ŋwə̀.»